أرجوكم ســـــــــــــــــــــاعدوني

[الشاهدة]

السلام عليكم ورحمة الله وبركاتة
كيفكم إن شاءالله تمام

أنا عندي مشكلة وأتمنى تساعدوني


أنا تخرجت العام بنسبة 90 % علمي وسجلت بالأقسام الي المفروض تقبلني لكن للأسف ما في شي قبلني
في الدفعات الأربع
بعدين سجلت إنتساب دراسات وكملت الفصل الدراسي الأول بعدين سحبت ملفي لأني سقطت في خمس مواد
مع اني أذاكر كل مادة من كل قلبي بس شكل الحظ من أوله باين

المهم بعد ما سحبت ملفي أنا أبي أسجل هالسنة إن شاء الله

لكن سمعت خبر حطمني كثير
لازم أختبر قدرات من جديد وانا فاتني الإختبار فهل صحيح هذا الكلام
أرجوكم أفيدوني وطمنوني لأني والله تحطمت من كل شي
والله إني من أول إبتدائي إلى ثالث ثانوي وأنا تقديري ممتاز وكانت أحلامي كبيرة وانا في ثالث ثانوي وكنت ناوية أدخل أحياء بس الشكوى لله

أرجوكم أفيدوني
تحياتي للجميع

[دنيتي قلبك]

وعليكم السلام ورحمة الله وبركاااته

عزيزتي أختبااار القدراات على حسب علمي مدته 4 سنوااات

اما التحصيلي سنة واااحدة

وبالنسبة لأنسحاااابك أعتقد النظام الجديد أنه لاايحق لك التقديم على اي كلية تتبع جامعة فيصل



وبالتووفيق

[غلا الدنيا]

نفس كلام دنيتي قلبك ..

في قرار سمعت عنه الي يسحب ملفه مايقدر يسجل من جديد ..
لكن لا تفقدي املك بالله تقدرين تقدمين ع كلية الدراسات التطبيقيه وخدمة المجتمع ..

والله نسبتك حلوه والله يساعدك