[ استفسار ] نظام عدم امكانية تنزيل بعض المواد في بعض المستويات !!؟

[محمد آل عبود]

السلام عليكم ورحمة الله وبركاته .. اسعد الله صباحكم


قريت بأحد المواضيع تعليق انه في بعض المستويات مانقدر ننزل (بعض) المقررات اللي مثلاً نبيها على مزاجنا
كنظام من الجامعه نفسها على ماعتقد من كلام الاخ اللي علق بس ماذكر مين هو بالضبط
واذكر علقت وحاولت اعرف هل الكلام ذا صحيح او لا لكن مدري بأي موضوع بالضبط
عشان كذا اضطريت لعمل موضوع جديد واستفسر هل الكلام ذا صحيح مو اي مقرر اقدر انزله بالمستوى
اللي يعجبني او لا .. لأن اللي اعرفه المسأله تعتمد على المعدل وعدد الساعات 18 كحد اقصى
وانه مايكون فيه تعارض وكذا .. الخ



فإذا الكلام صحيح اتمنى التأكيد ومصدر هالمعلومه ياحبذا وشكراً .

[غموض مشوق]

وعليكم السلام ورحمه الله

اللي اعرفه وجربته ان الموضوع يعتمد على معدلك في المستوى السابق اذا كان ممتاز تصل بعدد الساعات الي ٢٢ ساعه
واذا كنت مقصر لا تستطيع ان تزيد عن ١٨ ساعه او اقل من ذلك بعد
والسبب الثاني التعارضات .. هذا فقط ما يعيق تقديم وتاخير المقررات.. والله اعلم

[yousef_alqahtany]

معدلك هو الاساس وهو الي يحكم عدد الساعات

وكذلك موضوع التعارض كما ذكر اخي غموض

[NAMEG]

هذي النقطه مش واضحه الكل يفتي فيها

[hail]

ليس للمعدل علاقة بعدد الساعات تقريبا
شخص راسب ومعدله اقل من اثنين اخذ 18 ساعة حاله حالنا

ولاكن لايمكنك تجاوز 18 ساعة الا في المستويين الاخيرين للتسهيل على من تبقى لهم عدد محاضرات مرتفع حتى يسهل عليهم التخرج دون تمديد اترام اضافية


نص ما ورد في تعليمات تسجيل المواد :

طلبة المستوى السابع والثامن سيتاح لهم تسجيل 22 ساعة بالشروط التالية:

طلبة كلية الآداب وادارة الاعمال من انهوا 88 ساعة مكتسبة بنجاح.
طلبة كلية التربية من انهوا 82 ساعة مكتسبة بنجاح.
على ان يكون هؤلاء الطلبة ممن تبدأ ارقامهم الاكاديمية بــ (210، 211، 212) ويجب على هؤلاء الطلبة أن يتم تسجيل مقرراتهم بحد أدني مقرر واحد كي تفعل لديه 22 ساعة حيث لا يمكن تفعيل 22 ساعة الا إذا أن سبق وسجل الطالب مقرراته. ويسقط حق اي طالب بالمطالبة بإضافة الساعات الإضافية إن لم يلتزم بذلك وسيتم التفعيل لهؤلاء الطلبة في فترة تسجيل المقررات الثانية.

[hail]

المشاركة الأصلية كتبت بواسطة nameg

هذي النقطه مش واضحه الكل يفتي فيها

تعليمات الجامعة واضحة يالغالي

واذا فيه شيء مو واضح حاضرين نشرحه ونوضحه
بس آمر وتدلل

[esloby]

مادري عنكم لكنهم نكبوني الله لايحللهم .. سجلت مادة رياضيات 2 وضحيت في مهارات الإتصال بحكم إني وصلت لأعلى حد من الساعات... المهم بعدما خلاص انتهى وقت التسجيل وتم اعتماد المقررات ونزلت على البلاك بورد

فجأه شالوا الرياضيات من المقررات!!! وورطوني لا أنا اللي سجلت مهارات الإتصال ولا هم اللي خلوا الرياضيات الله لايوفقهم كننا على كيف اهلهم!!! لذلك ما اعتقد ان الموضوع على المعدل بقدر ماهو على المزاج أو حسب توفر المدرسين.. مادري وش نظامهم بالضبط حوسة صراحة!!!

[حمد البريت]

ازود على زملائي بنقطه واحدة
ارجع للخدمات الطلابية
ايقونه كم باقي واتخرج
تحصل وش المقررات الي لازم تسجلها وتدرسها
ان شاء الله اني افدتكم

[almalkifahad]

السلام عليكم ورحمة الله وبركاته

فيه نقطة مهمة حبيت أضيفها لم تذكروها وهي أن بعض المواد لها متطلب فلا يمكن تسجيلها مالم تدرس متطلبها

يعني مثلاً لا يمكن تسجيل إدارة مالية 2 مالم تكن قد درست وتجاوزت إدارة مالية 1 وهكذا

موفقين

[بوعبدالعزيز 2]

مشكورين ياشباب على التنبيهات المهمة