وجهة نظرى بمعهد المانع الصحي بالخبر الشماليه

[بوعشوق]

:150:السلام عليكم

ارى هناك بعض من الظلم في معهد المانع الصحي بالخبر جميع سنوات يعطون مكافأة ما عدا السنه التحضيرية

ليس لهم مكافأة ويطالبوهم بمبلغ وقدره 24 الف ريال رسوم دراسيه فهذا حرام لانه انا اول ما جيت قالي المعهد جميع


الرسوم الدراسيه يتكفل به الموارد البشريه وليس هناك رسوم درست نص سنه وتفاجأت وحضرت الاجتماع الا انهم

يقولون السنه التحضيريه صندوق الموارد البشريه ما يدعمه ويطالبونا بمبلغ 24 الف ريال ثمن دراسة السنه التحضيريه

فهذا ظلم هناك اناس لا يملكون هذا المال الكثير ظروفهم الماليه لا تسمح لهم بدفع هذا المال الكبير

بدال ما يعطون مكافأه مثل باقي السنوات يطالبوننا بهذا المال الكبير ما ذا نفعل يعني

ولا هناك قالوا اختبار اسمه اختبار الهيئه للتخصصات الصحيه وثمنه 1000 ريال

الف ريال ما صار اختبار واذا ما نجحت فيه ما ينقلوك للتخصص ويطاالبوك بثمن دراسة السنه التحضيريه ثمن وقدره 24

الف ريال واذا نجحت في هذا الاختبار ينقلوك السنه التحضيريه على طول يعني احنا جاين ندرس ولا ندفع فلوس

حتى الملابس بستين ريال الملابس الخاصه بالمعهد وهناك احتبار تحديد مستوى اول ما تخشى المعهد يخبروك عنه

قيمة الاختبار 100 ريال ودخول الاختبار 100 ريال شدعوه داخلين نختبر في بيت امير

الملابس الخاصه بالمعهد ب60 ريال والكتب 100 ريال والاوراق اليوميه الي يعطيك المدرس بفلوس

اما باقي السنوات فهم مرتاحين مكافأه عندهم 1500 ريال والسنه التحضيريه معذبينهم ظلم

اما من فضائح المعهد فاصلين البنات عن الاولاد ومخلين مدخل البنات قريب من الاولاد اول ما تفتح النافذه اكرمكم الله

تشوف باب البنات تكشف البنات كشف والعياذ بالله

واالطلاب اربع وعشرين ساعه بشارع كل 10 دقايق بريك

يعني ظلمين السنه التحضيريه ظلم جميع المعاهد الصحيه اول ما تخش يدخلوك على التخصص ما عدا معهد المانع

يدخلوك على السنه التحضيريه ظالمين السنه التحضيريه ظلم وهذا كله كلامي صحيح والله والطلاب 24 ساعه تدخين

يعني كل موظفيهم الطلاب ميتين حتى المدرسين كلهم مدخنين

اتمنى رايكم بالمعهد وشكرا

اخوكم بوعشوق

[بنت الفيلسوف]

اخي بو عشق
يمكن ماحضرت الاجتماعات الا صارت في معهد البنات
وتم تجميع البنات والشباب
رح اعطيك المختصر
24 الف ريال هذة مارح تدفع ولا ريال
كان >> بالماضي
كنت رح تدفع بس 12 الف هذا اخر كلام في الاجتماع
بس الحين ولا ريال بس عليك تدفع امتحان الهيئة 300 ريال فقط مو 1000
وعندك 5 محاولات الى امتحان الهيئة
ورح يسوو اجتماع يوم الاحد ويمكن يخبرونا وحتمال كبير بأن السنة التحضيرية كاملة مجااان
ان شاء الله مايتغير الكلام ويتم كل شي على اوراق
واذا تبي تعرف كيف عرفنا بأن الدارسه مجان
عندك موضوع الاخت حساوية مشهورة الله يعطيها العافية فيه تفاصيل

اما على المكافأت اتوقع مارح تنزل الا اذا دخلنا تخصص
ماتوقع ينزلو الينا في هالسنة

[المتمرد]

ارحب فيك يااخوي بوعشووق مدري من وين طلعت انت

من ناحية المعاهد الثانيه مافيه سنة تحضيريه كلامك صحيح بس انت لوتفكر فيها بتشوف المانع سوى شي حلو الي هو انه يدرسك سنة انقليزي حتى ماتدخل التخصص الا انت عارف بعض الكلامات ماني قايل كلهم البعض منهم.
ومثل ماتفضلت عليك الاخت /بنت الفيلسوف انك ماحضرت الاجتماع الي صار حتي تعرف وش نهاية الحل
بس في اجتماع ثاني راح يكون يوم الاحد ان شاء الله وتعال وراح تفهم كل شي

[وردهـ ذبلانهـ]

:hahaha_2008:ههههههههههههههههههههههههههههههه:hahah a_2008:



بوعشوق

والله انك صادق انا مااشوف الرجال الا وهم براا ويدخنون

باالعربي من وجهت نظري السنه التحظيريه مفيده لاكن ليش مااقالو من البدايه انها نصب على الطلاب

وطريقه تكسبهم فلووس

لاكن لو احد من هاالطلاب وقف لها وهددها انه بيروح يشتكي في الديوان الملكي

كان اكيد خافت واستحت على كشتها

[المتمرد]

هههههههههههههههههههههههههههههههههه اما كشتها حرام عليك استشوار وشغل عدل


حساوية مشهوره مايفيد التهديد اخذي الامور بااسهل من كذاء
اخاف اهدد ومااروح ماادل مكانهم ههههههههههههههههه

الله يوفقك

[وردهـ ذبلانهـ]

انت مااعليك

تراا مولازم تروح

انا وصديقاتي بنكتب شكوة وبنرسلها للملك عبدالله

لاكن قبل مانرسلها بنشوف كلامها يوم الاحد

الله يكتب الي فيه الخير,,,انا اسحب كلامي هذا لاشكوى ولا شي خلاص

[المتمرد]

وانا وياكم عيب تكتبونها يالبنات لازم محرم ههههههه هو انا المحرم

بس لوصيك سوي قروب الـــلـ حساء في الاجتماع يمكن اتشجع واوقف اخانقها تراني حاقد على ترانديل يوم غيرت الجدول
اتفقنا لاتنسيني بالمعروض الي بتكتبينه:104:

[أخـــوو عليـــا]

مساااء الخير جميعااا

موضووع الاجتمااع خلصنااا منه

بالنسبه لعنوان موضووعك اول مااشفته صرااحه بدأت المواضيع تدور برااسي

ياخوان في غير طلاب المعهد يطالعون ويتصفحون في منتدى المعهد اول ماايشوفون كلاام الاخ في موضوع الاختلاط وان بااب البنات قريب من بااب الشبااب وش رااح تكون نظرتهم لطلاب المعهد وخااصه طاالبات المعهد وش صار يوم مدخل الطلااب قريب من باب الطاالباات صار شي البنات مثل اخوااتناا ملهاا دااعي التشهير وتبين ان معهدنااا مختلط وان البنات ماايقدرون يمشون بالشاارع

الموااضيع لاتثيروهاا بالمنتدى النااس ماراح تفهم على طول رااح يحكموون ان الي يدرسون بالمعهد بدون اخلاااق

سؤال للبنات صرااحه في بنت منكم من بدأت الدرااسه احد من الطلاب تحرش فيهاا او ازعجهاا

عنوان الموضووع فضااائح يااخي حط مشاكل معهد الماانع ارحم من فضاائح

[وردهـ ذبلانهـ]

كلامك منطقي


وسمعت الانسان اهم شي عنده

والحمدالله الي يمشي طريقه عدل مااحد يتحرش فيه

وماله داعي تجيبون طاري باب البنات ولاباب الشباب

مشكلة المانع بس النصب وحب الفلوس

والاسترزاقهم على طلابهم وطالباتهم

[أخـــوو عليـــا]

شكرااا لتفهمك اختي حسااوية

يااريت الكل يرااعي ويدقق في كل كلمه يكتبهااا المنتدى الواجهه لناا قداام العالم كلهااا

وخلاص طيب ليه مستعجلين على رزكم الاجتماع يوم الاحد بعده يتقرر كل شي لا تسووا شي حتى نشوف وش راح يطلع من اجتمااعهم بعدهاا نتحرك

تحياتي