حسبي الله ونعم الوكيل ..
السلام عليكم ...
لم افهم حقيقة حتى الان .. هل من المعقول جامعة كبيرة وميزانيتها بالمليارات لا تستطيع برمجة برنامج لتسجيل المقررات .. أي مهزلة هذه ؟ .. ثم ما فائدة تواجد الموظفين بالجامعة ان كان تواجدهم من غير اي نفع للطالب .. لنا اسبوع ولا نسمع ولا نرى الا الكذب والتهرب من المسؤولية والبعض حتى يقفل جوالة حتى لا نتصل به مثل المشرف الاكاديمي .. انا استغرب من صمت العميد .. واستغرب من الجامعة بالكامل .. لم اتذكر بزمن دراستي بها بوجود مثل هالمشكلات السخيفة .. التي لا تدل الا على الاهمال ومدى انحطاط الاخلاقي لبعض الموظفين بها .. فلا امانه ولا مسؤولية .. عموماً لا اطيل .. من عنده حل فأرجوا ان يفيدني .. وضعت رد لمشكلتي بأحد المواضيع .. واضعه الان هنا مقتبس ..
اقتباس:
الى الان مع الاسف ما قدرت اسجل ولا مادة للأخوي ... لنا اسبوع رايحين جايين للجامعة .. وكل يوم اسمع كلام .. تصريف وكذب وتهرب من المسؤولية لا اكثر .. والارقام مشغولة 24 ساعة .. وان ما كانت مشغولة ما فيه احد يرد .. واليوم وبالصدفة فهمت موضوع موافقة المشرف .. شئ عجيب وغريب .. المفروض هالكلام يتم توضيحه على شكل اعلان واضح .. عموماً ارسلت طلب الموافقة من اكثر من 6 ساعات ولا شفت شئ الى الان .. لكن الشئ اللي ابي اتأكد منه .. لازم يكون عندي ايميل بالمعلومات الاكاديمية حتى توصل رسالة للمشرف الاكاديمي .. لاني شفت الشرح باليوتيوب ولاحظت ان اللي جالس يشرح قال عن وصول رسالة للبريد الالكتروني الخاص بك تخبرك بوصول الرسالة للمشرف .. وانا قدمت الطلب وارسلته .. لكن بالاصل بمعلوماتي الاكاديمية ما ظهر ان لي بريد بالموقع .. فما ادري بتوصله الرسالة او لا .. وانا كان لابد بريد الكتروني بمعلومات الاكاديمية .. فيا ليت احد يشرح لي طريقة الاضافة من وين ادخل .. لي ساعة احوس بالموقع ولا عرفت ..
|
التعديل الأخير تم بواسطة Critic ; 2012- 2- 2 الساعة 11:17 PM
|