|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
![]() |
|
أدوات الموضوع |
#1
|
||||
|
||||
![]() السلام عليكم ورحمة الله وبركاته
اسعد الله جميع اوقاتكم بكل خير .. شحالكم ان شاء الله طيبين وباحسن حال ,, الموضوع هو كما هو واضح في العنوان .. كل عضو يضيف نبذه و ديوان كامل عن شاعر من شعراء الشعر بانواعه سواء كان نثري او شعري او نبطي ... الخ " وسواء كان جاهلي او قديم او حديث باختلاف الازمان ~ فلك شخص ذوقه واستطلاعه فربما من كان منا من لم يعرف ماتعرفه انت عن شاعرك المفضل ودواوينه التي تحمل في طياتها الخالده ماهو ثمين من حروف تغنينا وتهذبنا بعذوبة مانهمرت من قريحة شاعرها باحساسه وحكمته .. فأطلق لنا العنان لمعرفت ماعرفته ونرتشف من ما اعتذبت منه وارتويت .. فنحن عطشى لما هو لديك .. فلا تبخل علينا بما جادت به ذائقتك من فيض ما هو لديك واتمنى كل شخص يكتب ما اعجبه واعتبر به من" شاعره المفضل ودواوينه " .. واخيرا .. اتمنى يعجبكم الموضوع ونتشارك ..واسفه على الاطاله ومن له أي إضافه أو تعليق على موضوعي فانا اتقبل النقد سواء بناء او هدام بكل رحبه صدر فالبناء يزيدني وثوبا نحو القمه والهدام يجعلني اتخطا وازيل ما يعيقني للوصول للقمه ... لكم مني كل الود .. ![]() أختكم .. (m7 ) << القطريه على قولت ربعي وحبايبي |
![]() |
#2 |
أكـاديـمـي مـشـارك
![]() |
رد: "نبذة وديوان " لــــ .. فلاطحة الشعر .. <~~~ الكل يشارك بديوان
يعطيك الف عآفيه اختي .. m7
فكره جميله جدآ وان شااء الله نشووف التفآعل من االاعضآء تحيآتي ,, |
![]() |
![]() |
#3 |
أكـاديـمـي ذهـبـي
![]() |
رد: "نبذة وديوان " لــــ .. فلاطحة الشعر .. <~~~ الكل يشارك بديوان
هلا بك اخوي "عاشق عيونك"
الاجمل مرورك واتمنى تزيده رونق بحضورك وتفاعلك بشاعرك المفضل وذوقك .. وصلت تحيتك حياك الله باحسن منها .. |
![]() |
![]() |
#4 |
أكـاديـمـي ذهـبـي
![]() |
رد: "نبذة وديوان " لــــ .. فلاطحة الشعر .. <~~~ الكل يشارك بديوان
السلام عليكم ورحمة الله وبركاته
ديوان الشاعر الكبير / عمير بن راشد بن عفيشة الشهواني هذه نبذه بسيطة جدا عن الشاعر الكبير عمير بن عفيشه الشهواني الهاجري : يعتبر الشاعر عمير بن عفيشة الشهواني الهاجري من الشعراء الكبار في دولة قطر , ولد فيمنطقة تراب الحصين والتي تقع قريبا من الساحل الغربي لقطر عام 1904م وقد تطرق في مختلف اغراض الشعر وكان غزيرًا في انتاجه , توفي الى رحمة الله تعالي في 6/9/1986 . من أشهر قصائده : يا غتيرٍ بالقبايـل وتاريـخ العـرب جدنا اللي سبع الأفيا شكوا حرايبـه من بني ضيغم عبيده عريبين النسب من بني هاجر وقحطان حن ضرايبه جمعنا يشدي قنيف يزايفـه المهـب الهنـادي بارقـه والقنـا سحايبـه والرعد حس المحبب الى منه نحـب والغثير وعج صم الرمـك سكايبـه ما نعيل الا إيلا من حرك العايل سبب وإعتمد بأمراً وكبرت بنـا مصايبـه ما يفك المنتشب من مدورة النشـب كون من لا يحسب القبر كم نصايبه لامشينا بالسلايل وحذفنـا السلـب واحتمى سوق الفناء والتقت مصايبه نرد ميراد الظوامي على جال الثغـب ماردٍ للخيل بيـن المـرج والعايبـه ذا لا عني صافي الخد مزفون الهدب جادلٍ يضفي على منحـره ذوايبـه نلتقي للضد شروا قصاصيب الجلـب لين مجلبنـا يوقـف مـع جلايبـه مجزراً لاولاد به مثل عمري الخشب لاحدر به جارح السيل من شعايبـه وإن بغـى زودٍ حايـشـة النـكـب ضربةٍ في الرأس والا مـع ترايبـه وان تنزح ناصله فوق زينات الودب نقصر العنوه على من بدت سبايبـه ننثـر الغـاره ولـو فيهـا الجنـب لين يظهـر كـل متوجـد وجايبـه ــــــــــــــــــــــــــــــــــــــــــــــــــ ـــــــــــــــــ قصيدة أخرى لشاعر : تصاحبت أنا والسبت والحقد منّا غـاب وكلٍ طرح من حـرب الأخـر مزاريقـه على ماضيات الوقت واليوم حنّا أصحاب ولوّ كـان قـدّ لبّـق بقلبـي ملابيقـه أنا أحسب قلبي من طريق الموّده تـاب وأثر عاد له شـفٍ بيلحـق ملاحيقـه لحى الله قلبٍ دار شفّـه مـع الأجنـاب توهّق ووهقنـي بعـد فـي مواهيقـه وأنا خابرٍ ولعة الأجانيب من الأنشـاب الى زاف غصن القلب حتوى غرانيقـه الى من فقدهم لوّ قـدر ساعـةٍ ينـذاب هواهم لذيذ ومنهم الصبـر مـا أطيقـه الا ياوجـودي لامعـرفـه ولا نـبّـاب على نصوتي للخـطّ مـأدري بتوفيقـه غريبٍ بغيـر مقـديٍ والغريـب يهـاب ولا من صديـقٍ وامـنٍ مـن مواثيقـه يروح بكلامي ويتحمّـل بـرد الجـاب كتومٍ بعلـم السـر بأقصـى مغاليقـه الى عاد ماوديّ كلامـي يشيـل كتـاب الى من غرامه حـرّق القلـب تحريقـه أبو جادلٍ ينقض ويعكف على الأطيـاب دقيق البضاعه ينحشـي بـه مفاريقـه وفرعٍ كما بـدر تبيّـن مـن السحـاب وكنّ الحجاج النـون واللـون تحليقـه ودعجٍ الى برّق بهن يحـدث الأسبـاب وخشـمٍ زمامـه ضاحكـاتٍ لواهيقـه وخدٍ كما النسخه مع راعـيّ المحـراب زهى خطّ لون القاينـي فـي مراقيقـه حسينٍ كلامه يبتسم عن ثمـان عـذاب وجيدٍ نظمـه العنـق يزهـا مداقيقـه وزمّة نهودٍ رابياتٍ ماهـي بـو شـاب وخصرٍ حزامـه يبتـرم فـي مخافيقـه مع حسن خلقه لوّ يشاهد ؟ مريضٍ طاب يزيد الفرح بمشاهـدٍ يبـري الضيقـه وإلى سمع زاقر قـدّم الله بحسـن أداب على سنّـة المحبيـن نـشّ بترافيقـه وقالو بعـد لاغيّـر الوشـر فالأسـلاب وعرّض بسـوق الله يطـرح مخاليقـه تمثلت بـه لانـي بصـادق ولا كـذاّب أقوله بقـول اللـي عطانـي تحاقيقـه يالولا الورع وأذل كرتي يزيـد حسـاب تفبلّـت بـابٍ حـال دونـه بتغليـقـه ــــــــــــــــــــــــــــــــــــــــــــــــــ ـــــــــــــــــ قصيدة أخرى لشاعر : الا يالنشامـا وديّ اقضـي اغراضـي على موترٍ في طاعت الـي يسانعبـه مسيره على القانون ماسار بالفاضـي ثمان الدقايق بـه تـودي وترجعبـه من احسانكم حثّو مسيره على الحاضي له السيـد معتـدل وخلّـوه يجزعبـه يزور الذي من سبتّه زادت امراضـي صديقٍ ولا ساعف لي الحظ يجمع بـه صبرت الشتا منّه وذا وقت مقياضـي وانا عبرتي فالصدر تنحي وتطلع بـه ولا اشوف شايل حمل للحمل نقاضـي يقولون هذا بـه لياقـه ونطمـع بـه والاسرار ماتبدى على كل فضفاضـي بعضهم يبذّر بالخبر حين يسمـع بـه تبي واحدٍ مثلي وشـرواي حفّاضـي عنا البيض قدّ شيّب براسه ولقّع بـه الا ياوجودي وجد من فيـه نفّاضـي مرض مسكنٍ من ذاق من ماه ياقع به كما وجد راعي بكـرةٍ لـه تقباضـي زرق بالشداد وهي على صوب تربع به على ابو جديلٍ صاغ تجدي له العاضي ولع مفرعٍ يدهش الى منه فـرّع بـه مدامع. وخشم . وخدّ كالبرق لاناضي وبيض الثنايا كنّها الحص تلمـع بـه وعنقٍ دقيـق ولبـةٍ لونهـاا ياضـي والانهاد بيض الي لها الفنّ تسجع به مزوحٍ ذبوحٍ بالخطـا لـه تعراضـي رما بالسبب لي لين قلبي تولّـع بـه وجعلني بحبسٍ مثل محبوس الارفاضي وخلا لي الحزن الشديـد اتجـرع بـه يعيل ويميل ويتبع الغيـض بغياضـي على مايريد بحسبة اللعب يلعـبّ بـه ولا اشوف لي حيله يكون التوّعاضـي اربّه الى سمع التوّعّاض يخشـع بـه وابي مطلـبٍ منّـه بليـا تعكّااضـي يجي بالتراضي مايحكم المطـوّع بـه ويلا عوّدت للحق بـروح مغتااضـي واعرف ان قوانينه بتااتي علىّ صعبّه هو المدعيّ المنكر الشاهـد القاضـي واخير انيّ اخذ ما حصل منه واقنع به وابي منه بالمعروف مـاوديّ اقاضـي وهو ميسرٍ والوصل ماهو بيقطع بـه وانا مثل عطشانٍ قطع قلبـه الاضـي وعذب السجايا مادرده مايشـرّع بـه ولوّ كان حيّاض اريش العين فيّاضـي شرابٍ بلا سفطان مادوديّ ادنـع بـه وشفيّ على السفطان منّه وانا راضـي كما يشفي المحرم على حبّـة الكعبـه لاجل ان وداده قاطعٍ عـرق نضّاضـي وصوابه بقلبي ماعرف كيف باصنع به وهو دختري كانه على الخلّ غضّاضي عسى منه يأتي طبّ للسوّ ندفـع بـه سبب يوم هو ذكرني الدارس الماضي وخلى العيون اتفيّض الماء وتدمع بـه عسى جلسةٍ عنده بهاا حلو الالفاظـي بعد ماقف الفرقى وذكر المـوادع بـه انا بصطبر منّه ولوّ كـان معتاضـي ولوّ كان غيره ليّ حصل بنتمتـع بـه ــــــــــــــــــــــــــــــــــــــــــــــــــ ـــــــــــــــــ هذي قصيده للشاعر الكبير عمير بن راشد بن عفيشه ردًا على رجل من عمان يساله عن بني هاجر : ياسعيد كـان تسـال جـد وتحفيـد لـك معنـوي باصلنـا تستفـيـده يمكن عليـك نـزل بالخبـر ونزيـد الا انشـد التاريـخ تلقـا وكـيـده حنا الذي يضرب بنا الوصف ياسعيد ضياغم مـن روس جنـب وعبيـده وهواجر يوثق بنـا فـي المعاهيـد وقحطان ابونـا حافظيـن رصيـده والسمت والشيمه وقسم من الجيـد سلـم لنـا كـل القبايـل تـريـده نزهين من قرب الدنـس والمناقيـد وعروضنا مثـل الثيـاب الصفيـده وقصيرنـا ماحـن لبيتـه رواويـد لا غـاب منـه ليـن حتـى يعيـده ولا نختبي دونه بالاشيـا المزاهيـد وايدينـا فـي غالـي الـزاد بيـده ونتبع مراضي جاهله لو على الديـد ولكرام جار البيـت نفـرح وليـده وان مـر كلبـه ماحذفنـاه بالحيـد لو كان مانرجي ورا الكلـب صيـده ونطنف مراحيله ولو هـي مغاميـد وعلى كرامـه ضيفنـا هـو قعيـده وخوينـا نكمـد مشاكيـه تكمـيـد لـو مايهوجـس يمنـا بتعـويـده وان زارما العاني لبعض المقاصيـد متعلـث ماننشـده عـن سـديـده نذبح سمان الضان لـه والمفاريـد ومن جـاد للعانـي فرحنـا بجيـده وان جاو اهل جيش ونايا مضاديـد ماذاقـوا امـس الا شـلاوي قديـده نقحص لهم بالهيل تـرس المباريـد والبن يحمس جمر الارطـا وقيـده ونقحص لشتويـا دفوفـه ملاهيـد ويفهق لهم عقب العشا بـه بريـده وان زارنا المجـرم يقـزي لذاويـد ينزل ويرحل ماجعـل لـه نضيـده فوق العـلا نرفـع مبانيـه ونشيـد اليـن يبعـد مـن وطنـا شـديـده وان رامنـا ضـدا عمدنـا بتكويـد عود بغبنـه عبرتـه فـي وريـده نجعل علـى زوره رسـوم مجاديـد ويبطي وكبده مـن سنعنـا غديـده وايلا انتزح منـا ورا واسـع البيـد فالجيش يقطـع مستـواه وقويـده ماهـو علينـا لـو بغينـاه بعيـد نصبر على حـر الزمـان وجليـده ناتيه فـي الكنـه حلـول المواريـد معطـان والا نرضمـه بتهجـيـده يصبح قطيعه بيـن الايـدي تباديـد ويفرح ايـلا ردوا عليـه الشريـده واقفوا على ابله شايليـن التغاريـد ومن الحسايف يصفق ايده على ايده ومن زان حنا لـه خيـارا اجاويـد ومرجـام للشيطـان لفتـل قـيـده لحركوا الاسبـاب بعـض المقاريـد نوطي على الزرب الصريع وهميـده وان صار من بعد التساهـل تلاديـد فالرابـح اللـي مقبلاتـه سعـيـده سلم النضا والخيـل مافيـه تبنيـد فـي كـل وقـت لابسيـن عديـده وان ثار عكنان كشف غـره الغيـد ندعي النفوس الغاليـه بـه زهيـده نلقط على الهيجا وحـس البواريـد لو كان ماينفـع عضيـدا عضيـده لاوصلـت الذلـه معلـق لـواريـد واللي معـه جريـا تقاصـر فديـده ونفرج ايلا من صار صكا وتسنيـد الى استغرب الطارد بقيضه طريـده صار اجتوال الخيـل تـن وتفاريـد وكـلا يخايـل غـره فـي نـديـده هـذا عليـه معـوديـن تـراديـد ونحيي الامور الماضيـه بالجديـده وعشنا على صايب ومصيوب وشهيد وهـذاك ممنـوع تعـزف ذويــده وهـذاك معتـدي وذا كاسـب فيـد واصبح يوزع بيـن الادنيـن فيـده تمـت وصلـى الله وسلـم بتجويـد علـى نبـي مخـلـص بالعقـيـده ــــــــــــــــــــــــــــــــــــــــــــــــــ ـــــــــــــــــ قصيدة أخرى لشاعر : انا البارحه ونيت يـوم الدلـوه ينـود واغطرف بصوتٍ يسهر اللي توعابـه يغيّب ذهون اللي بوقت الصلاة سجـود ويغلط بـراع الكتـب لوكـان يقرابـه اقوله وانا مابي طرب غير لي مقصود ازيد الحزين اللي سواتي علـى مابـه واساهر نجوم الليل لو كان مالي فـود هنـيّ الـذي يرقـد بنـومٍ تهنـابـه وياونتـي ونّـة محيـمٍ عـدوه ورود ترزّم الى منـه اظهـر الدلـو جذابـه برك باسفل المعطان لين الصدير يقود والى اقفى صدير العد رايـع لمغرابـه وياخفتي خفّـة وسيـقٍ شعـود اردود تقفوّه مـن ديـرة الاجانيـب كسّابـه على اللي نهوده مثل بيض الحمام قعود وطيّ الكلام اللي خذا القلب واقفى بـه دقيق المعنّق فيه طوق العنـا مقيـود يروّي هبيل القلـب ويـدوّر واسبابـه ابو مضحكٍ صافي كما اللولو المنضود ا لوقحويان المستوي صفّـة أعذابـه من الريم فيه الخد والمدمعين السـود وجيده .. وتفريده .. وذوره .. وشبّابه ومن بين مقرن حجتّه صارمٍ محـدود على مفصلين زميّمـه فيـه يزهابـه على دمث صفرات المناكب يهل اجعود كما عرف شقراّ في ضحى العيد لعّابـه وليفي جعلني لا بصاحي ولا مجهـود عجيب السجايا صاب قلبـي بنشّابـه يقولون حسادي تـوّده ولا لـك فـود وانا اقول ياراع العذل مالي .. الاّ بـه والى قالو اذكر من وليفك عطايا الجود تذكرت عنـده كـل ماجيـت رحّابـه ولكون الزمان اللي مضى ينثني ويعود تمنيت وطرٍ فـات للقلـب واصحابـه على المذهب الغالي وبعدٍ عن المنقـود وسدّ الجميـع بعيـد ماهـو بيدرابـه اودّه ولا بيني وبينـه عهـد وعهـود ولاعلت به يحكى بعرضي ويحكى بـه واملنا طويلٍ في موّدة جسيـم العـود وحل الفراق وقيضنـا وقّـف حسابـه تبيّن سهيل وراعي البل عدى المفرود ولا عاد راع الطير يقنـص بمشرابـه وقطّانة الماء في برايز وضول حشـود وكلٍ على الما يرتجي غايـب ركابـه الا ياوجودي لا اصبحوا زملهم مرجود وامير الجماعه قفّظ البيـت وحجابـه نوى بالشديد وللمطر طاح عقب عدود قريـبٍ خيالـه جـاه بالعلـم نبّابـه وقضوّا لوازمهم وحافو على المشـدود وقفّت مطايا صافـي اللـون تحدابـه وخلوّ ثقيل وهودهم عقبهـم مرجـود وكلٍ ضـرب لـه فنتـقٍ مارضينابـه ــــــــــــــــــــــــــــــــــــــــــــــــــ ـــــــــــــــــ / يتبــــع :: |
التعديل الأخير تم بواسطة (m7) ; 2011- 3- 18 الساعة 03:23 AM |
|
![]() |
![]() |
#5 |
أكـاديـمـي ذهـبـي
![]() |
رد: "نبذة وديوان " لــــ .. فلاطحة الشعر .. <~~~ الكل يشارك بديوان
ــــــــــــــــــــــــــــــــــــــــــــــــــ ـــــــــــــــــ نظم الشاعر الكبير : عمير بن راشد العفيشه الشهواني الهاجري هذه القصيده ، عندما رحلت قبيله المهانده من قطر الى الكويت عام 1964م . يغض النظر منـا وهـي مـن مروتـه وهذا اكبـر مـا علينـا مـن احسانـه اميـر امارتـه بهـا الشعـب ممتثـل رجا فيه باحسانـه وراضيـن بامحانـه له الداخلـي والخارجـي لـه وغيرهـا تعهد بما يرضى بـه الشعـب وافنانـه كساه الالـه الحـظ والوعـظ والتقـى وعلم من الله فـاز بـه فـوز رهبانـه وحوى بالذهانه طيب الاخلاق والصخـا على المرتـب العالـي تميـز ابرهانـه الا يا عريب الجد يا زاكـي الذكـا تـرا الـعـز بالتوحـيـد بالله وايـمـانـه بعد الورع والصدق والخـوف والرجـا وشكر مـن بالعـز لـك شـاد بنيانـه ترا الحاكـم اللـي كنـه ايـاك ينتظـر عواقب الامور ويحضر الفكـر باذهانـه نجيـب لمـن ناجـاه بالطيـب مقتـدر وفاهم الى ظلـوا مـن العـرف كهانـه يعز الشريـن وجملـة الخـاك يتركـه ولا القاصره تخفـاه مـن يكـة الدانـه ويفرق بعض الامثال بالوزن من بعـض كما النيره الحمرا لها فرق مـن الآنـه والى قلبـوا جنـس للانظـار مشتبـه يدلك على الغالـي مـع وزنـه أثمانـه كذلك جـواب النـاس مايـل ومعتـدل ولا يجهلـك عدلـه وزوده ونقصـانـه وأمثـل ولاكلـن لمعـنـاي يفتـهـم يكون انت يا فرز الوغى طير حورانـه ولكن أوصيـك وافهـم وصيتـي تـرا الصبر ما عـود بـه الخيـر ختمانـه اوصيك ابو وجهين خـذ منـه الحـذر ولا تامنه لو يبـدي النصـح باسنانـه ولا تامن اللـي يعتـدي فـي تغافلـك الى شفت به ما شفت يرضيك باديانـه ولا تحسب ان دينه على البـر والنقـا والـى زان تـوك لا يغـرك تشبهانـه ولا تحسب المبغـض بيصفـي بنيتـه ولو قال انا لك صافي الغش بأضغانـه ولا تستمع في صاحبـك قيـل مبغضـه الى دك في عرضـه بـزوره وبهتانـه ولا تكمه المقبل الى جـاك فـي رضـا ترا الله بـلا تشبيـه يجـزي بغفرانـه ولا ترتضـي للحـر بالهضـم تضهـده يدور البدايـل فيـك لاصـف جنحانـه ولا تقطع العـود الـذي عـاش بالثـرا الى من مكن في الارض وامتدت اغصانه ولا تاخذ العقـال باعمـال مـن جهـل مثل من يخـوض بهجـل رج غدرانـه ولا يقطـع الحاكـم علاقـات عزوتـه ولا في صديقه يستمع شـور عدوانـه ولا تفتكر لك ضد من شعب هـل قطـر يكـون الـذي كبـر الامـور بتتلقانـه تظنه صديق وهو عـدوك مـن المـلا ويفرح الى عـودن بـدا فيـه دخانـه يباريـك ويـدور المفـاقـر بغفلـتـك على المذهب الخامس تقلب لك الوانـه ينهض على الشعـب الحكومـه فربمـا يشدد على الشعب الحكومـه بتمحانـه فلـولا العدالـه والمسـاواه ضـدهـم ولكنه هو المنعـم عليهـم بصفطانـه الا ياذرا الجانـي الـى ويـن غفلتـك من امر مهم منـك مـا حـاز فهقانـه عط الحق واخذ الحق ممـن تظـن بـه واخير بتوضح الامـر ويبيـن تبيانـه باوصيك في الشعب الصديـق المهانـده جنودك الى من الوطـن ثـار عكنانـه وجبرك الـى منـه بـدا لازمـك بهـم والى من مكروب الحقب صـك ببطانـه يفـدون مـن دونـك بغالـي عمارهـم ومن جاهرك عمـد يهدمـون صيوانـه هل الصدق والجمع المبـاري لجمعكـم مثل ما مضى في ضفكم تلعـب اردانـه هـل السـاس جملـه النـاس بعدهـم ولا في قطر مـن قبلهـم شـاد بنيانـه هـل الربعـه المتقدمـه قبـل غيرهـم من اول من استالى على الـدار سكانـه رجاجيل ابـو جـدك وجـدك ووالـدك والى حاله التاريـخ مـا هـم بخوانـه ذولا هـل النصـحـان آلاد المهـنـدي من اول وتالي ما بـدت منهـم خيانـه ولكـن والـي الامـر صـدق عدوهـم وبين لهـم منـه صـدوده وهجرانـه فلا يستحـق الهجـر ياكاسـب الثنـا يا كـود الـذي تعلـم ونعلـم بنكرانـه وهجران ابن مسند عليك انـت مكبـره لزيم النصاحه كيـف ترضـى بحقرانـه وهو لك وربعه ما تـرددوا ولا انكـروا مع من تنكر قبل فـي ماضـي ازمانـه دع الذي مضى ياشيـخ واليـوم حقنـا عليك محضوره يبـدي العـذر بلسانـه وخـذ منهـم التقريـر كانـك تـودنـا صديقك نعرفه والعـدو ننشـر اعلانـه ولا صـاروا انهـم ضـدك لا تحنهـم وحن في لزومك ندب الضـد واعوانـه واذا بانوا انهم لك صديـق فهـم لنـا كما الخشم والعينين والـراس وامتانـه وحنـا وهـم مثـل السفينـه وزيهـا حن الجسم من خارج وهم ضبط شلمانه وحنـا لهـم جسـم قـوي وهـم لنـا عضودن تعلق بـه كفوفـه وذرعانـه فـلا هـم ولا حنـا ننتـب اصولـنـا لكلـن تواريخـه بهـا حفـظ جدانـه من آل شهوان ومن فـروع المخضبـه هواجـر عبيـده مـن روس قحطانـه ظهرنا علـى مـا قـال راكـان قبلنـا كـلام دليـل وزبـدة الهـرج نيشانـه وتمت وصلى الله علـى سيـد الـورى شفيع امته وآلـه مـن نسـل عدنانـه ــــــــــــــــــــــــــــــــــــــــــــــــــ ـــــــــــــــــ دنيا اتقلب كنها ريش طاووس القلب يا ابني فهـد بـه دار هاجـوس روابـع ٍ بيـن الرجـا لـه ويـاسـه في بني ساس ٍ عاد له دثـر ورسـوس متهـدم ٍ ساسـه ومـن مـر داســه من مختلف وقت ٍ به العـدل منكـوس تشـارك الطاهـر وراعـي النجـاسـه والشرك به مكشوف والدين مدسـوس حتـى ولـو بيـن سريـع ٍ اخـلاسـه وفي الناس ناس ٍ عضوا الدين بضروس وناس ٍ عاونـت علـى هـدم ساسـه هذا الـذي يذكـر بالالـواح مـدروس شفناه شـوف العيـن قبـل الدراسـه وعادوا لنا الماضيـن حييـن بعكـوس واكبر غلطنـا نعتجـب فـي العكاسـه دنيـاً تقلـب كنهـا ريـش طـاووس تمسي وتصبـح بيـن كـره ٍ واناسـه وحنا نعرف ان ضـد الاقبـال بتعـوس واطيب لنا يـا ابنـي فهـد الجلاسـه قـم قـام حظـك دك للنـار دهلـوس حيث ان شبوب النار يبـري الحساسـه واجعل عليها من حطب رمث غامـوس ماهـو بدغـث اللـي وقيـده قباسـه واصنع لنـا فنجـال ماهـو بمكبـوس ريحه يفـك الصـوع عنـد احتماسـه لا اجتال في محماسه البـن محمـوس وارتـد مـن عقـب الغتـار بدهاسـه كبـه بضـبـاح ٍ لاطــق مـرفـوس يقنـب قنيـب الذيـب ولاا الجـراسـه واحشه بصفرا كن بها التبـر مطلـوس تصفاتهـا كالـورس حـل اختـراسـه ماها وطبختهـا مـع الهيـل مقيـوس وانت البصير بهـا وراعـي البهاسـه بـدلال مافيهـن مكنسـل ومشمـوس رسـلان مثـل موقـعـات القبـاسـه منهن منزل ٍ وسطها الكيـف مخمـوس لا ذاقـه المستصـاع تبـري عماسـه تهيل لمـن يـردون لاثـار عكبـوس لا اختلـط عـج الـرمـك واقتبـاسـه خطلان الايدي موريـة كـل ناسـوس وسيـوف هنـد يقسـمـن التـراسـه ربعي قصاصيـب الفنـا كـل دابـوس في الضيق لاعيـق الطمـع والتماسـه قـوم ٍ تكافـح كـل كسـاب نامـوس وكل ٍ بحوض المـدح يشـرب بكاسـه والمدح لـه نـي وفقـار ٍ ونسنـوس وحزنا سهمنا الجـزل ماهـو دساسـه الاولـه مانمغـث الجـار بحـسـوس والثانيـه فينـا الـكـرم والحمـاسـه واللي تبقى منـه بيـن العـرب روس كـل ٍ يحـوز مـن المراجـل قياسـه قلته وانا من نازليـن الخطـر جـوس بيـوت ٍ تبنـى فيـه قبـل العساسـه اهـل النبـا الطيـب مـن دقيانـوس واهـل السمـوت الطيبـه والفراسـه هواجـر ٍ يـدري بنـا كـل منحـوس لاضـده اقـوى منـه ضـد ونحاسـه ونتبع هوى القطعان والضـد مكلـوس وما زان مـن قفـر ٍ رعينـا مساسـه وحنا لها بالخـوف جيـران وحـروس جوس ٍ ولا نبغي منـه احـد ٍ حراسـه وننزل لا من قالـوا الحبـل ممسـوس في قافر ٍ مـاداس بـه كـون حاسـه وحنا لمن فـي هامتـه زوم فاعـوس نخلـف هقاويـه ونكـمـل عطـاسـه ولا ثار عكنان ٍ تقابـس بـه الطـوس وكـل ٍ لبـس للضـرب درع ٍ وطاسـه الله كسانـا رايـة الـعـز ملـبـوس سبحـان مـن فصـل علينـا لباسـه نمسح بالانفس يوم دايـس ومديـوس لا صـار ميـدان ٍ وسيـع ٍ مـداسـه وتنحي بنا الزلبات في الضيق كـردوس مثل الوحوش اللـي هـوت بنتكاسـه ونخوض بالميدان لـو فـات بنفـوس لو صافي الخمسين خمـس الخماسـه لعيـون مـن عـدل شفايـاه بلعـوس غـر ٍ خذالـه مـدة ٍ فــي عنـاسـه وان رمانـا ضـد ٍ غترنـا بجاسـوس عـود بغبنـه بالفـشـل والتعـاسـه وناتيـه لـو دونـه جبـال وطعـوس معطـان لـو بالليـل حـزة نعـاسـه وفينا لمن يصفى لنـا ليـن ملمـوس والجفـس مالـه عندنـا الاا الجفاسـه قاسيـن ماطعنـا لحكـم ابـو كبـوس ومنـا البحـر والبـر ثـار اعتفاسـه فيما مضى واليوم روس ٍ تحت مـوس وتشابـه الراعـي وراعـي الرياسـه والحكم للـي يرفـد النـاس بفلـوس واخلـف مـروات الـدول بالسيـاسـه عبد العزيز اللي تهاضـع لـه الـروس مرهق اسود الغاب الـي اشتـد باسـه اللي جعلنـا بيـن مطلـق ومحبـوس كـل ٍ بكفـه يلتمـس ويـن راســه وامـن مياديـن وبلاديـن وغــروس ونـزح محسنـة اللحـى بالمـواسـه وخلى الفهد والظبي والذيـب والعـوس متوالفيـن ولـف بغـض وغـلاسـه وتمت وصلـوا عـد ماهبـت الكـوس وعـد مخضـر ٍ دنـا بــه يبـاسـه على شفيـع الخلـق لامـدوا القـوس فـي موعـد الخلـق المبعـوث ناسـه ــــــــــــــــــــــــــــــــــــــــــــــــــ ـــــــــــــــــ قام أحد الأشخاص وهم في مجلس أحد الشيوخ بالتقليل من قبيلة بني هاجر . وقال انهم تركوا حياة الباديه .... فثارت حفيظة الشعر عمير بن راشد بن عفيشه وانشد قائلا : ياهيـه ياللـي بالكـلام اختطفنـا لاحلك الله عرضنا وش تبـي بـه لابـاس لامـن بالكـلام اعتطفنـا لاعـاد مايقـدر بنـا الا عبيـبـه ماهـوب عيـب لاعمرنـا طوفنـا والبيت الآخـر فالفضـا نبتنيبـه لامـن قبضنـا مشبـر منتقفـنـا ماهيب تخلفنـا العلـوم المريبـه لو مـن بغانـا بالتمانـي خطفنـا كان الموالي حطنـا لـه كسيبـه لكـن لطـم العايـل الله حسفـنـا مايهتني بالشرب من حن شريبـه عوجـان ماكـل يعـدل صدفـنـا ومضرب هدفنـا مايسـره طبيبـه لامـن رمينـا بالتفـق ماشطفنـا نكسر مواسيـط العظـام الصليبـه ولاننفـد العـده الامـن رزفـنـا الا ايـلا قابـل طنيـب طنيـبـه نصبر بلطمـة حفنـا فـي نعفنـا من حيث وافـي حقنـا نقتضيبـه وايـلا غلبنـا مانكثـر حسفـنـا لابد له في مثلها من كسـر هيبـه لازان مضرابـه عليـه انتصفنـا فأيلا جاه مردود البـرا يرتضيبـه يا ما شكت عوص النضا من صلفنا نا شت بنـا ضـد رهجنـا قليبـه وعجنا ودجنا في رسومـه ولفنـا ومن راس مضماه اختطفنا عزيبـه وياما مشى قدم الضعايـن سلفنـا خيل وجمع لا مشـى لـه حطيبـه و من خايع الأزهار نبتـه قطفنـا وصدنا الجوازي في ملاوي شعيبه ونجعل رفيعـات المنـازل غرفنـا لو هي على حد الخطـر مانهيبـه وايلا من عقيد باحتمالـه خطفنـا جانا مـع سـد الغبـا يتقـي بـه اول طـوارف نشرنـا لـه لففنـا ونلطم رثامه حيـن مانلتقـي بـه وايلا دهمنـا طامـع فـي عطفنـا في باله انهـا عنـد الأول نهيبـه ناتيـه فـي حـال تغيـر شيفنـا وترجع صورنا غير ماكـان هيبـه شينين وأشين من شيفنـا شلفنـا شلـف تفـج السابعـه والتريبـه وايلا من الخفرات العماهيج شفنـا حسـر وكلـن سترهـا تنتخيبـه نثني عليهـن لـو يصيـر بتلفنـا بسيوف شـل الـراس ماتلتهيبـه لو كان تكثر فـي المعـاره جيفنـا لعيونهن سـوق الفنـا نشتريبـه في ماقف مـن دمنـا بـه نشفنـا من بين نظهر منه او نختفـي بـه ومن طاح منا عند راسـه صنفنـا عرج بنا صم الرمـك تلتـوي بـه وعاف الضديد وشاف منـا عففنـا وأقفا على الامتان ينقـل صويبـه من حربنا سامـح وألآخـر لقفنـا سبـره يبارينـا ويبـدي رقيـبـه ننزل جهـار بغيـر جـار سلفنـا ونرفع مبانينا بـالأرض العشيبـه وايظا الى ضاع السحا لـه طنفنـا ونجير محتمل الطلب مـن طليبـه لابـت مخاضيـب عزيـز شرفنـا ضياغـم طيـب النبـا نكتسيبـه كـل ايـلا قـر القـرار يعرفـنـا هـواجـر مخراجـنـا يندريـبـه باقصى المشارق لاتهامـه طرفنـا والجـد قحطـان الـذي نستميبـه ماقول بالعليا على النـاس طفنـا بل كلهـم قسمـه بهـا محتظيبـه لاشـك ماتعبنـا يكـود محلفـنـا يـام مبركـة الجمـل للحريـبـه لاكـن لامنهـم نصونـا وقفـنـا لوكـان لقواهـم علينـا صعيبـه وايـلا تصالحنـا جحدنـا جنفنـا كـل والآخـر سكـر فـي حليبـه ومن زار منهم نعتبي لـه ضيفنـا وجزل الكرامـه عندهـم نحتريبـه وان جات من الأقصى عليهم شنفنا معهم ولانرضـى عليهـم غليبـه ولاعـودت مـن بيننـا وانحرفنـا كل على البيضاء يلاعب صحيبـه ياما خذوا منا النصـف وانتصفنـا منهـم ولاأحـد داس درب يعيبـه تمـت وصلـوا ماسعينـا وطفنـا علـى نبـي بالهـدى نقتديـبـه ــــــــــــــــــــــــــــــــــــــــــــــــــ ـــــــــــــــــ صح اللسان الشاعر الكبير : عمير بن راشد بن عفيشة و نسأل الله أن يغفيرى له و يدخله فسيح جناته إنه على كل شئٍ قدير // يعجبني حبه وانتماااائه بيلته و وطنه وشعره اللي فيه من الحكمه الشي الكثير من شخصيته ومعانيه وكلماته الجزله شاعر بمعنى الكلمه الله يرحمه وصعب تكراره وماعلى المولا شي صعب سبحانه .. |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|