[ النظام الأفتراضي ] : مهم جداً جداً . . !

[بسمة فقير]

كل الشكر لمن أبدا رأيه ..


ولكن أستفسار " هل نحن مجبرين لتكرار التحميل مره وثنين وثلاث ؟؟؟ "

أعزائي أبدا محنا مجبرين على هالشي ولا حنا فاضين للدرجه هذي اللي ماورانا غير التحميل والحل عشرات المرات الاغلبيه مرتبط بوظيفه وواجبات وظيفيه واجتماعيه وايضاً عائليه فلو جلسنا على هالمنوال وعلى قولتكم نحمّل بهالشكل وبهالعدد عزالله اللي أنقطعنا عن كل شي

المفروض علي وعليك حل الواجب مره واحده والتحميل لمره واحده < هذا ماتجري عليه العاده الا هنا انقلب الحال

*كل اللي أتمناه تكون هناك مطالبه من الجميع بعرض درجات المشاركه وادراجها في سجل الطالب الاكاديمي قبل دخوله الاختبار بفتره ليحدد من خلالها ما يجب عليه فعله < وهذا أعتقد حق من حقوق الطالب !!

ولا أحد مجبور يدخل الاختبار وهو على اعصابه من درجة المشاركه لانها الشغله الوحيده اللي المفروض تكون مضمونه 100٪ او عالاقل معروفه !!



فهد الله يسعدك أتفق معك بطريقتك ولا تنسى الشهود والمزكين اللي ذكرتهم بردك الاول


بالتوفيق للجميع ..

*

[محمد الحمدان]

لابد نضحي بعض الشيء من حياتنا الاجتماعية في سبيل مستقبلنا ،،ولكل مجتهد نصيب ،،وتذكر ان الله لايضيع عمل عامل منكم ،،اتمنى التوفيق للجميع

[النوري الدوسري]

جاني خبر من احدى الزميلات بأن الجامعة راح تحسب المشاركات اسبوعيا ابتداء من هذا الترم

[بسمة فقير]

^
^

هذا لا قالو لك ( أما حبى والا برك )

ولكن بنظري بيكون أفضل بكثييير من حركة المستوى الاول وبهذلته اللي صارت .. ولو أن الافضل لو تنحسب درجات المشاركه كل اسبوعين وتنزل الدرجه دايركت وبآخر المستوى قبل الاختبارت يتم جمع الدرجات وأدراجها في السجل الاكاديمي ويكون الطالب متابعها من البدايه أريح لهم وأريح لنا


وألحين أبتدا المشوار بالتوفيق للجميع