بخصوص ضغط جدول الاختبارات خلال يومي السبت والاحد - للجميع-

[MAS306]

المشاركة الأصلية كتبت بواسطة nnos

يعطيك الف عافيه اخوي ويوفقك .. الكل متذمر من الجدول وماتوقع احد راضي عنه لا اللي ابتدا بالمذاكره قبل الاختبارات بأسبوعين ولا اللي ماذاكر الا بليلة الاختبار اكتب صيغة الخطاب ونزله للجميع بالمنتدى وكل طلاب المراكز يوكلون شخص متحدث عنهم مع المشرفـين لهم من قبل الجامعه ولو مانفعت ولا شفنا

واتمنى من الله لي ولكم التوفيق وتسهيل الامور

ابشري هذا نص الخطاب بالمرفقات ارجوا تنزيله وتعديل ما يلزم حسب مركز الاختبار والمدينه وهو جاهز ومنسق.

ارجوا من الجميع المشاركة

[Against Gravity]

لايحتاج خطاب اختي nnos

الان ارسلي ايميل للجامعه على استفسارات عامه تحت بالرابط
http://www.kfu.edu.sa/ar/Deans/elear.../contacts.aspx
اكتبي تظلم واكتبي معاناتك واللي حصل باختصار

مثلا :
السلام عليكم ورحمة الله
اكتبي تخصصك ومستوى اول ورقمك الجامعي
اختباراتي في السبت والاحد عانيت من ارهاق شديد
ان ضيق الوقت والتزاماتي العائليه اعاقتني ومنعتني من المذاكره بجد

كثرة الارهاق وقلة النوم منعتني والكثير غيري من الاجابه بكل ثقه في الاختبار
ضاعت المعلومات وتداخلت فيما بينها حتى اشتد الامر علينا لكثرة تعبنا
والبعض منا لم يذق طعم النوم منذ الامس

كل هذا أدى إلى ظلم الكثير والكثير من الطلبه
نأمل منكم كما عهدنا فيكم حرصكم واهتمامكم لمصلحة الطلاب
نأمل منكم أن تساعدونا
وأن يتم وضع جدول مناسب في المستوى الثاني كل ماده لوحدها

شكر الله لكم وجزاكم عنا خير الجزاء


...........

او شئ من هذا القبيل
واتوقع تعاونهم كما تعاونوا معنا عندما ارسلنا ايميلات بخصوص مشاكل المباشره
فسمح الدكتور الفريدان بمحاضرتين فقط من اصل ثلاثه جزاه الله عنا خير الجزاء

[Against Gravity]

هذا اقتباس من ايميل ارسلته للجامعه

وخطاب اخي Mas
جميل جدا وفقه الله

[MAS306]

شكرا اخت غادة على التعقيب

اعتقد ان الخطاب ضروري لانه راح ياصل العميد لان المشرف على المركز يتواصل مع العميد مباشرة بالاضافة للايميل لكن الايميل ممكن يرد عليك موظف عند العميد و ممكن مايعطي العميد خبر

ارجوا من الجميع تقديم خطاب للمشرف وارسال ايميل كذلك

ارجوا ان كل واحد يبادر ولا يكون فيه احد يتكل على احد لاننا بصراحة شعب اتكالي على الغير

[قاسم مدالله]

سيتم ارسال الاي ميل بعد صلاة الفجر إن شاء الله
وبالنسبة للخطاب جهزته للطباعه
بالتوفيق

[شموخ حربية]

كثر الدق يفك اللحام هيا بنا للمحاولة

[nnos]

مرحبا ياشاطرين ومبروك نهاية الإختبارات ختامها كان مسك اليوم ..
المهم اليوم تكلمت مع مشرفة مركزنا بخصوص الجدول اللي عانينا منه وقالت بخاطري اخدمكم او اسوي شي بس انا ماقدر اوصل لهم اي شي لاخطابات ولا اي اقتراحات لاني عبده مأموره انفذ فقط مايؤمر مني و إذا عندكم اي شي لاترسلونه عن طريق المركز ,
الجامعه حاطه موقعها لكم ولخدمتكم ارفعو الشكوى او الملاحظه اللي تبونها من هناك انا مابيدنا لانحل ولانربط (ويعطيها الف عافيه على لطافة اسلوبها وذوقها).
وبس يعني الزززززبده :
خلونا نتفق والكل يرفع شكوى بموقع الجامعه والله يوفقنا ويعينا عليهم

[مـ ع ــآنــد ..]

الجو عجاجــــه والحبايب قراطيس

ما راح يسوون لنا شي ..
لافات الفوت ما ينفع الصوت ..

[ماجد الدهمشي]

كلام جميل صراحه وراح يستفيدون منه بمن ياتون بعدنا وياخذون حذرهم

اتمني التفاعل بهذا الموضوع القيم