[ مذاكرة جماعية ] : قبل الاختبارات .. من قلبي ومن غرفتي لكم هالشغلات

[احبك ياالله]

السلام عليكم ورحمة الله وبركاته

مسائكم جميل كجمال اتمام يوم باتمام كامل صلواته وجمال ذكره

انا طالبة مثلي مثلكم عندي دراسة وعندي اختبارات وعندي مواد يبي لها شدة حيل

الله يوفقنا جميعا

احدثكم من قلب الحدث ( غرفتي )

اللاب توب - كوب الشاي - ملازمي - قلمي - شباك مفتوح مايطل على شي بس يطل على السما والغيوم ومطررر مختلط بصوت اقامة صلاة العشاء

شعور جميل لما انتظم على الصلاة كاملة وكل فرض بفرضه ( كنت مقصرة جدا بالناحية هاذي ) الحمدلله سغادة لاتوصف بانتظامي للصلاة

مع اني عادية مو ملتزمة ولا متشددة ولا شي بس في لحظة من تأملي للسما نذرت لربي (نذر) اني رح احافظ على صلاتي بكل مكان واي زمان

انا مو جاية اعطي مواعظ بدخل باللي ابي اقوله

عندنا 16 يوم

عندي ثمان مواد

من بعد كتابتي للموضوع هاذا وبعد مااتعشى ان شاء الله

رح ابدأ رحلة التختيم اقسم بالله العظيم انه شعور يجننننننن وانتي مختمة موادك وفاهمتها ورايحة للاختبار وتحلين كل شي صح شي جميل جميل قسم بالله

حطو ببالكم نقطة : العلامة اللي تقررون تبون تاخذونها رح تاخذونها وربي اللي فوقي ويسمعني اني اشوف موادي بالسجل الاكاديمي واقول بهالمادة رح اخذ فل مارك الا مادة من قبل لا ادرسها قلت ماراح اخذ فيها فل مارك

وفعلا اخذت بالمواد فل مارك واي بلس الا المادة اللي قلتها اخذت بي بلس

فاللي تقررونه صدقوني رح تحصلونه باي مادة ومهما كانت صعوبتها

من اليوم ان شاء الله جهزت ملازمي طبعتها حليت الواجبات المناقشات والتحميل ورح اتفرغ تماااااما للمذاكرة الايباد رفعته وعمدا خلصت منه الشاحن عشان لااطل عليه طلة خاطفة

رح احط حيلي بالمذاكرة خاطري اخذ اي بلس بكل المواد ورح اقدر ان شاء الله

رح اواصل واتعب واتعب وابي احس بالشعور اللي احسه كل سنة لذة الحل اللي عجزت اوصفها

رحت السوبرماركت جبت النسكافيه والمشروبات اللي احبها شوكولاتات شيبسات كل اللي خاطري فيه

والجو الحين يحمس تنزلين المطبخ الساعة ثلاث الفجر وتسوين اطلق كوب قهوة او اللي تحبين مع صوت طقطقة المطر والبرد وشباكك المفتوح والناس نايمين وهدوء

والله ربي يعين اللي توكل عليه

من اليوم رح تبدا رحلتي بالسهر والدراسة والتختيم للمواد ربما ماارد على بعض الردود لكن تاكدو انكم بالقلب ورح نتقابل ليلة الاختبار اقول وش صار من تطبيقي باذن الله

يارب ياحبيبي انك توفقهم وتيسر امورهم وتنجحهم وتعطيهم اللذة اللي احس فيها وانا احل

صدقوني معنا وقت وااااااجد خلونا نستغله وفوقه رضا رب العالمين ورضا الاهل


ومضة صغيرة قبل ان ابدأ شوط المذاكرة

تأملو جو السماء نهارا بعد المطر من شباكي الصغير اللي مايطل الا عالسما جميييييل التأمل فيه مع التسبيح بقدرة الخالق والقهوة يطير بخارها فووووق للسما ويجتمع اجمل شعور بالدنيا بالنسبة لي .. رائحة المطر .. ورائحة القهوة



لما احفز نفسي للمذاكرة ارجع بنفسي للسمستر اللي كان باااااارد ومظلم عصرا من الغيوم ووتوفيق الله يسبق كل شي وابدا احل واحل واحل وتلاقي تعبك يطلع كله بالحل وتتذكرين باللجنة قهوتك وبجامتك الشتوية الدافئة وغرفتك الجميلة التي شاركتك كل شي وترجعين بشوق لهم مع طلة عالبي بي والواتس اب ودعوات لكل اللي عندك وقلقانين من الاختبارات و تنامين استعداد لاختبار بكرا وهكذا لتصلي لاخر يوم بسعادة وتوفيق وتتمنين لو ان عندك اختبارات ماتوقف وترجعين تطلين من الشباك بالليل وتقولين للقمر مثل كل يوم اسرارك وتختميها بدعوة لله انه وهبك يوم جميل مليان توفيق



الحمدلله على كل النعم اللي احنا فيها


اشوفكم وبكرا اول يوم اختبارات


طولت عليكم لكن بقلبي كلام وااااااااجد وانتو بنعم كبيرة حاولو تستغلونها منها الوقت الذكاء وتوفيق رب العالمين فوقهم

الله يوفقكم

[روح الفهيقي]

والله كلامك فرحني وريحني :)

الله يوفقك حبوبه ويوفق الجميييع يارب
ويعدي الاختبارات ع خيير يارب ^^

[ابوفيصل 2012]

كلام جميل يعطي معنويه الف شكر لكي

[Am Yasser]

بارك الله فيك ..

ربي يسعدك اختي ,,,

بالتوفيق لنا ..

[فطوشه]

الله يوفقكم جججمميعاً

[skon aljro7]

..

اهم شي الشباك الا تشوفين منه المطر ;)
صراحة ماعندي مثل هالشي :D
بس كفو عليك شجعتيني
انا ودي اخذ اي بلاس وادخل عالم التفوق واودع عالم الكسل
وبديت اذاكر وبعدين سحبت
وكنت ناوية افتح لي مسلسل بس قلت خل اطل عالملتقى
ولقيتك واللحين ماراح اشاهد برجع اذاكر
الله يوفقك ويوفقنا

[الريحاان]

كلام جميل ومشوق وممتع ومقنع ومشجع ومحفز فلك من الشكر أجزله ومن التوفيق أرفعه وأسأل الله العلي العظيم أن يوفقك لمبتغاك والجميع يارب ...