 |
|
||||||
| منتدى كلية الجبيل الصناعية منتدى كلية الجبيل الصناعية ; مساحة للتعاون و تبادل الخبرات بين طلاب كلية الجبيل الصناعية و نقل آخر الأخبار و المستجدات . |
 |
|
|
أدوات الموضوع |
|
#1
2008- 8- 27
|
||||
|
||||
|
مزايا وسلبيات كلية الجبيل الصناعيه
((بسم الله الرحمــن الرحيـــم))
السلام عليكم ورحمة الله وبركاته ... وبعــــد.... هلا وسهلا فيكم ياطلاب كلية الجبيل الصناعيه... طبعاً بما ان هذا الملتقى توه فاتح ولا لقيت هالموضوع واحس انكم كلكم تحتاجون لمثل هالموضوع ... مزايا وعيوب الكليــــــــه ,,,,, مزاياها,,,,, كليـــه قويه تخرج طلاب فاهمين ومدركين جداً...يعني الدراسه قويـــه والمناهج دائما ً جديده ومناسبه لفهم الطالب,,,, *طاقم هيئة التدريس رائع واغلبهم من متحدثي اللغه الانجليزي(للسنه التحضيريه)... *توفر سكن للطلاب اللائي تبعد مناطق سكنهم عن 200 كم وسمعت انهم بيوفرون للمناطق القريبه حالما انتهائهم من بناء وحدات سكنيه جديــده.... *المكافأه ,,, نظامها روعه ... تنزل بتاريخ 25 من كل شهر حالما دخول اليوم يعني الساعه 12 الليل تشيك تلقاها مسدوحه بالرصيد 990 ريال... *الإدراه اكثر من روعه برئاسة الدكتور /مصلح بن حامد العتيبي .... هذا الإنسان روعه بكل ماتعنيه الكلمه يستمع لهموم الطلاب ويساعدهم ودائما بابه مفتوح لجميـــــع الطلاب... *وجود مراكز ترفيهيه كمسبح ومركز ترفيهي فيه بلياردو وتنس وتلفزيون وحركات.... * وجود مكتبــــه كبيره وجديده ومكيفه واجهزة حاسوب مدعومه بالنت دائما مو مثل بعض الجامعات كل شوي النت يقطع بالمكتبه ....وفيها اجهزه كثيره حوالي 50 حاسوب.... *توفر مطعمين بالكليه ....الأول بأسعار رمزيه؛؛<< بس انا ما احبه مدري ليه... ومطعم آخر تجاري اسمه زاد<< له فرع بالدمام.... وسوبر ماركت بمكتبه.... * السكن يتفرع الى قديم وجديد.... بالنسبه للقديم ميزاته ان فيه تلفزيون بقنوات محدوده بس حلوه جميع القنوات الرياضيه فيه آر تي وشوتايم وطقتها بس تفتح اذا كانت فيه مباريات ... وسلبيات السكن القديم فيه بعض الأحيان تخرب المكيفات مثل ماسووها لنا الفصل الماضي وقفت المكيفات اكثر من اسبوع<<< حسبي الله عليهم ماقدرت اذاكر والنكبه كان عندنا فاينل ميجر وخربتها  بس يكون معك اثنين بالغرفه يعني يمكن تنكب وتصير برا مو بالبارت وخذها ازعاج من اللي معك بالغرفه واحد داخل واحد طالع << مهجد اللي معه بالغرفه  السكن الجديد ميزته مكيفاته بااااااارده ومامعك الا واحد وبعض الاحيان يصيرون اثنين بس مافيه تلفزيون ....فيه صالة استراحه تحت بس غثيثه واحد يبي القناه الفلانيه والثاني يبي ذي القناه وخذها مضاربات...:hahaha_2008: وميزة الكليه ان اذا تخرجت يجيك راتب فلــــه... حتى كان وكيل الكليه يقول انتم تتخرجون افهم من طلاب جامعة الملك فهد للبترول والمعادن لاننا ندرس ونطبق يعني ملكعين (فاهمين):o3:في ترم التطبيق الأخير اللي بعد دراسة 5 اترام بلكليه ترتفع مكافئتك الى 1500 ريال كبدل للمواصلات يعني..... فيه حلاق ابشركم توه فاتح تركي ________________________ ______________________________ سلبيات الكليـــه ما اعتبرها سلبيات مره وحده بس تختلف من فهم الى فهم.... * الكليــــه نظامها شديـــد مره يعني اسهل ماعليهم يقولون لك اطلع برا انت مفصول لانهم يبون يخرجون ناس منضبطه وفاهمه... * الكليه اللي ماسك الامن فيها الأمن الصناعي للهيئه الملكيه ... وشديدين يعني يشوفونك داخل الكليه تسرع ولا تفحط يرفعون اسمك وتزل بحقك عقوبه تصل الى الحرمان من الدراسه لفصل كامل وحرمانك من تصريح دخول مركبه للكليه.... الأعذار لاتقبل إلا من مستشفيات حكوميه واذا جبت العذر مايقبلونه على طول يرسلون تقرير لنفس المستشفى يتأكدون من العذر وياويلك لو تكذب فصل على طول ويرتاحون من وجهك *السنه التحضيريه لازم تجيب معدل فوق 2,5 من 4 عشان تخش تخصص صاحي ولا تنطق في هندسة تبرييد وتكييف؛؛<< على فكره هالهندسه لها مستقبل وارامكو تاخذ اللي يتخرجون منها على طوووول...:t1: بالنسبه للسنه التحضيريه فيه شي اسمه الحد الأقصى من الغياب يعني تغيب اسبوع كامل بدون عذر يجيك DN(حرمان) على طول...وحتى بالتخصص فيه حرمان بس النظام اريح شوي... * المواقف.... توقف بموقف مخالف على طول يحطون قفل على سيارتك ودايم نعاني من ازمه بالمواقف مانلقى مواقف ونضطر للوقوف بمواقف مخالفه وخذها قفل ...وماتفكه الا بـ100 ريال والمره الثانيه 200 وانت طالع....  مشكلة السكن... انك تسكن بعض الاحيان مع ناس ماتعرفهم ,., وبعض الاحيان تسكن مع واحد عاداته غير وكلامه غير وحتى مذهبه غير ..وهذي المشكله عانيت منها اول ماخشيت الكليه بس تجاوزتها ولله الحمد والمنّه..... * الجبيل بطبيعتها كئيبه شوي يعني لانها مدينه صناعيه بحته بس شاطئها حلو ومنظمه مررره كأنك بدبي<< ايه هين:bngo12: الطريق بين الجبيل والدمام خطير شوي ودايم حوادث بسبب ان العالم فيه تسرع ياعساكر وعنده استلام ويبي يلحق او تلقاه يشتغل بشركه ولا يبي يفوته التوقيع او تلقاه طالب مسكين ويبي يلحق على المحاضره عشان مايسجل له غياب ويجيه دي إن على ظهره.. الحضور والغياب شديد مره بالذات بالسنه التحضيريه... تتأخر 5 دقايق عن المحاضره تحسب غياب لك حتى لو جيت بعد 6 دقائق... ومن 5 دقايق وتحت يحسب (ليت) تأخير يعني وكل 3 تأخيرات تعتبر غياب وانت طالع ياحبيبي... معلوميه للي يحبون المشاكل والقدحات<< مثلي اي مضاربه يجي الامن الصناعي وياخذ بطاقاتكم ويفصلونكم من الكليه لووول سريع سريع..................................... هذا ماعندي واتمنى انكم خذتوا فكره كامله عن الكليه واتمنى الإستفاده من الموضوع واتمنى تثبيته لإعمام الفائده...... واي استفسار انا حاضر وبالخدمه..... شاكر لكم حسن القراءه.... الموضوع إكسكلوزيف(يعني حصري) اخوكم.... (( دوســ502ــري)) |
|
2008- 8- 28
|
#2 |
|
أكـاديـمـي
|
رد: مزايا وسلبيات كلية الجبيل الصناعيه
تسلم على الموضوع الحلو
انا طالب انقبلت فيها هذي السنة وان شاء الله خير |
|
2008- 8- 28
|
#3 |
|
أكـاديـمـي
|
رد: مزايا وسلبيات كلية الجبيل الصناعيه
ماشاء الله الدوسري وراهم مايحطونك مدير الكليه حافظ القوانين من الشطانه:hahaha_2008:
مشكووووووووووووووووووووووور ماقصرت وفيت وكفيت |
|
2008- 8- 29
|
#4 |
|
أكـاديـمـي
|
رد: مزايا وسلبيات كلية الجبيل الصناعيه
مشكوووووووووووووووور ,,
أفدتني كثيييييييييييييييييير 
|
|
2008- 8- 30
|
#5 | |
|
أكـاديـمـي
|
رد: مزايا وسلبيات كلية الجبيل الصناعيه
اقتباس:
الله يوفقــــك شد حيلك وفالك التوفيق
اخوك دوسري |
|
|
2008- 8- 30
|
#6 | |
|
أكـاديـمـي
|
رد: مزايا وسلبيات كلية الجبيل الصناعيه
اقتباس:
تلاحظني حافظ امها من لكاعتي ... والله هذي المعلومات اتمنى تكون وافيه ووضعتها طلباً للأجر
العفو ومشكور على المرور.... |
|
|
2008- 8- 30
|
#7 | |
|
أكـاديـمـي
|
رد: مزايا وسلبيات كلية الجبيل الصناعيه
اقتباس:
الحمدلله هذا الهدف إفادة اكبر شريحه من الطلاب والمهتمين....
شاكر لك مرورك |
|
|
2008- 8- 30
|
#8 |
|
أكـاديـمـي
|
رد: مزايا وسلبيات كلية الجبيل الصناعيه
مشكوور اخوي الدوسري على المعلومات
|
|
2008- 8- 31
|
#9 |
|
أكـاديـمـي
|
رد: مزايا وسلبيات كلية الجبيل الصناعيه
أخوي دوسري مشكور وماقصرت:g8: وهذا اللي كنت أبغاه بالضبط يمكن تحسون اني بنوته وقاطه عرض بس اخوي حبيبي وتاج راسي انقبل فيها وخلص اجراءات القبول ولله الحمد لا اوصيك عليه ولااسمع انك سويت فيه شي
|
|
2008- 8- 31
|
#10 | |
|
أكـاديـمـي
|
رد: مزايا وسلبيات كلية الجبيل الصناعيه
اقتباس:
العفو ياعبدالله وهذا الواجب نفيد ونستفيد مشكور على مرورك
|
|
|
| مواقع النشر (المفضلة) |
| الكلمات الدلالية (Tags) |
| مزايا, الجبيل, الصناعيه, وسلبيات, كلية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يالله تعالوا نشوف النسب سعود هاللي ماقبلونااا | غلا الكون كله | ملتقى المواضيع العامة | 44 | 2011- 8- 24 12:13 PM |
| أرقام قد تهمك عن الجامعات والكليات الحكومية والأهلية... | جامعي | منتدى ماقبل الجامعه والاستفسارات الأكاديمية العامة للطلاب المنتظمين | 13 | 2008- 12- 16 03:45 PM |
| عاجل:طلعوا النتايج للجامعه | kingnet777 | ملتقى المواضيع العامة | 6 | 2008- 8- 13 10:21 PM |
| إغلاق القبول في كلية المعلمين في الأحساء فقط | ★ NiGhT AnGeL ★ | منتدى كلية التربية | 5 | 2008- 7- 24 05:46 AM |
| الله يخليكم ابي جواب | عاشقة الزهراء | ملتقى المواضيع العامة | 4 | 2008- 7- 16 01:09 AM |
