أحترت أحط عنوان لكنها دعوه للنقاااش للكل ..

[( نوف )]

السلام عليكم,,

يارب الكل بصحه وسلامه
وكل عام وانتوا ب ألف صحه بدخول العام الجديد

الصراحه احترت اختار عنوان ولا لقيت شي يناسب الموضوع الي بتكلم فيه

مابي اطول عليكم وبقولكم وشعندي

اولا
انا لما سجلت في الانتساب عن بعد كان عندي شمول تام بكل قوا نينها وانظمتها الي قريتها بموقع الجامعه

وبناء على الانظمه وطريقة الدراسه ناسبتني فقررت اسجل

انا الحين بتكلم لكم بشكل عااااام وليس خاص

فيه منا الموظف والموظفه
الام والاب
كلنا مسؤلون اغلبنا اختار التعليم عن بعد لعدم قدرته على مواصله الدارسه المنتظمه اما لمسئوليات بيت او دوام او او الخ

كلنا قبل نسجل قرينا انو تنزل محاضراتنا بالبلاك بورد
ويكون فيه اختبار نهائي وبسسسسسسسسسسسسسس


بعد الدارسه بشهر

وبعد مادفعنا وخلصنا اكتشفنا اننا نطالب ب اشياء ما كانت بالاتفاق او ماكانت من ظمن الوائح والشروط
الخطه الدارسيه تغيرت
اصبعت لا تناسب الموظفين ولا الامهات المسئولين عن اطفال انا اخص المشغولين فقط
اجبرونا ب اننا نتابع المحاضرات اول ب اول
اجبرونا نحل الواجبات
اجبرونا ندخل منتديات الحوار
اجبروناندخل المحاضرات المباشره

انا ما اختلف معاهم في تطوير الدارسه
لكن
أختلف معاهم في ليش ماخبرتونا الا بالاخير ؟
معقوله ماقررو الا بعد الدارسه بشهر هذه اكيد هم دارسينا من قبل سنه وطبقوها وقالو نصبر لين الكل يسجل عشان محد يتراجع ( فار تجارب )؟ ومحشومين الكل


انا قبل اسجل ماقرت من ظمن الشروط اجباري احظر المحاضرات الصوتيه طيب انا مو فاضه اداوم مثلا انا لو ادري ان اجباري افتحها واجباري شارك بمنتدى الحوار ما درست ولا دفعت لانها ما تناسب مع امكانيات وقتي المسموح انا درست ابي انجح مو ارسب ,,,

هذي مو دعوه للتشاؤم لا يا أخوان

ولكن اعتبروها خواطر او كلام اكتبه ,, اتمنى فهمتو قصدي ...

المقصد ليه ما قالولنا في بداية العام ,,, لان هذا يعتبر تغيير جذري ,,, الكل يدرس على حسب قدرته ووقته ,, وينسقها عليه
أما يربكوننا كذا لا ,,

أنا على فكره ما أعارض فكرتهم ,,, بالعكس مره حلوه وتساعدنا بورقة الاختبار,,,

لكن المفروض يطبق بداية الترم الجديد ويبلغون الططلبه الجدد عن هالنظام ,,, ترا كذا نظامنا الي مو فاضي يسوي كل هذا ترا بينقص عليه ( الي اول شرط اخر ه نور)


اما كذا نهائيا مو زين وفوضى...


أبي ارائكم
واتمنى وصلت الفكره الي ابي اوصلها

لا تجون تقولون لي سهل وما سهل انا ادري سهل ,,
وادري حلو وفكرته تساعد ..

بس ليه ماخبرونا وصدمونا ,,, لانه تغيير جذري بالقواعد ,, يعنى ماصار اختبار الورقه من 100 لو ما نفذت المطلوب بالبلاك بورد راح تنقص وهالشي كنت ابي اعرفه قبل ادرس ,,, واشوف هو يتناسب مع وقتي اولا ,,, واقرر اسجل او لا ,,,,,..


لا تقولون تتراجعون وتستردون فلوسكم ,,,
انا اتكلم على الصعيد العام وليس الخاص

واتكلم عن طلبة هالسنه الي سجلوا .,, ولا يدرون ,,



عذرا على الاطاله

[رواسـي]

صحيح ماذكرتيهـ أختـي .. }

وأنـا معكـ في هالنقطهـ .. / ليهـ ماذكروا من بدري ..!؟

صحيح أنـا طالبهـ ومو موظفهـ .., لكنـي يحز بخـاطري , عندي وقت متسع عشـان أحل واجب + اشوف محاضرهـ بوقتهـا سواء مباشر أو مسجلهـ ... الخ

غيري لا ,,

وتراهمـ أولـ مرهـ يطبقون هالشىء ..X ماكنـا ندري عنهـ أصلآ ~

ومثل ماذكرتي حبيبتـي .. هو زيـن ورائع << بعد ماتوعدنـا عليــه

لكن يبقى أن مو الكل نفس المستوى من المسؤولية أو بالاحرى اتسـاع الوقت

على العمومـ .. عسى الله يوفقنــا جميعـاً ويسهـل أمرنــا ياحي ياقيومـ ..~

{ ولاتنسون الدعــاء في جوف الليــل }

/

حمـاكمـ العزيز

[ضاري الشمال]

مرحبا بالاخت نوف .... اللي فهمت من كلامك انك تفضلين النظام هذا ( حيث انك على الاقل تدخلين الاختبار وانتي ضامنه 25 درجه ) .... بس المشكله انهم لم يبلغووننا بنظام الجامعه قبل التسجيل .... اختي العزيزه هذه المشاكل تحصل في جميع المؤسسات والاجهزه الحكوميه وماهي غريبه بس الحمد لله صارت لناااا حركه ايجابيه حتى ولو لم نبلغ فيها ... فالحمد لله والشكر ...

الحاجه الثانيه لاتنسين ان الجامعه توها جديده في نظام التعليم عن بعد ويحاولون ان يطبقون افضل التقنيات المماثله للدول الراقيه ... فلو نلتمس لهم عذرااا أما انهم كانوا يجربون النظام الى ان تأكدو من فعاليته بشكل جيد وتأخروا في ذلك او قد يكوووون فاتتهم هذه النقطه ليبلغوننا مسبقااا , جل من لايسهي ولا يلهي سبحانه وتعالى

اختي نوف اقدر لكي موضوعك , ولكن نحن الان على باب الاختبار ومثل هذه المواضيع قد تشتت بعض الطلبه , الطالبات ..... مره اخرى اشكرك على هذا الطرح .... ولو تتصلين على المسؤولين في الجامعه اذا كنتي متضرره .....


دمتي بحفظ الله ورعايته .... تقبلي مروري

[اجتماعي]

كلام منطقي اتمنى من المسؤلين منحنا جميع الدرجات للترم هذا ومحاسبتنا في الاترام القادمه

لان الترم هذا صار حقل تجارب والضحية نحن

[حصوصة]

مرحبا اولا كلام الجميع عالعين والراس وبغض النظر عن النظام الي صارت او اللخبطه بالنسبة لنا كطلاب جدد

لكن ياناس كلمة حق تقال الدكتور عبدالله سبق وشرح ووضح لنا وكلنا فهمنا انو الموضوع اصبح للصالح العام اضافة

الى انو النظام فيه مرونه اكثر من رائعة فلاتضيعو وقتكم بالبحث بموضوع خلاص قتلناه بحث وماقصرت العمادة في تسهيله والله الموفق

[بيان باراس]

[align=center]
.
.
هم صلحو كذا علشان يحافظوا على الاعتراف

وعلى فكره اختي في الامام اللحين يبون يطبقون النظام

من صالحنا خصوصا اللي يبي يلحق الابتعاث

لازم الشهاااده معترف فيها
[align=center].
.
[/align]
[/align]

[sadeem_5]

صحيــح أختــي نوف صاادقهـ بسس خلااص مااينفع صووتكـ ألحين<<وششدي حيلكـ وبالتوفيق

أنا صراحه ناسبني ومرا سهل ومن صالحنا<<لأني لاموظفه ولاشي
بسس تراا مثل هالموااضيع تقلق بعض الطلبه والطالباات خلنا نشد حيلنا بهالسمستر وربي يفرجها عليك>>مو معناة كلامي أستسلمت للأمر لكن درست أيجابيااته وسلبيااته ولقييت المصلحه لناااا<<ماالهم اي مصلحه في شوشرتنااا وشااكره لك طرحك للموضووع ووربي يووفق الجميع ان شااءالله

[ولد حايل]

[align=center]
كلامك واقعي
وانا اول ضحايا هذا النظام
لاني مادريت الا متاخر والا امداني الحق المحاضرات ولا الواجبات

والله يستر كم يعطوني درجه
[/align]

[**Besho0o**]

انا معك انوا المفروض يبلغونا من قبل بس تأكدي انوا النظام هذا في صالحنا لانك تدخلين الاختبار وانتي ضامنه 30 وغير كذا الواجبات لها اكثر من فرصه مو فرصه وحده والمحاضرات المباشره الي مايقدر يشوفها تنزله مسجله يعني الجامعه تحاول تساعدنا بقدر ماتقدر و انا اقتنعت في النظام الجديد

بس بصراحه انا عندي اقتراح بخصوص الملخصات بدل مانقعد ننتظر الملخصات متى تنزل عشان نطبعها وويخلص الحبر ونروح نشتري وسالفه والبعض مايمديه
ليه مو كل دكتور ينزل المحتوى والملزمه الخاصه في مادته في المكتبات الكبيره يعني ينزلها في كل مناطق المملكه يعني مثلا في الدمام ينزلها في المتنبي والرياض في المكتبه الفلانيه طبعاا لازم توفير اعداد كبيره منها واذا ماكفت يصورنها وينزلونها ويكون سعرها معقول الجامعه ماراح تخسر شي بالعكس هي المستفيده وحنا نفتك من هم الطباعه والتشتت في الاوراق وكذا نقدر نسمع المحاضره ونأشر مع الدكتور وبتثبت المعلومه وبيسهل مذاكره الماده علينا
ها وش رايكم من يأيدني يمكن لو تطبق الكلام الي قلته بيسهل علينا اشياء كثير بدل الوقت الي نضيعه في الطباعه والتحميل ندخل منتدى الحوار نشوف الواجبات

[أم بلال]

ما راح ازيد على كلام الاخوان والاخوات شي لأن خلاص النظام تطبق ولا فيها مفر

لكن نسأل الله أن يوفقنا ويبارك لنا في أعمالنا .. وشدي حيلك يالغالية مابقى شيء .