الإختبارات ..!!!!!

[هاني الحميدي]

مساء الخير ..

قبل يومين وانا أتنقل بين مواضيع الملتقى وقت التسجيل لقيت موضوع يتكلم عن الإختبارات النصفية والإختبارات النهائية ولابد تختار المواد حسب الجدول عشان لا يكون عندك إختبارين في يوم واحد .. وكان منزل جداول الإختبارات , وأتوقع كان الموضوع مثبت في المنتدى .
الشاهد وش سالفة الإختبارات النصفية ومن وين جاب الجدول ؟؟ لأني زرت الموقع الإلكتروني للجامعة وما لقيت شي من هالكلام ...


السؤال : من وين تجيبون هالمواضيع ؟؟!!!!!!

[حنان آل حيان]

هلا اخوي هاني موجود بالموقع

بوابه التعليم عن بعد ايقونه الاختبارات


دقايق اشوفه كان محفوظ عندي

[هاني الحميدي]

هذا حق المستوى الثالث .. ولاحظي التواريخ قديمة !!!!

اللي شفته واتكلم عنه حق المستوى الرابع وكانت التواريخ في شهر 11/2013 للاختبارات النصفية وفي نهاية شهر 12 و 1 / 2014 للاختبارات النهائية
وكان جدولين : جدول للاختبارات النصفية وجدول للاختبارات النهائية

[حنان آل حيان]

اي اي صادق انا حفظت الملف بالغلط حطيت هذا كان عندي حق النصفيه بس اختبارات الي بشهر 2

ماشفت الثاني بس ماعاد شفته بالموقع من جد بس بطلعه

[حنان آل حيان]

ايوه لقيته

تفضل

http://www.ckfu.org/vb/t488698.html

[هاني الحميدي]

لقيته .. لكن من وين جاب الجداول ؟؟

[قنوع]

الجداول معتمدة من وكالة التعلم الالكتروني والتعليم عن بعد _ كلية الدراسات التطبيقية وخدمة المجتمع
لم تنزل في الموقع ربما لأحقاً سيتم انزالها او إرسالها لكم مع بداية الدراسة
وهذه بادرة جداً رائعة وتستحق

[rana.a]

يعطيك العافية دافوره

[أبو احمد]

ألف مرحبا بالجميع و كل عام و انتم بخير ..

الوصلات لم نجدها في موقع الجامعة غير أن الموضوع المطمئن هو أنه صاحب الموضوع يحمل صفة (منسق التعليم عن بعد) !

يعني صفة رسمية ..

احفظوا الاسم زين, يمكن نحتاج له في المستقبل :)

[هاني الحميدي]

مع إحترامي وتقديري الشديد للمنسق ولكن المنتدى ليس من مرافق الموقع الإلكتروني الخاص بالجامعة وكل ما هو مطلوب منا موجود بموقع الجامعة من مقررات وجداول إختبارات وخطط دراسية .. من غير ما أقلل من أهمية المنتدى وماله من الفائدة الكبيره ولكن غير معترف فيه في الجامعة .. لكن من وين جاب الجدول ووش سالفة الإختبارات النصفية اللي ما وجدت إي إشاره لها في موقع الجامعة ؟؟؟