[ مذاكرة جماعية ] : موضوع المذاكرة الجماعية المستوى الرابع ,,.

[الجــــ@ـارح]

السلام عليكم ورحمة الله وبركاته

اسعد الله جميع اوقاتكم بكل خير اخواني اخواتي مستوى رابع

حبيت اطرح لكم موضوع المذاكرة الجماعية وهذا الموضوع طبقناه في المستوى الي فات

والحمد لله استفدنا منه استفادة كبيره جدا في المذاكرة والتركيز والاطلاع على جميع محتوى المواد

فالي ابي منكم التكاتف وابي منكم 8 من الاخوان والاخوات كل شخص منهم يمسك ماده للمذاكرة الجماعيه

طبعا الموضوع راح يكون فقط كل صفحة يضع لنا فيها محتوى المحاضره وعدد سبع اسئلة في اخر الصفحة

وراح يكون هذا الموضوع مستمر الى قبل بداية الاختبارات وراح يكون الموضوع الواحد 14 صفحة

على عدد المحاضرات ويمنع الرد في الموضوع بعد انتها ال14 صفحة راح نضيف اهم مادار في المحاضرات

المباشرة الاخيرة وأسئلة شاملة للمقرر , وراح يكون الموضع هو موضوع المذاكرة الجماعيه

قبل الاختبار وراح يفتح الرد والمناقشة فيه ,, هذي الفكره حبيت اطرحها عليكم

وابي منكم تفاعل لان المصلحة لكم انتم , والان المستوى الخامس طبقنا هذا الخطه من جديد

وراح نبدا فيها مع بداية الدراسة ,, الي منكم عند استطاعة انه يدعمنا ويشاركنا يضع رد ويختار المادة

الي راح يستلمها ,, وهنا موضوع سابق تقدرو تطلعو عليه ,,

http://www.ckfu.org/vb/t562320.html

[الجــــ@ـارح]

مستووووووى رابع

معقول مافيه احد ,, على العموم الفائده لكم

اذا اردتو تنشيط قسمك ,,

انا لكم مني التنظيم ,,


وفقكم الله ,,

[حصه راشد]

يعطيك العافيه

[ظاهر راضي]

الله ينفع بك

[الجــــ@ـارح]

القو نظرة على نفس الموضوع لمستوى خامس وشوفو كيف

تكاتفهم وحماسهم ,,

http://www.ckfu.org/vb/t608802.html

[شجون الوهج]

فكره جدا ممتازه وراح نستفيد منها باذن الرحمن
لكن نتظر لما يتفعل الافتراضي ونشوف اسماء الدكاتره ونبدا نقسم المواد بيننا
والله يكتب اللي فيه الخير

[شجون الوهج]

والله يجزاك الجنه يارب

[علياء2013]

تو شفت موضوعك وفكرته جدا مفيده
وانا مع راي الاخت شجون الوهج لما يفتح الافتراضي نبدأ بإذن الله
لان كثير منا مايدخل المنتدى في هالفتره ولما تبدا المحاضرات ونجتمع
بإذن الله مراح نقصر..

[علياء2013]

اقتراح لمشرفنا الجارح وطبعا للجميع ..
لو كل ماده يمسكها ثلاثه من الاخوه والاخوات ..طبعا المهمه الرئيسيه تكون للي يكتب الموضوع لكل محاضره ..
والثاني لكتابة الاسئله المهمه في المحاضره والمفروض ما نتقيد بعدد محدد من الاسئله لان فيه مثلا محاضره فيها كم كبير من المعلومات المهمه ومحاضره تكون معلوماتها اقل ..
والثالث نقل الاشياء المهمه التي ذكرها الدكتور في المحاضرات الثلاثه المباشره..
وللمعلوميه انا ما شفت شغل اخوانا وكيف طريقتهم ..لكن راح اشوفه ان شاء الله
واذا جاز لكم هذا التوزيع ..راح اخذ مهمة استخراج الاسئله المهمة لاي ماده ما عدا قواعد البيانات

[ســــلآف]

جزاك الله خير وبارك الله فيك
ومستوى ثالث سابقا رابع حاليا كان عندهم نشاط ما شاء الله
بس ننتظر حتى يبدأ الجد والاجتهاد وراح تجدنا جميعاااا هناااا
وبإذن الله ما راح نقصر لان اولا واخيرا الفائده لنا جميعااا