مركز 1 و مركز 2 بالرياض و انا ؟

[ارام]

السلام عليكم و رحمة الله و بركاته
صباح الخير للجميع
بدخل في الموضوع على الطول
المركز اللي راح اختبار فيه هي مدراس الرواد بالرياض تمام و بعيد عن بيتي
و المركز 2 هو مدارس العبير و ما بينها و بين بيتي الا شارعين
وش هالظلم ؟؟؟؟؟؟
يا جماعه وش تنصحوني فيه هل اختبر في المركز اللي حددته لي الجامعه ام اختبر في المركز اللي قريب من بيتي
و فالكم التوفيق و النجاح

[عبدالله العصيمي]

اختي نصحيتي لك انك تختبرين في الرواد

لان لكل قسم مقر خاص

مثلا الاداب مدارس الرواد

وادارة اعمال رجال عند الفحص الدوري

اختي انا مثلك ساكن في البديعه وراضي بالامر الواقع

بس نصيحه اطلعي قبل الامتحان بساعه اقل شي لان زحمة الرياض ما ترحم



والله يوفقك

[عبدالله العصيمي]

شوفي هاذا الاقتباس من زميلة لنا

اتصلت على المشرفه تسئلها

المشاركة الأصلية كتبت بواسطة يـآرب توفـيـقكـ

أنا اتصلت على المسؤولة الإستاذة / نعساء الدوسري

سألتهاإذا اقدر احضر الإختبار في مركزهم

سألتني عن اسماء المواد وعن تخصصي

وقالت تخصصك مو عندي ولا اسماء موادك

الموقع خاص يابنات لتخصص اظن هو إدارة اعمال فقط

بيض الله وجهها ماقصرت ذربه وسنعه ماقصرت وريحتني

الله يرزقها جنات النعيم ياااااااااارب

[وردة سلام]

انا في العبير تبعد عني ساعة ونص =(

[قمر دنه]

الله يكون بعونك وعوني والجميع

انا نفس وضعك

تكفين اذا تعرفين نقل او سواق مع محرم بلغيني

الله يسهل امورنا جميع يارب

[بنت الداود]

كلنا كذا ي قلبي اللي بالغرب انظلموا

بس عادي كلها سبع ايام

[عاشق الطموح]

إختبري بالمكان المحدد لك بعدين لا نلقي اللوم على الجامعه فهم لا يعلمون أين هي مساكننا ..

[بنت الداود]

المشاركة الأصلية كتبت بواسطة عاشق الطموح

إختبري بالمكان المحدد لك بعدين لا نلقي اللوم على الجامعه فهم لا يعلمون أين هي مساكننا ..

الا يعلمون آخوي و مكتوبه ببيانتنا

و الدكتور النجار قال بلسانه تآخرنا بمراكز الاختبار مراعاة اننا نحط كل شخص بالمقر الاقرب له

في النهايه اللي بالشمال جابوهم للغرب و الغرب ودوهم للشمال

[طالبة انقلش]

وشرايكم يحطون جنب كل بيت طالب مركز اختبارات

هونوها وتهون الحال من بعضه بس المهم التوفيق والنجاح

[رنو الحلوه]