|
منتدى كلية العلوم و الآداب بالنعيرية منتدى كلية العلوم والآداب بالنعيرية ; مساحة للتعاون و تبادل الخبرات بين طالبات كلية العلوم والآداب بالنعيرية و نقل آخر الأخبار و المستجدات . |
![]() |
|
أدوات الموضوع |
#1
|
||||
|
||||
اول صدمه في حياتي
اذكر وانا بالصف الثاني متوسط وتحديدا بالترم الاول كان عندي ذيك المدرسه الي تكرهني كره موب صاحي
!مدري ليه ؟ ![]() عاد انا يوم وصلتني من مصادري الخاصه ان عندها بنت بالحضانه عمرها 4 سنين قلت تمام والله لظبطها ![]() المهم في يوم من الايام شفت الابله مع بنتها طالعين اخر الدوام عالباصات قلت هذا توقيت حلو لتمصلح رحت فتحت شنطتي ادور لعبه اعطيها لبنتها دورت دورت مالقيت العاب !! غريبه عاد انا دايم اجيب العابي معي !..مالقيت غير كتكات مفغص ! الزبده عاد عطيته بنتها .. اليوم الثاني غابت المدرسه ووصلني خبر ان الككاو الي عطيته لها منتهيه صلاحيته !! وبنتها طاحت عليهم !! وانا كليت هوا ![]() حشرتني اليوم الثاني تحقق معي تحسب اني متعمده مالت عليها وانا متنغصه لها الخايسه معطيه بنتها ككاوي والله كنت مشتهيته صار لي سنه بس اشوه اني ماكليته ..لان كان عندي شنطه كلها سحاحيب وعجزانه ادور أي سحاب يطلع الكاكاو فيه والله السحاحيب الي بشنطتي اكثر من الكتب كل قلم ماخذ سويت لحاله منبطح .. من جد بنت عز حتى اقلامي مريحتها .. كنت امشي والشنطه تطلع اصوات تقول شايله ثريا !!. .. :g4: الزبده من جد من ذاك اليوم ماصرت احضر حصصها .. اذا قالولي ابله منيره جايه انحشت ادورلي جحر انخش فيه , يوم انخش بمخزن و يوم بدولاب ويوم بساحه الباصات و يوم مع اخواتي الفراشات هلاله وهيله ماقصرو ونعم الخوات دايم يقهوني .. الزبده بذيك السنه استكشفت كل شبر بالمدرسه من قلب ![]() جت فتره الامتحنات وانا ماعندي أي خلفيه عن المنهج تبااااتا :t1: الزبده عاد جت ليله الامتحان وانا مسويه كوووول ومسيطره على الوضع تقولي امي خلصتي اقولها ايه يمه الحمدالله خلصت باقي اراجع بس وانا وربي ماادري وش مكتوب بالفهرس !!:g11: عاد طول اليوم وانا رايقه اتمشى استكشف زوايا الحوش .. ارسم .. اخم ياخي انا ماقد خميت بحياتي بس ليله الامتحان ودي اخم الحوش وغسل سياره ابوي وودي اكلم صديقات الطفوله وربي اني ساعات ادق و خايفه اني ادق على وحده متوفيه ولا شي.. ياخي زهقانه وش اسوي .. :mh19: المهم جاء المغرب .. وبهذا التوقيت بذات اكتشفت اني توهقت ![]() .. اطالع الكتاب وفيني الصيحه .. من جد انا نوع نادر من الزواحف يعني على كثر ما اهايط خرطي !! ![]() الزبده كلمني ضميري وقال : " سوسو اسمعي هيي الووووو ياحماره اكلمك انا ! الو تسمعيني 1 2 1 2 الو سويسه سبت احد سبت احد الووو المهم ابقولك كلمتين بس .. .. ذاكري اشهد انك توهقتي خخخخ " لااااااااااااااااااا ماتوهقت .. موب انا الي اتوهق وانا بنت ابوي انا اوهق مااتوهق .. .. حول .. وهذا الكتاب الخايس شكله طالب حرش يبغالي اوريه شغله.. رحت درت على البيت فردا فردا وقلتلهم لحد يزعجني ياجماعه بليز يعني بروح بذاكر بالسطح .. والله ان محد درى عني بس المهم ابيهم يتذكرون اني رحت اذاكر عشان امسكها عليهم << ضمير 2 : ياغبيه وشدخلهم هم ذاكرتي ولا ماذاكرتي << ضمير 1 : انتي انطمي << ضمير 2 : انتي الي انطمي لما الكبار يتكلمون الصغار يسكتون << ضمير 1 : ياغبيه احنا قد بعض << ضمير 2 : ليه كم عمرك انتي << ضمير 1 : وش دخلك ! المهم رحت بسطت سويت الاضائات حسبالي استديوا ظبطت الوظع وفرشت الحصير وجبت القهوه والتمر والعده تقول رايحه اكشت ماناقصني الا شوايه المهم تربعت ويوم فتحت الكتاب وقلت خليني اسوي تكنيك جديد اذاكر من ورى لقدام يعنني حركات دوافير عشان اخلص اسرع شوووووف الذكاء شوووف العبقريه وخررررر ليحووووووووووووشك وبديت اذاكر وربي اول مره بحياتي اذاكر بضمير .. .حسيت اني شخصيه .. والله اني ذاكرت دروس ماقد سمعت فيها.. وجلست اذاكر ولحنت التعاريف وجبت لوحه وسويت تفرعات والوان وحركتات دوافير الين وصلت نص الكتاب على اخر الليل وباقي النص عشان اختم الكتاب و يوم اوصل النص وافتح صفحه ولا مكتوب بكل بساطه "الفصل الدراسي الثاني " !!!!! لاااااااااااااااااااااااا- ااااااااااااااااااااااااا- ااااااااااااااااااااااااا ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() احداث هذه الشلخه واقعيه ولا نستغني عن رشه البهارات كما عودناكم اعزائي |
![]() |
#2 |
أكـاديـمـي ذهـبـي
![]() |
رد: اول صدمه في حياتي
:hahaha_2008::hahaha_2008::hahaha_2008:
هههههههههههههههههه والله حلوووووة بصرااااااااحه دافوره من جد.. وبالأخير تكتشفين انو الفصل الثاني موضوعك روعه ننتظر الجديد تقبلي مروري |
![]() |
![]() |
#3 |
أكـاديـمـي ذهـبـي
![]() |
رد: اول صدمه في حياتي
|
![]() |
![]() |
#4 |
مشرفة سابقة
![]() |
رد: اول صدمه في حياتي
يؤ..
يؤ.. يؤ.. لااااااااااااااا وبقووووووه.. صرAحه موقف قوووي.. لو انا مكانك بتجيني احاله هستريا <<< خلاص درينا ياالدافوره :P تذاكري واخرتها ولا شي = 0 << عاشت الجو بس مابشرتينا ان شاء الله عديتي الاختبار ؟!! <===تقبلي مروري ![]() |
التعديل الأخير تم بواسطة ღMs.Kღ ; 2009- 4- 12 الساعة 07:30 PM |
|
![]() |
![]() |
#5 |
أكـاديـمـي فـعّـال
![]() |
رد: اول صدمه في حياتي
:hahaha_2008:
:hahaha_2008: ض4 :mh19: اي من جد ماقلتي وش سويتي بالأختبااار بعدين؟؟؟ ابي ابي اعرف :g10: |
![]() |
![]() |
#6 |
أكـاديـمـي
![]() |
رد: اول صدمه في حياتي
يسلمو ع المرور ياقلوباتي كلكم
بالنسبه للامتحان .. بختصار >> ترى ماغشيت :no2: بس هم غششوني غصب :g11: .. وعاد ماحبيت اردهم ![]() |
![]() |
![]() |
#7 |
أكـاديـمـي فـضـي
![]() |
رد: اول صدمه في حياتي
اهم شي هم غششوك
:hahaha_2008::hahaha_2008: م1 م1 يسلمووووو |
![]() |
![]() |
#8 |
اكاديمي فضي
![]() |
رد: اول صدمه في حياتي
![]() ![]() ![]() |
![]() |
![]() |
#9 |
أكـاديـمـي مـشـارك
![]() |
رد: اول صدمه في حياتي
هع هع هع
:hahaha_2008: :hahaha_2008: :hahaha_2008: :hahaha_2008: :hahaha_2008: :hahaha_2008: يسلمو على الموضوع اللي يزحك >>> كم مره قلنا تكلمي عدل هههههههههههه |
![]() |
![]() |
#10 |
أكـاديـمـي
![]() |
رد: اول صدمه في حياتي
خروفات2 وش بش ؟ من جدش ! ابله تجيش تغششش وتردينها !! ..
يسلمو تانا مو هنا على المرور والجومنت اتعبني غلاك حياك وانشاءالله الهع على طول نشوفها في خشتك >> موب متعوده على الذرابه:s3: |
![]() |
![]() |
مواقع النشر (المفضلة) |
الكلمات الدلالية (Tags) |
اول, حياتى, زحمه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
أحلى يوم في حياتي..مستحيل أنساااااااااااااااه!!! شاركوني فيه | روح البحر | منتدى السعادة و النجاح و البرمجة اللغوية العصبية | 19 | 2011- 3- 3 11:21 PM |
دمروا حياتي بنات عمتي قصه واقعيه | شرقاويه كول | ملتقى الفنون الأدبية | 45 | 2010- 1- 23 01:04 PM |
كل اسم بنت ولها شعر علية رهيب | مليكة | ملتقى الطلاب والطالبات الترفيهي | 17 | 2009- 4- 26 02:39 PM |
ثلاثة احرف قلبت حياتي راسا على عقب | حزين07 | ملتقى المواضيع العامة | 6 | 2009- 2- 6 09:13 PM |
ماكنت ناقص صدمه اخرى في حياتـي واصدموني | اينشتاين | ملتقى الفنون الأدبية | 1 | 2008- 12- 3 01:51 AM |