نتـــائج الطلاب والطالبات ومعهم نتيجة ذو القعدة

[أنسان عادي]

تخيل انك شهر ذو القعده ؟ وش تسوي ؟؟ ولا بعد راسب في الامتحان

ملاحظه مهمه : وانت تتخيل لازم تتحيـول. <-- وبعدها سوف تجد نتيجتك

================================

فيه واحد اسمه ((ذو القعدة)) وكان من اعقل العيال يعني لاهوب داشر ولامطوّع. والعيال يحطون عليه يالشايب يالشايب (مالقو عليه شي مع انهم ..في نفس العمر).

وأكثر ناس حارّينه هم الاخوين ((صفر)) و ((محرم)) عشان أساميهم احسن من اسمه. و الوالده (الله يطوّل في سنـتها) مسميتهم هالأسامي الزينه لانهم اوّل العنقود.

ولاقهر اخونا ((ذو القعده)) الا المصريين ((رجب)) وصديقه ((شعبان)) دايما يعلّقون عليه ويقولون له: ((انت واد عُقد، روح ياشيخ ونت عامل فيها شهر بحالوه، انت فرحان باسمك يَلَه)).

الولد ((ذو القعده)) تعقّد من اسمه.. وقال في نفسه ((لازم أغيّر اسمي عشان يحترموني العالم)).


راح للأحوال المدنيه عشان يغيّر اسمه قالوله ((لازم ترفق مع المعامله ذبيحه حق تغيير الاسم.. ولا انقلع)).

عاد هو خابر أن ((شوال)) و ((رمضان)) تجار مواشي. راح وبلغت اهل الشرقية نصى ((رمضان)) اول شي بس مالقاه.. كان عنده محاضره دينيه. ولقى ((شوال)) اللي قاله: يابو الشباب عندي موسم..مالك الا أبو ورده ..يقصد ((ربيع الأول)).

خويّنا راح يدوّر على أبو الشباب..ولقاه كاشت بالصمّان هو وخويّه ((ربيع الثاني)) والثّنين قاعدين يبوسون في نعجه متلثّمه.. بس ذنبتها طالعه (عند الغنم عادي). قال هذي اولها .. اجل ينعاف تاليها..ماعاد نبي من وراهم شي………… وفي الأخير توكّل على الله ولاغيّر اسمه.


<--ومتعبنا نقرى واخر شي ماغيّر اسمه.. اقول.. ترى هذي فيها قبايل.

ومع الخلاف والزعل اللي بينهم بس ترى قلوبهم على بعض، وأحيانا يطقطقون كورة.

<--لقيلتلي مخرج( تُقرأ بفتحه على الميم كما قال القائل: مخرج 13 امتلى مويه وتم اغلاق النفق بين الخبر والدمام).

والان نرجع لمحور حديثنا..جاء فريق أجنبي وطلب يلعب مباراة مع العيال.فوافقوا يلعبون معهم..بس اختلفوا في تحديد ملعب المباراة..العيال يقولون في تقويم أم القرى والفريق الاجنبي يقولون في كاليندر om alkora وفي الاخير اتفقوا على اقامتها في تقويم أسنان ( لان موقع هذا التقويم جاي على الطاوله بين التقويمين).


وكان فريق الخواجات مكوّن من ((يناير)) و ((فبراير)) و ((مارس)). والواد الأعمى ((أبريل)). والبنت الحليوه ((مايو)) مايوووونيز. والتوأم ((يونيو)) و((يوليو)) اللي أشباههم أشباه الفطس، بس ماشالله عليهم شايلين الفريق. واللاعب الأصلع ((اغسطس)). والسربوت راعي الحفلات ((ديسي ممبر)) وهذا اسم الشهره حقه، بس الرجّال ماعنده أي لياقه.. إشِي كريسماس وإشِي رأس سنه.. هذا غير اعياد الميلاد.


المهم تباروا.. وانتهت المباراة بفوز عيالنا 5 مقابل 2، وكان مبدّع خوينا ((ذو القعده)) حتى سمّوه ((ذو القدّه)) من كثر الكور اللي في العوارض ، وكل الأهداف الخمسه حقت فريقهم هو اللي جايبهم. ماخلى ولاهدف الّا جابه. حتى الهدفين اللي دخلت فيهم.


عاد الخواجايا ((مايو)) شافت ذا المهبول يلعب صح وفكّت معه ( <--لازم ندخّل في القصّه ..حب وما حب نلطف الجو شوي ).


وقام ((ذو القعدة)) وأقنع أمه ((1423هـ)) انه يتزوج ((مايو))..طبعا بعد ماأسلمت وحجّجها.. وقلبت اسمها الى ((ذو الحَجّه)).


ومع مرور الأيام وهم متزوجين حملت حرمته وجاها الطلق بدري، ارتبك وخاف على البيبي، وخصوصا انها تعاني من تهتك في الرحم. ودّى ((ذو القعده)) زوجته المسيكينه ((ذو الحَجّه)) للمستشفى وكانت حالتها تصعب على كل أشهر العام.

وأوّل مادخلت المستشفى قرروا لها عملية..وهم يسوون العمليه ماتت ..بس قِدَرْ الدكتور ((.........)) والدكتوره ((مربعانيه)) يطلّعون الجنين ((دقيقه)) حي.. بس للأسف مابعد اكتمل نموه.

وقاموا الاطباء يحطّون المغذيات في فلسعة كبد ((ذو القعده)) اللي هو ((دقيقه)) عشان يكبر وينمو. كُبر الجنين شوي.. وصار ((ساعة يد)) وقاموا وغيروا السير وصار بعدها ((ساعة خراشة)). ركّبوا فيها بطارية دوراسيل وكُبرت اكثر.. وصارت ((ساعة حائط)).. قضّوا الجدار وكسروا الساعة.. ويطلع ((يـــوم)) ماعليه الا العافيه يهبّل وش حليله. فرح الوالد ((ذو القعدة)) على جمال ولده ((يـوم)).


ولالكم علي طويله، كان جد الطفل (( 1366هـ )) يحب حفيده اللي هو ((يوم)) ودايما يقوله: ((متى تكبر.. وتصير شهر مثل أبوك)).
كُبر ((يـوم)) وصار ((أسبوع)). وبعدين كُبر مره ثانيه وصار ((اسبوعين)). وبعدين ((ثلاثة اسابيع)) وفي الأخير طلع رجّال أصلحه ربي…وفي هالوقت طلعت الميزانيه قام وانتحر أبوه ((ذو القعده))..ومسك بدال أبوه في الروزنامه....وتقديرا للوالد.. وتحسيناً لوضعه ...قاموا وحطّوه في تقويم مجلس الوزراء..


وبعد مرور مدّه، وهو مشخّص في المجلس... جته ذيك اليد والله وتقطعه من الروزنامه ..وتقول.. (( أهم شي قبضنا الراتب)).;1;1

==============================

ألحين فكّوا التحيول .. بس استمرّوا في التخيّل..


ومافيه نتائج الا بعد اسبوعين من طرح هذا الموضوع <<< صاير راعي محل


<<<<< مدري وش يحس به والله من الفضاوة

[مبتسمة]

ههههههههههههههفطست من الضحك اضحك الله سنك والله من جد كلامك ^^

[RoshoF]

:mh19:

<< أحس بشي مدري وش أسمـه ..!

[أبو نهار-عبدالله]

عندك عشررره

[RoshoF]

أبو نهــآآآر أنـآ عندي 20 .. نتقـآسمهـآ ..؟

[السكوت ابلغ]

ههههه تحيولت عنوني ولخبطت بالسالفة:mh19:

[اهـــم 001]

ههههههههههههههههههههههههههههههه
هههههههههههههههههههههههههههههههههههههه

ههههههههههههههههههههههههههههه
نعلبوا ابليسك ياشيخ والله انك كذا:g8:

احلى موضوع يمر علي بالمنتدى

[مآشيه بالمعكوس]

بالله عليك احلى موضوع:mh19:
مشكورخيو

[الليــ صمت ـــل]

الله يرج بليسك

يسلمووووو

[Eyes Whisper]

:mh19: