[ النظام الأفتراضي ] : مهم جداً جداً . . !

[بسمة فقير]

طبعاً ( درجة المشاركه ) اصبحت هاجس الأغلبية أن لم يكن الجميع بحيث ان اللي أنقرص منها المستوى الاول راح يبقى خايف وعلى أعصابه واللي كانت أموره تمام راح تبقى بالنسبه له تشكل قلق وخوف على قرار ( لايجيني ماجاهم )



وفعلاً الوضع ما يطمن حنا مانتكلم بشي راح أكثر من أننا نركز عالجاي .. ألحين شلون نضمن درجات المشاركه بالمستويات الجايه ؟

غير ذلك ليش مايتم عرض درجات المشاركه بسجل الطالب/ـه الاكاديمي في حال أيقاف المشاركات وتعطيل الايقونه بمعنى قبل الاختبارات بحيث أن الطالب يكون علي بيّنه ويدخل الاختبار عامل حسابه وعارف وش يحتاج له !!

أتوقع درجات المشاركه حق لكل طالب يعرفها من بدري دام الخارطه الاكاديميه فقدت مصداقيتها بالنسبه للاغلبيه !!

أحد يوافقني بـ هالشي ؟؟


" كتبت كلامي هذا كمشاركه بأحد المواضيع ولكن شفت انه يستقل بموضوع لحاله ونشوف الاراء أفضل "
*

[Noooralgamar]

والله معك حق ..
و المشاركات هذي صارت هاجس الكل ولا احد يلومهم
لان 30 درجه حرام تضيعها من يديك وبمقدروك تجيبها ..
بالنسبه لحقنا في معرفتها انا معك في الشي هذا
لكن هل تتوقعين رآح يكون هالشي صحيح من قبل الجامعه
خاصه انو جربنا من الجامعه الكريمه الخارطه الاكاديمه
وماكانت بالدقه المطلوبه ابدا ابدا
وجات مخيبه للآمال
لذلك ومن ناحيتي انا ونفسس اللي سويته المستوى الاول رآح اسويه الحين
اطبع جدول متابعة لجميع المواد ..
يتضمن المناقشات الواجبات المحاضرات المسجله والمباشره
وكل ماسويت شي حطيت قدامه صح
والحمد لله رب العالمين ولادرجة نقصتني في المشاركه
بالرغم من ان الخارطه لما فتحتها فيها اكسات حمراء تروع
بس الحمد لله كنت متآكده من اللي اسويه
وفعلا ولادرجه نقصت

[turki1400]

مشكورة على الطرح

لطالما كان الموضوع يؤرق الجميع والبعض وقع بالمحظور

وانا كنت اتابع باستمرار واعيد التأكد من الحل والتحميل والمشاهدة

ولله الحمد كانت نتايجي كاملة والكامل وجه الله

فالاخير رتبوا اموركم وفيه كم عينة لجداول للمتابعة تسهل عليكم الامر

مرفق جدولين للمتابعة

بالتوفيق

[خيال الافلاج]

I Agree with you

[بسمة فقير]

هلا فيكم ..

نور القمر وتركي

جميله الطريقه ولكن الهم الاكبر اللي شاغلنا ( هل تُحسب ؟؟ )
لان مثل منتي شايفه عالم كثييير مهما اختلفت طرقهم بالمتابعه و" تأكدهم وجزمهم " الا انها لم تُحسب لهم الدرجات وحتى اللي حصل عالنتيجه كامله صدقيني مع هالنظام " المعفوس" ماراح يضمن شي وراح يكون متوتر !!!

كل اللي نطالب به ( وهو حق لنا ) اننا نطلع ونعرف درجات الواجبات والمشاركه قبل الاختبارات بأسبوعين كـ حد أقصى !!

أيضاً أقترح تكون فيه مثل العلامه او الاشاره " تحت كل واجب او محاضره مباشره او مسجله " توضح للطال/ـه ان كان أتمم المهمه بنجاح وحسبها النظام !!
الخارطه ماأفادتنا ( أبداً )

على فكره دام الطالب أختار هالصرح بالذات واقدم عالدراسه فيه دون غيره وأوفى بالتزاماته تجاهه فمعناها اعطاهم الثقه في المقابل سالفة نقعد نصور كل خطوه لهم ونحتفظ بالاثباتات هذا معناه انهم فرضو علينا نكون في حالة شك دائم وهنا أنعدم مبدأ الثقه المتبادله مثل ما تطلب لازم تعطي !!






خيال الافلاج يسعدني موافقتك لي الراي ..



حياكم

[طرطيعة]

مكان ما تضربها عوجه

ترتاح الخارطة الأكاديمية

مع أني كنت محملة كل شي بس جاتني اكسات لليل

بس الحمد لله طلعت درجاتي كاملة

والي اعتمدته المرة الاولى راح استمر عليه

كنت احمل المحاضرات مرتين .... على الايباد واللاب

ويوم أشوفها كمان أشوفها على نفس النظام ما أشوف المحمل

يصير الي مايمسك في النظام هنا يمسك هناك جننونا

[نقااء]

انا اشوف انه يتم الحل والتحميل ب اوقات ماتكون زحمة ..

اعتقد النظام بالزحمة مايحصي كويّس ..
لكل نظام الكتروني في العالم عيوب ..وعيب نظام الجامعة يخبط بالضغط والزحمة
عندك مبين انه حمل لكن عندهم مايتم احصاءه

وحتى لما جيت اسجل موادي يعلق عند حفظ التغييرات اكثر من مرةة
ولما دخلت بس اتفرج رغم اني مقتنعه اني ماسجلت! لقيته حافظ وخالص
يعني مسجلتهن لكن اي مرة صابت اول ؟ الله اعلم



^ اعتقاد فقط حسب ماشوف الحال

[ونين الروح]

كلامك سليم وصحيح ولا غبار عليه والمفروض من الجامعه تفعل الايقونه بشكل دائم عشان الواحد يعرف ان الدرجات اعطيت له ولا لأ ومايروح تعبنا طول الوقت عالفاضي و اخر شي تلحق ولا ماتلحق

وانا حملت المحاضرات ليما قلت بس وبالاخير جتني اكسات بس الحمدلله لحقت على نفسي وحملتها مره ثانيه وثالثه ورابعه للتأكيد صرت ما اضمن موقع الجامعه صراحه وبالاخير الحمدلله اخذت الدرجه كامله

[Fahad T]

سوي مجلد واجبات لكل مادة ... وبعد ماتحلين الواجب .ارجعي ادخلي على الواجب كأنك بتحلينه مره ثانيه..راح تطلع لك ملاحظة وموضح فيها درجة الواجب اللي تحصلتي عليها
صوريها و سميها اثبات حل الواجب _ 1

وبخصوص المناقشات نفس الشي صوري الشاشه ..
اما المحاضرات ..انصحك بتنزيل برنامج تصوير فيديو...شغليه و ادخلي على المحاضرة و نزليها و بعد ماتخلصين طفي البرنامج و سوي حفظ و سميها تنزيل المحاضرة الاولى وهكذا و نزليهم لو تبين باليوتيوب

بكذا راح يكون عندك دليل مادي تقدرين تحاجين فيه عبدالله الفريدان .

لان نظام الفريدان واضح ... لو حلفت بالله انك حليت الواجب يكذبونك . بهم ضعف ايمان والعياذ بالله.
ولو جبت لهم cd تصويرك يصدقونك .لاعب فيهم حب الدنيا و العياذ باالله.
وشكرا

[بلقيس الهاجري]

وآنا أقووووووووووووول حق الجميع لازم تكون المشاركات من النظامين

لإننا ضعنا المستوى الإول ناس تقوول البلاك بورد وناس أخرى تقووول الافتراضي وأنا بحثت الكلام مع مجوعة قالوا لي خلي مشاركاتج على النظامين حتى تبعدي عن لو ولو ولو وما يليها من ندم .............


اللهم بلغت فاشهد ............ وبالتوفيق .