[ شعر ] : ( أنيقه الذوق ) .. / مشروع عشّاق . فاشل !!

[نديم الجرح]

,

السلام عليكم ورحمه الله وبركاته

لـ توآصل

مدخل :-

الحلا .. والاناقه .. والقبول !
جابها الله على درب الصدف

فتنةٍ كن ملامحها .. تقول :
( إسحكو ) .. يا ملاعين الجدف !!

لو تاسع فجوج ربّي فِ عيوني تضيق !
................................ عيّيت لا أنسى ( هوى الدوحه ) وخلانها

يا ( قبله العشق ) ياورد الشذا و الرحيق
................................ يا فخر إبيها الشجاع , وعزوة إخوانهــا

لو باعدتنا الاراضي / والمدن / والطريق
................................ تراج فِ عيوني الثنتين .. وأجفانهــا

الشوق يطفح بعيني وإن ملاها يريق
................................ ويخط سيله على خدي .. ووديانها

لاجيت أقول لج : مشتاق / ماراق ريق !
................................ تذبل حروف فالكلام .. وتدفن أشجانها !

لو سولف الحب .. عن سر الغرام العميق ؟
................................ عرفتي كيف المحبّه .. يصعب إعلانها !

لو ترتسم الابتسامه وسط قلبي حريق !
................................ أزرع بذور الغلا .. وتموت عيدانها !!

( ف ) إلى لمحتي بعيوني ياضناها بريق ؟
................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !
................................ ما خلقت اللي تساوي روحج وشانها !!

قلبي حصونه غلا ! وعيونج ( المنجنيق ) ,
................................ هديتي أسوار روحي , وكل بيبانها !

( أنيقه الذوق ) ما تستاهل الا أنيق !
................................ يفهم تعابيرها .. ويعزّ سلطانـها ,

وانتِ خلاطه حلا ( مرجان , ولول , وعتيق ) !
................................ يموت فيها الدلع .. ويبات بـ أحضانها ,

لبى معاليق صدرج كل ما اغفى وافيق !
................................ يامن يذوب الكلام فنطقه لسانها

أروح فيها !! مع الصوت الابح / الرقيق !
................................ ياكبر ذنب الشفاه ؟ .. وكبر شيطانها ,

قيد المحبّه على كف المولّع .. وثيق !
................................ وأنتي غرام الحياه , وغالي أثمانها

يا أغلى من الدمعه إلي فِ عيون الرفيق !
................................ وأقرب من الدم , فعروقي .. وشريانها ,

انا سبحت البحر .. وإن مت ؟ موتت غريق !
................................ فـ / انا شهيد العيون السود , وأجفانهــا

ما كنّي الا ( عناد ) , إلي بـ عليآ عشيق ؟
................................ وعيوّا على مبتغاه ؟ .. إعيال عمّانها !!

مخرج " خارج النص "

قد قلت لك .. فرقاك لا شبّ ضوّه ؟
ماراح يسلم من يدين .. الحناشل !

صحيح , نعشق بعضنا ( بكل قوّه ) ؟
لكنّنا : " مشروع عشّاق .. فاشل " ,

[shxsh]

تسم يدييك
روووعه
وابياات رائعه منك
لاخلا ولاعدم أخي
بأنتظار كل جديد منك

[ذكرياتي تحتويني]

صح لسانك ياخوووي
يعطيك العافيه

[عسولة الشرقيه]

,




قمه ف الذوق
صح لسانك ولسان شاعرها
تسلم يمناك

تقبل مروري
وأطيب تحيه