كتاب علم النفس مو مطلوب منا للمذاكره..الي يقول معنا يدخل هنا...!!

[Ambition]

السلام عليكم ورحمه الله وبركاته

شلونكم وشخباركم مع المذاكره والحوسه لانكم محيوسن من بدايه السنه

ولا جايين تلقوا حالكم وتمشون على جدول معين

المووووهم والاهم انا اضطريييييت اني انزل هذا الموضوع بسبب انه بعض الاعضاء يتابعون المحاضرة كذا بس
يعني مايركزون شنو يطلب الدكتور وشنو يبي وشنو المطلوب منا ومن وين نذاكر للاختبار

فيهم خير يكتبون اسماء الكتب ويقولون انها معنا وهي اصلا مو معنا فقط مراجع للي حاب يرجع لها

كذا تخلون العالم تضيع ولا تعرف من وين تذاكر

الكتاب الوحيد المطلوب منا نذاكر منه للاختبار هو مقدمه في التربيه الخاصه للمؤلف تيسير كوافحه وأكد الدكتور بقوه عليه وانه المذاكره تكون منه

بالنسبه للصحه واللياقه الرساله اضن انها وصلت للكل من الدكتور عبدالحكيم المطر انها نفس ملزمه العام الماضي

وماده اللغه الانغليزيه صج طلب منا كتاب بس انتو قرأتوا المحتوى كامل... وقريتوه عدل؟؟؟ (((ماظن ابدا))

لان الدكتور طلب الكتاب وقال (((((في حالة عدم توفر الكتاب المقرر يمكن للاخوة الطلبة الرجوع الى اي مرجع يحتوي على الموضوعات المطلوبة او الاعتماد على ملخص وشرح المحاضرات المسجلة حيث سيتم عرض توضيح وشرح للمادة حسب الوضوعات والخطة مرة اسبوعيا وسيتم تزويد الطلبة بنماذج وتدريبات وتمارين مفيدة))))))

انتبهوا لـ((او)) الي لونها ازرق فوق

اما باقي المواد مالها كتب كلها مرجع للي حاب يتوسع في الماده والمذاكره تكون من المحتوى والمحاضرة اذا تابعتها اول باول....

وبالنسبه لكتاب علم النفس الي متشطرين وكاتبين انه معنا ولو تعدوا كم مره رديت على الاعضاء ان الكتاب مو معنا اعطيكم جائزه شاعر المليون <<<من القهر

بقولكم كلام الدكتور الي قاله في نهايه المحاضرة يعني الي حاب يتاكد يشوف نهايه المحاضرة التمهيديه عشان يتاكد...عشان تعرفوا كان معنا او لا...

قال(((((ان الي بيذاكر من المحتوى والمحاضرة بيقدر يجتاز الاختباربسهوله)))) والاختبار بيكون 50 سؤال وكل سؤال عليه درجتين

يالله يدخل واحد ويعترض ويقولي غير هالكلام

الي بيقول غير هالكلام يجيب الدليل ومن وين سمع هالكلام وفي اي محاضرة وفي اي دقيقه من المحاضرة عشان انا بنفسي ادخل واشوف واتاكد

لان بصراحه انا ماألفت شي من عندي اوك

اتمنى اني فدتكم (( وكلن على كيفه من وين يذاكر))

اللهم اني بلغت االهم فاشهد

دعواتكم

[*الرؤوم*]

والله انا ماافكر بكتب نهائيا اصلا زين لو ذاكرت المحتوى وسمعت كل المحاضرات ..
يعطيك العافيه :)

[Ambition]

حياج الله خيتو بس لازم الواحد يكون عارف كل شي عدل مايقعد يقول كلام من عنده

[هـدوء الليل]

كتاب علم النفس

قال اللي بيستفيد منه بحياته يشتريه والانجليزي بعد قال المحتوى كافي

وحنا نبي النجاح بااول سنه واذا جاء التتخصص شرينا المكتبه كلها :mh01:

والمحتوى كافي من خلال متابعتنا للشرح الدكتور

ونصيحه الكتاب يفر روسكم ولا راح تلحقون بين المحتوى والكتاب <حوسه على الفاضي

اعتمدوا على المحتوى شي اساسي:150: وركزو على اللي يعيده الدكتور ويااكد عليه

وترى طلاب العام شرو كتب اخرتها ماافتحوها

<ماني مكثره كلام :conversation:

[wojod]

ههههههه هدي اعصابك و موضوع جميل وضح الكثير بالنسبه لي مشكوووره خيتوو

جزاك الله خير موفقه يارب ... :)

[تلخبطنيے عيونـكـ]

كلامك صح بس عندي سؤال الاحصاء يحتاج كتاب ولا لا

[هبة آلمنآن]

أيه أنآ أبي كلآم زي كووذآ

وآلله أعجبتيني يآخيتي Ambition

أنآ أبي زي قرقر هذآ

آلحمدلله وصصلت خير

>>مع أني متحسسفه على كتآب آلأنجليزي أني ششآريته من أول من مآنيب مقتنعه فيه بسس عسسآهآ خيره ..

خيتي Ambition مآقصصرتي جعلتسس للجنه يآرب ..

أنتي ومن يقرآ


آمين

[Ambition]

المشاركة الأصلية كتبت بواسطة هـدوء الليل

كتاب علم النفس

قال اللي بيستفيد منه بحياته يشتريه والانجليزي بعد قال المحتوى كافي

وحنا نبي النجاح بااول سنه واذا جاء التتخصص شرينا المكتبه كلها :mh01:

والمحتوى كافي من خلال متابعتنا للشرح الدكتور

ونصيحه الكتاب يفر روسكم ولا راح تلحقون بين المحتوى والكتاب <حوسه على الفاضي

اعتمدوا على المحتوى شي اساسي:150: وركزو على اللي يعيده الدكتور ويااكد عليه

وترى طلاب العام شرو كتب اخرتها ماافتحوها

<ماني مكثره كلام :conversation:

هذا الرد الي يبرد القلب

يافديتتس يابعد تسبدي

[Ambition]

المشاركة الأصلية كتبت بواسطة wojod

ههههههه هدي اعصابك و موضوع جميل وضح الكثير بالنسبه لي مشكوووره خيتوو

جزاك الله خير موفقه يارب ... :)

خلاص هديت الحين طلعت مافي جعبتي من كلام

والاجمل طلتج حبوبه ان شاء الله استفدتي والله لو تشوفي ردودي نصها كلها عن الكتب ونفس الكلام ولا حد جاي يفهم

:)

[bisan]

اووووووف يعطيك العافيه خيو وانا جالسه من ساااع ادور بين المواضيع واسجل الكتب
ريحتني الله يريحك من كل هم