ممكن مساعد لأصحاب القلوب الرحيمه

[سلطان المحيميد]

السلام عليكم ورحمة الله وبركاته
والله ما ادري وش اكتب بس ما اقول الى الشكوى لغير الله مذله الدعايه الي سمعناها عن جامعة فيصل خلتني احس اني ماسك وثيقة التخرج قبل ما ادخل الجامعه وقبل ما اسجل فيها
فهمونا انها سهله وان سياستها افضل من سياسة جامعة الملك عبدالعزيز وجامعة الأمام واسهل . ووقت التسجيل حاولت استفسر عن طريق موقع الجامعه في الأسئله والأجوبه ولكن لا اجابه لجئة للمنتدايات وحاولت تجميع معلومات ولاكن توصلت لمعلومه واحده وهي قبل الاختبار ذاكر واختبر واني غير ملزم بواجبات ولا متابعة محاضرات مباشره . وبعد ما سجلنا وارسلنا الوثائق الرسميه
ابتدا فصل المفاجأت ثلاثين درجه بتروح عليك اذا ما تابعة الموقع وحليت الواجبات وتابعة المحاضرات وشاركت في المنتدايات الخاصه بلحوار كلام جميل
المشكله لم يتم اشعارنا او ابلاغنا قبل التسجيل بهذه المعلومات
تخيلو حتى طريقة التعامل مع الموقع من ارسال واجبات وغيره لايوجد
طريقة اعلام عن المواعيد برسائل الجوال لاتوجد فقط الاعلام يكون بسرعة التسديد فقط فقط فقط ؟؟؟؟؟؟؟؟؟؟
والنهايه شخص متزوج متوقف عن الدراسه من فتره طويله ينتهي عمله الساعه الخامسه من بعد العصر متى يستطيع متابعة كل شي
سياسة الجامعه احس انهم زي الي يقولون للواحد اطلع لشارع وبتلقى مليون جبه وتعال . ونا اقول اذا لقيت هلله انت انسان محظوظ

المصيبه انه بعد انتهاء فترة الأنسحاب واسترداد الرسوم قامو بتقسيم الدرجات

</b></i>الى متى ونحن نشحد المعلومه من المنتدايات نعم انتم ماقصرتو بيض الله وجيهكم
ولا كن ابصم بأصابعي لعشره انها اجتهادات قد تصيب وقد تخيب
انا صدمة ان الطلاب مقسمين الى مجموعات ولم استطع كيف اعرف مجموعتي
ذهلت ان الواجبات مطلوب ارسالها على البلاك بورد ولا نعرف الطريقه
طيب الجامعه بكل بساطه لتسهيل وقع القرار ! قامو بقرارهم الأخير بتجميع الساعات لتصبح 168 ساعه ولم يخصمو منها 10 ساعات بشكل يومي لدوام واربع ساعات لزحمة المرور واربع ساعات للعائله وامور المنزل
اصبح المجموع 18 ساعه وساعتين بشكل يومي لتصفح المنتدايات للبحث عن المعلومه التي يفتقر موقعهم لها
يعني حتى النوم مايبقاله الى اربع ساعات
انا مو واثق ولاكن اجزم العدد المقبول فاق المتوقع ولذالك قامو بأصدار القرارات متتاليه دون سابق انذار لكي يتقلص عدد الطلاب المقبولين
على العموم الواجبات كيف ترسل المحاضرات ليش مانبهونا عنها قبل اسبوعين عشان ناخذ اجازات ونقدر نتفرغ لها ونشاهدها
المشاركات في منتدايات الحوار يعني لو اكتب كيف الحال تعتبر مشاركه طيب كيف الطريقه اني اشارك فيها كيف اعرف انا في اي مجموعه ولازم اشوف المحاضرات مباشره ولا تسجيل وفيه وقت محدد لذالك
على فكره انا ارسلت مجموعة استفسارات قبل ما اقوم بتسديد المبلغ وارسال اوراقي يعني في فترة التسجيل ولم يجيبو عليها حتى الان
ونا اعيد لك المثل هم يبون الواحد يطلع لشارع ويجي معاه مليون وشلون ما ادري
وعلى فكره ترا لو ندرس انتظام افضل بكثير من الأنتساب بهذه الطريقه اقل شي راح يكون هناك وضوح في المعلومه الملتقاه .....

طيب انا الحين تورطة توريطه محترمه ماعندي وقت نهائيا مدري هل الأنسحاب هو الأحل ارجو المساعده ابي رايكم تحياتي</b></i>

[حلمي الامل]

اول السلام عليكم اخي سلطان

انا من جد وانا اقرى معاناتك ضاق صدري
ياشيخ مثلي مثلك بس صرت اتابع وقت عملي فقط
يعني حتى المذاكره اقسم باللي خلقني اني مافتحت الا الجلده اناظر الكآبه الموجوده
فكرت اني انسحب
بس اذا تذكرت شي ثاني هانت علي
اطلبو العلم من المهد الى اللحد
لا تيأأس كل هالكلام اللي شفته فوق من الشيطان مايبيك تجتهد
فكر بعيالك
فكر بمستقبلك
خذ الشهاده وارفع مستواك
والله ثم والله ثم والله انه ماينفعك الا شهادتك
معليش تحمل
تابع
احنا هنا بالمنتدى اي شي تبيه بنساعدك عليه
وش تبي ابدأ لك فيه
عندك سوالك الي تبي تعرف انك بأي مجموعه
خذ الرابط هذا
http://del.kfu.edu.sa/entisab_app/online_courses_groups/
واكتشف
وترى البعض مابعد تقسموا

انتهينا من هالشي
حدد مكانك االحين
انت وينك اذا بالرياض رح خذ ملخصات شفها بمكتبه بشرق الرياض
واذا مو بالرياض الشباب بيفيدونك

ماحد مخليك
انت هونها وتهون

ترى على فكره
محاكيتك كانت في جامعه عبدالعزيز بجده ولا مشيت لانه بقوه سياستها شينه والله العظيم
وسجلت بالامام ولامشيت
بجرب حظي هنا وبتوكل على الله
ومن توكل على الله ماخاب

توكل على ربك سبحانه
ولو كل ويك اند افتح لك كم محاضره على شرائح بوربوينت لو تلقط لك معلومه وان شاء الله ربي يوفقنا جميعاً

[صموته الدلوعه]

:d1: مااااقدرت اقولك شيء

مووفق يارب

[أشواااااق]

بسم الله الرحمن الرحيم

أولا أستهدي بالله وهدي بــآلــكـ

والله ع سآلفه تقسيم الدرجآت لمصلحتناا والله

بتقول لي كيف أقول لك

نمسك خطوه خطوه

بالنسبه للوـآجبآت رآح تنزل هنـــآآ بالمنتدى ماعليك إلا نسخ ولصق

وترسلها ع البلآك بورد

بتقول لي كيف // من هنــــآآ الطريقه

http://www.ckfu.org/vb/t111767.html

نجي لـ المحآضرآت المبآشره

رآح تعرف مجموعتك من هنــآ
http://del.kfu.edu.sa/entisab_app/online_courses_groups/

وأفتح الجدول وشوف متى وقت محاضرتك

وإن شاء الله كلها بعد الساعه 5 عشآن دوآمك

نجي لـ المشآركه بـ منتدى الحوآر

الطريقه من هنـآ /
http://www.ckfu.org/vb/t110516.html

ماعليك إلا تفتح البـلأـآك بورد وتختآر أي مآده وتدخل منتدى الحوآر

وتششآرك بأي شيء أهم شيء تآخذ لك لفتين فيه لو بـ 5 دقآئق

وبكذه رآح تظمن بإذن الله الـ 30 درجه وإنت مرتــآآح ~~~

وأي سؤـآل نحن بالخدمهـ

[لاكوست]

الله يعينك اخوي

والموضوع مو مستاهل كل ذا الخوف

كلها شويه متابعه منكـ فقط لاغير

كل شئ سهل وتقدر تلحق عليه

موضوع الدرجات الكل يشوفه ايجابي اكثر من هو سلبي

دخولكـ وحلكـ للواجبات وفتح نظام البلاكـ بورد لازم يكون من قبلكـ

ومافي شهاده تجي من غير مجهود وتعب

لو خصصت من كل نهايه اسبوع كم ساعه بتلحق كل شئ

كلها واجبين لكل ماده طول السمستر

والمحاضرات والمشاركات امرها هين اهم شئ انكـ تفتح البلاكـ وبتحصل عليها

اما المحاضرات المباشره تقدر تشوفها مسجله وبكذا انتهت مشكلتكـ

يعني اخوي لو انكـ تتصفح النت يوميآ لمده ساعتين بنفتح خلالها البلاكـ سهله جدآ

اما مايخص الأنسحاب فقد انتهى وقت الانسحاب مع استرجاع كامل الرسوم

صدقني الانسان هو الي يسهل على نفسه ويصعب على نفسه الأمور

وحط ببالكـ النقطة هاذي كلنا موظفين وعندنا اسر ودوام 12 ساعه

ومابالغ أذا قلت لكـ ان 90% من المسجلين انتساب عندهم اعمال وبيوت سواء طلاب او طالبات

تحياتي لكـ

[Aro0ojh]

انا اشوف ان 30 درجه كنهم يقولو ضمنها لكم
يعني لو احد ما ذاكر زين او جاه عذر وراح الامتحان وحل ودرجته مثلاً40 +30 =70 خير وبركه كذا يعني يعدي من هلماده وتقديره c+ على ما اتوقع او اكثر اهم شي انه ال30 درجه تسهل وصولك لنجاح بنسبه حلو حتى لو ما كنت مذاكر
10 للمحاضرات المباشره راح تاخذها حتى لو ما شفتها مباشره لما تنزل بلبلاك بورد مجرد دخولك عليها خلاص تاخذ ال10 درجات
والمنتدى اتصفح فيه مو شرط ترد على المواضيع عندك شي تفيد فيه رد ما عندك لا ترد بس تصفح لو كل يوم 5 دقايق على ماده وخلاص تاخذ ال10
والواجب مثل ما قالو انسخ وارسل لو واجبين هسمستر خلاص تاخذها 10
والله الحمد لله انا عاتبر ان ال30 هديه منهم ونضمن فيها اننا نعدي اذا ما ذاكرنا زين واذا ذاكرنا زين زين ناخذ احلا نسبه
والحمد لله على كل حال

[@الشمالي@]

المشاركة الأصلية كتبت بواسطة لاكوست

الله يعينك اخوي

والموضوع مو مستاهل كل ذا الخوف

كلها شويه متابعه منكـ فقط لاغير

كل شئ سهل وتقدر تلحق عليه

موضوع الدرجات الكل يشوفه ايجابي اكثر من هو سلبي

دخولكـ وحلكـ للواجبات وفتح نظام البلاكـ بورد لازم يكون من قبلكـ

ومافي شهاده تجي من غير مجهود وتعب

لو خصصت من كل نهايه اسبوع كم ساعه بتلحق كل شئ

كلها واجبين لكل ماده طول السمستر

والمحاضرات والمشاركات امرها هين اهم شئ انكـ تفتح البلاكـ وبتحصل عليها

اما المحاضرات المباشره تقدر تشوفها مسجله وبكذا انتهت مشكلتكـ

يعني اخوي لو انكـ تتصفح النت يوميآ لمده ساعتين بنفتح خلالها البلاكـ سهله جدآ

اما مايخص الأنسحاب فقد انتهى وقت الانسحاب مع استرجاع كامل الرسوم

صدقني الانسان هو الي يسهل على نفسه ويصعب على نفسه الأمور

وحط ببالكـ النقطة هاذي كلنا موظفين وعندنا اسر ودوام 12 ساعه

ومابالغ أذا قلت لكـ ان 90% من المسجلين انتساب عندهم اعمال وبيوت سواء طلاب او طالبات

تحياتي لكـ

افضل كلام ممكن ان الواحد يقراه ويستفيد منه بعيد عن الاحباط

وعن التذمر وتهويل الامور

صح لساانك لاكوست


............

[ملاذ الصمت]

الله يوفقك يارب
ماأدري وش أقول لك
بس كل اللي أقدر أقوله لاتستسلم وهذه هي البدايه
فاأكيد راح تكون صعبه بس لما تخلص الترم هذا كل شي راح يكون في نضرك سهل
وأحنا كنا الترم اللي فات بنفس خوفك وأكثر
لأنه شي جديد في حياتنا ولازم ننضم وقتنا من شانه
يعني قلبنا نضامنا وضغطنا حالنا ولاندري وش النهايه
بس زي ماقلت هذا كله الترم الأول لأنه شي جديد علينا
أما ألحين الحمدلله راح القلق والتوتر والخوف ووقتنا سار ملكنا
وكل شي تمام
وعلى فكره أنا من الخوف اللي كان فيه بغيت أنسحب الترم اللي فات
من ضيق الوقت وهم بعد من النظام اللي أحيانا تحس أنه ضدنا
بس قلت لنفسي لا ,أنا قدها وقدود
والترم هذا راح أخليه تجربه لي أن مشيت كان بها
وأن ماأفلحت بكون جربت وماراح أتحسف أني ماخطيت هالخطوه
وأنت خلك كذا بمعنى يكون الترم هذا تجربه لك وأنشاء الله أنك قدها
وأذا خلص الترم عاد وقتها القرار لك
وحط في بالك أن ألاف هنا ضروفهم زيك وأكثر بس ماأثر في طموحهم
أسفه على الأطاله وأتمنى أني أفدتك

[شَمـس]

أخوي ...
وكل امرك لله ..(ومن توكل على الله فهو حسبه)..
هونها وتهون ..صدق انا ماعندي التزامات زيكم وقاعده فاضيه بس ماقدرت
ألحق فا كيف انتوا..
ماابي اصعب المسأله بس زي ماقالوا الاخوان ..
وممكن عشان تجربه جديده ..
وبنتعود عليها وانشالله كل شي بيكون عادي..
وبصراحه انا عندي امل ..واحاول اصّبر نفسي
والحمدلله ماشيه الامور...خلك متفائل شوي
والله يعينك..
ويساعدك ويوفقك وينجحك ...
واهم شي وكل امرك لربك..
وتحياتي..

[كِبريآء أُنثىَ]

[align=right]
رآح أسهل عليك المعآنآة

1- موضوع الـ 30 درجة مضمونة (مايبغالها كلام)
2- تنظيم الوقت هذا مقدور عليه(قبل لاتنام حاول ساعتين مخصصة للدراسة)
3- حطّ في بالك بإن مذاكرتك راح تكون تركيز وفهم لإن الإختبار بيكون إختيارات فقط..
4- أي شيّ ماعرفت له حلّ إدخل هنا وكلنا معاك والله الناس تتسابق علشان تساعد ..
5- نصيحة الإنسحاب مو حلّ أبداً .. إذا كنت ناويّ ع البكالوريوس أفضل لك تخلصها ألحين مو بعدين ..

والله والله كل المشكلة يبغالها تنظيم منك إنت شخصياً للوقت

إنت إمسك نفسك وقول الوقت هذا دراسة وإدخل ذاكر ولا بزر يدخل عليك
وحاول تبدأ الحين علشان تفتك من تراكم المواد
يآرب يسهّل عليك كل صعب ..
[/align]