ياليت اللي عنده فكره يرد ؟؟

[عايض القحطاني]

السلام عليكم

ياشباب متى وقت تغيير التخصص ؟؟؟

ياليت اللي عنده فكره عن الموضوع هذا يرد علي .


دمتم بود .....................

[دوسـ502ــري]

تغيير التخصص وين فيه ياليت توضّح
بعدين حتى لو وضحت مدري<< ياخي انت وش تبي بالحياه:hahaha_2008:

بس عموماً بيكون هناك اعلانات اكيـــد


الله يوفقك يارب

[فصولي القحطاني]

اذا كنت فالسنه التحظيريه ما تعرف اصلا وشو تخصصك عشان تغير واذا كنت اكثر من السنه التحضيريه ما ادري

ومثل ما اسلف اخوي الدوسري راح يكون في اعلانات ولا تخاف ما راح يسحبون عليك

[عايض القحطاني]

السلام عليكم

شكرا على الردود والمرور والشرطة وامن الطرق بعد ......

انا خلصت ترم كامل في هندسة التصنيع وودي اغير الى الصيانه الميكانيكيه ..

بس دقيت على الكلية وقالوا بداية الدراسه تقدر تحول .......


دمتم بود .........................

[دوسـ502ــري]

الا بسألك كم جبت معدلك وكيف اول ترم هل هو صعب يعني اللي درسته انت صعب ولا كيف؟؟
بعدين انا ودي انزل كل المواد الدينيه والثقافيه كلها بأول ترم اقدر ولالا .؟؟

[عايض القحطاني]

اولا مافيه مواد دينيه ولا ثقافيه فيه مواد يسمونها مواد عامه تدرسها في اي تخصص مثلا
1- calculus علم التفاضل والتكامل (الاشتقاق والتكامل )
2- general chemistry كيمياء تتكلم عن المركبات والمخايط وانواعها وفيها مختبرات وقلة حيا ولف ودوران
3-physicsالفيزياء وهاذي نفس لكيمياء
4- english compositionمادة التعبير الانقليزي وهو كيف تتكلم عن الخرائط والصور وتصنيف الاشياء
5- engeneering drawingالرسم الهندسي وهي مادة فله للي يبي يركز مع المدرس ويفهم شنهي الاسس ولا احد يسقط فيها بس انتبه من الدي ان لان غياباتها 6 بس
6-english comuncation مادة انجلييزي للتواصل بالكلام يعني يعلمونك الكلام بطلاقه ولا فيها الا شفهي مثل التعبير ايام الابتدائيه
7-work shop technologyمادة تلعمك كيف تشتغل بالورشات تحك فيها الحديد وتشكله واللي يقطع ظهرك هو حك الحديد يعني يعطيك حديده مكعبه محليه ويقول صنفرها لي ورجعها لونها فضي وهاذي ماده تعاني فيها انواع العذاب وتصنعون فيها صناديق حديد وهاذي هي الفله ويعلمونكم على اجهزة القياسات وانواع القياشات والانظمة العالمية


هاذي اغلب المواد العامه اللي راح تدرسها في سنتين اما من ناحية تحذف مواد وتحط مواد فهاذي صعبه شوي لاني كنت بسوي اللي تبي تسويه وهو انك تنزل مواد عامه واذا جاء السمستر اللي عقبه تغير التخصص ولا تطير عليك ولا ساعه حاولت ولكن ماقدرت فدرست والحين اذا جيت بحول بتطير علي 5 ساعات بس على فكره اذا درست مواد مثلي وبتغير التخصص تسجل لك بعد التخرج انك درست الماده الفلانيه والماده الفلانيه وهاذي تساعدك في القبول للشركات يعني مثلا انت درست تصنيع وبعدين حولت للصيانه الميكانيكيه تكون مسجله لك بالترانسكربت اللي هو السجل الاكاديمي واذا جيت تقدمه للشركة شافوا انك تعرف لاكثر من تخصص


ارجوا اني اكون افدتك

دمتم بود ........................
8-

[دوسـ502ــري]

يعني الزبده......
اول ترم تنزل لي مواد صعبه ولالا..؟

بعدين اقدر اجيب معدل حلو بس اكرف نفسي كرف الحمير ما اطلع من غرفتي ولا عادي شدة حيل بس مو كرف
هذا الكلام لهندسة التصنيع.....
وانت كم جبت معدلك عشان حولت؟؟؟
وكم جبت معدلك في الاوريا؟؟
وهل اقدر اضبط جدولي بحيث اني اخلّي الاربعاء او السبت فاضي ولالا؟؟
عشان يمديني ازرق للرياض ..

الله لايهينك ويجزاك خير<< دعوه من صائم عطشان ومافيه النوم ويوم الجمعه<< يمديك بس

[القحطاني22]

[عايض القحطاني]

الترم الاول كل التخصصات نفس الشي والمواد صعبه يعني فتح مخك واكرف واكرف واكرف لين تدوخ

وبعدين وش فيها هندسة التصنيع اللي طلعت منها
والله انه خووووووووش تخصص وفله وصعب وفرص عمله كثيره
انا طلعت منه لاني ابي شركة معينه ولافيها وظيفه للتخصص ذا

المعدل فوق الثلاثه

[night wolf]

حبيبكم بعد التحية

بالنسبة لتغيير التخصص يكون في الاسبوع الاول وروح طارد من الاسبوع الاول والله يعينك

لأته يمكن يطولوا وياك علشان تعديل الجدول من جديد

موفق