فضائح الكلية الصحية + الصور

[no way]

ها الموضوع جاني ع الاميل :bngo12::bngo12:

والاصقع انه منقول من منتدى :t5:

والله سمعة الكليه رايحة فيها المفروض نغطي وجهنا (( بخلقة سوداء ))


اليكم الموضوع

تستغربون من الموضوع ايوه اي كليه مثل هذي الكليه لازم فيها فضايح كثيره
وانا ما كتبت الموضوع الا من حرقة قلبي على الي يصير في الكلية
اول شيء هذي ابداً ما المفروض يسموها كليه معهد ويخب عليها
انا راح اقول لكم عن الكليه (( المعهد )) وانتو احكموا




1/كليه بنات واولاد ( على قول البنات )
الاولاد هم ... الهنود ( جمع هندي ) طبعا تعرفون :D
لا تسالون ايش دخل الهنود بالكليه اكيد لهم دخل لانهم معانا في الكليه يدخلون من دون احم ولا دستور كم مره شافو الهنود البنات ما عليهم شيء لا والاصقع والادهى ما يشوف وغض البصر لا يترك الي في ايده ويطالع في البنات والاصقع من كذا يعزم ربعه بعد على الشوفه ما ادري هذولا بنات لو تلفزيون
(( والله ما ادري ايش اقول عن عرض البنات وشرفهم )) واذا اشتكينا للاداره قالت عميده الكليه حنا نسوي نداء من قال انهم يسون ولما نقول انتو ما تسوا نداء قالوا الشراء عليكم المفروض تضلون بعباياتكم (( خوش حجه والله )) :bngo12::bngo12:



2/ الحمامات (( والله حاله ))
طبعا للبنات في المبنى الاول (( طبعا سنه اولى )) حمامين فقط 120 طالبه لحمامين فقط واحد منهم مقفل والثاني مافيه ضوء وبعد قذر " طبعا ما يتنظف الا في السنه حسنه " شفتو كيف "البنت ايش تسوي تدخل الحمام ظلمة وقذر لو تروح المبنى الثاني ؟؟؟
واذا راحت المبنى الثاني حطتها الاستاذه late (( متاخره ))
وطبعا لما تجي العاملات على قول العميده انها جايه تنظف لا تنظف ولا شيء الا تمسح بنب خااايش مخمر من ايام يعني من اخر مره انمسح الحمام ولا ديتول ولا هم يحزنون واذا قلنا لها مسحي الكلاس قالت (( مافيه وقت انا خلاص في جي بكره امسح )) ويجي بكره والي بعده والكلاس على حالته
وفيه يوم من الايام تكرموا ومسحوا الكلاس الله لا يرويكم ريحه ((( ريحة البواليع صدقوني ازين )) قالت بنت ان الكلاس خايس قالت لها المستخدمه (( افضل من خياسك )) والبنت كانت نظيفه ومافيه ازين منها :t1::t1:



3/ الاساتذه والله ما ادري ويش اقول و اخلي :t1::t1:
راح اتكلم على ماده من مواد English
واهي grammar
استاذه الماده.....
والله حدها فاشله في grammar اصلا شكلها اهيه مو فالحة في grammar وبعد زياده الطين بله انها تسويه في powerpoint
والله حاله ما ندري ايش نسوي " الله يعدي هذي اللسنين ويستر علينا "


واستاذه reading .....
والله ما ادري ايش اقول عن اسلوبها اول ما شفتها فكرتها طيبه مثل ما قالو عنها السنين الي قبل لكن اكتشفت انها ما فيها شيء من الطيبة الا كلها نحاسه
مره من المرات بنت قامت تعرض presentation الي حقها والبنت من الربكه نست الي راح تقوله فردت عليها الاستاذه قالت لها رجعي وغيري الموضوع بعدين الاسبوع الي بعده لما قامت البنت تعرض presentation الي حقها ورتبكت مره ثانيه قالت لها خلاص رجعي مو لازم تكملي والله لو احد حط مكانه مكان هذا البنت والله ما حصله خير يعني كيف احساس هذي البنت قداام البنات غير الصراخ الي تصرخه ما اقول ان البنات ما يتكلموا في الكلاس الا يتكلموا لكن مو لا زم تستخدم صوتها تقدر تستخدم وسيله ثانيه لان "الصوت لغة الضعفاء "على ما ادري



وراح اتكلم عن ماده من مواد العربي واهي "التحرير العربي" يعني مثل االاملاء
الاستاذه .......
هذي كنت اعتبرها عااادي يالله حصتها تملل لكن عادي مستحملتها احنا بغينا الشقاء
وطلعت لنا هذي الاستاذه بطربات كثيره عدل واولها انها البنت الي تلبس مخالف طبعا على طول غياب لا نقاش ولا بطيخ
يالله البنت مش لابسه عدل حتى البنت الي لابسه ازرق من داخل وفوقه قميص ابيض مش مسكر (( والله ما ادري الفرق بين المسكر والمفتوح )) على طول غياب بعد
ما تعطيها مخالفه لا على طول غياب
والاصقع من ذاك صار في كلاس من الكلاسات ان بنت طبعا بالغلط انكب عليها مريندا فراوله وقالت للاستاذه ابي اروح اغسل قالت لها لا ضلي لا تروحين وبعدين لما شافت البنات تكلموا وقالوا انكب عليها قالت روحي الحمام ولا ترجعي يعني والله ما عندها سالفه ابدا ً
ومره من المرات بنت كانت تبي تروح الحمام وستأذنت قالت ممكن استاذه اروح الحمام ردت عليها ((( انتي حامل ))) ويش تتوقعون موقف البنت ويش تتوقعون وجه البنت صار وبعد ما خلتها تروح الحمام (( فشيله + وما خلتها تروح )) "" طبعا البنت مخطوبة ""



وعدنا استاذه anatomy ..........
الله لا يسمعكم دعاااويها على كل بنت دعت باشكال والوان الدعاوي اضرب لكم مثال يوم من الايام دعت على البنات الي ما تعرف تحل في الاختبار " الله ياخذ روحها " بالله عليكم هذا مجلس علم لو مجلس دعاااوي
والي لاعظم من هذا في الاختبار البنت الي تجيب اقل من اربعه من خمسه ((تكتب لها وحشه )) وهكذا .... والله ايش تقولون على هذي الاستاذه (( ام دعاااوي وانا ما ادري ))
وبعد هذي الدعااوي الي قلتها ما تصير ولا نقطه من بحر
وبعد ازيدكم من الشعر بيت اذا احد ناداها استاذه ما ترد عليه ما ترد الا اذا قلتي دكتوره تقول انا دارسه ليش يعني ؟؟؟ المفروض تسال نفسها



هذا الكلام غير الكلاسات القذره الي ما تتنظف (( صحيح بعض البنات قذرين يتركوا الاكل وراهم )) لكن المفروض بعد يتنظف الكلاس



يالله وغير الدوام الي كانه في مدرسه مو في كليه حتى لو ما عليك محاضرات ضلي في الكليه واذا قلنا ايش نسوي في الكليه قالوا حضرو محاضرات مع الكلاسات الثانيه او روحوا المكتبه



وغير الاكل الي في الكليه الي يسد النفس (( لدرجة صرنا نجيب لنا من البيت فطوور ))



والله حاله هذا؟؟؟؟؟!!!!!!! الي قلته نقطه من بحر



واتمنى ان هذا الكلام يقروووه طالبات واساتذه والعميده بكبرها الي في الكليه

الصحيه (( امحق صحيه مع زبالتها )) وعلى ذكر الصحيه بنت من بنات الكليه قالت شافت هندي يبول بجانب الكليه والله حاااله الله يستر من البلاوي

وهذي الصور

:sdfg dsf:


http://www.7oor-q.com/vb/showthread.php?t=10886

[نوارا]

شنو هذا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


شنو هذا ياطالبات الكلية الصحية

شهالكلام على استاذاتكم

مااعتقد خطأ لما الدكتورة ماترضى احد يناديها استاذة
والبنات مايقصرو ا في محاظرتها قليلين ادب جدااااااا

اما بالنسبة الى استاذة ال Grammarمااشوف انه شرحها فيه شي

وحتى لو كنتو ماتفهمو الى شرحا اعتقد انها (((((((عيب))))))) اتقولي عنها هالكلام

وانتو بالي سويتوه فتحتو عليكم ابواب مسكرة

وشوفو الي راح يجي:bngo12::bngo12::bngo12:


لاحول ولاقوة الابالله

[ملكة الابتسامة]

.. بصراحه الكلام جداً قوي ..

[بنت أمها وأبوها]

بالاضافه على تعليق بعض البنات

هو بس التصوير بحد ذاته مخالفه والمفروض توقفوا عند حدكم يعني الي مو عاجبه الوضع في الف طريقة وطريقه لتأقلم والتكيف ماله داعي هالكلام يعني الي يبغى العلم والمعرفه يتحمل اي ظرف يصادفه


واتحداكم انتو نظيفين لو كنتوا نظيفين ما اكلتو ورميتوا طبعا مو الكل بس الاغلبيه

يعني بنات لا تبالغوا في هده الاشياء يعني الحمام انتو بتقعدوا فيه 24 ساعه وبتقولوا على الصلاه وحده لو ثنتين الي يصلوا والاغلبيه داقين حنك وقت الصلاه حتى انا شخصيا وقت الصلاه اصلي ما اعرف من الهدره والكلام الفارغ
انتو همكم بس لبس وتفنن في الشكل بس وتوجيه انتقاذ الى الغير اقول اصحوا خلاص الى متى بيطول سباتكم

بس ما اقول الا الله كريم ويهدي الجميع انشاء الله

[علي المطر]

الموضوع منقول من منتدى آخر

هل وصل الحد بالطالبات إلى التحدث بهذه الطريقة في الإنترنت و الخوف من المواجهة و الإعتراف على أرض الواقع ؟!
ماذا سيحل بالطالبة لو ذهبت لأستاذتها و قالت بأن طريقة الشرح ليست مناسبة لنا ؟
لو تحدثت الطالبة بأخلاق و أدب و أسلوب ممتاز ماذا سيحدث لها ؟
هل سنلجأ إلى الإنترنت للشكاية بهكذا أسلوب ؟ .. هل هذا هو الحل بنظر طالبات الكلية الصحية بالقطيف ؟

هل تعلمنا من أخلاقنا و مبادئنا الإسلامية أن نتحدث بهكذا طريقة ؟
أتمنى ممن كتبت ذلك الموضوع و نشرته عبر الإنترنت أن تراجع نفسها ..
فليست هذه الطريقة المثلى للشكاية و النقد البنّاء ..

[دلــوعة زوجهــا]

شنوووو هذااا:s12::s12:
مكتوووب كل شي بالتفصيل والله عيب عن جد عيب
لاحول الله
وبعدين الصور كيف صوروا ذول والله الواحد صار يخاف على نفسه:bngo12::bngo12:
بكره يصورونا وينشرونا واحنا ماندري

[just follow me]

مشكوره اخي على النقل


ومن حقك انك تنقهري

انا صحيح عانيت من هذي الكليه

لكن مستحيل اكتب عنها كذا

المفروض البنات ما ياخذون المنتدى كتفريغ للغضب

المنتدى المفروض ينفع الكليه وطورها

[you dream]

ايش هذا يابنات

تصوير

اولا التصوير ممنوع ( يعني جوال مع كاميرا ممنوع ) لاتعترضوا اذا صاروا يعملوا تفتيش على البنات

لان مو بس الادراة ترفض هذا الشي حتى اعتقد اكثر الطالبات مايرضوا بهذا الشي

وبعدين ايش هذا الكلام اللي تقولوه والله عيب

تجلسوا في الكليه طول اليوم ولا تعلقوا على شي ولا تكلموا احد

وماخذين المنتدى لشكاويكم على الكليه والاستاذات ليش هذا الاسلوب ؟؟

ولو سمحتوا يابنات لا حد يغلط على استاذاتنا لان هذا ظلم لهم

وكل وحده تراجع حساباتها قبل لاتتكلم ولاتظلم احد

[زهرة الامل]

ماعندي شي اقول غير الله يهدي الجميع

بس ترى ظلم في حق دكتوره امال لانها تتعب في الشرح

واغلب البنات لما يشوفو احد طيب مايعجبهم

مثلا احنا المحولات عندنا شله من البنات مايقار ب عددهم 6 او سبع في جميع المحاضرات يتكلمووو

حتى في محاضرات العميده في الترم الاول

غير تعليقهم التافه فعلا ناس مومتربيه

بس احسن لما الدكتوره امال اشتكت عليهم بس مايفيد معهم لانهم عديمين احساس

اول مره اشوف بنات مثل هذول صياعه قليله في حقهم

المشكله طول المحاضرات هدرا وتخريب على البنات واخر شي يجيبوو علامات كامله الواحد ينقهر :bngo12:

المفروض ينقصوهم في السلووك لان اصلا في المستقبل راح يخربوون صورة القطيف

لا وجهم وجه دراسه ولاهم يحزنون

وعميدتنا بصراحه ماتهز ولاتنش مجرد اسم

[Cherry]

بسم الله !


الكلآم مش صحيح كله !


لي عوده قريباً .. للرد بدون أستعجآل


:D