الله يفرج همكم :(

[م.ب]

سجلت وطلع لي كذا.. مع العلم نسبتي اعلى
وسبق سجلت في الجامعة لكن ما اكملت بياناتي استرديت ملفي!!



إيقاف
لن تتمكن من إدخال الرغبات الدراسية لأنك لم تستوفي متطلبات القبول.

علما بأن التقديم إلكترونيا لن يقبل أي طالب كان له سجل دراسي سابق بالجامعة أو حصل علي معدل ثانوية أقل من 60%.

برجاء مراجعة شروط القبول ببوابة القبول الإلكتروني.

[م.ب]

راسلت الفريدان وقالي طالما عندك سجل ما تقدرين تسجلين!! مع العلم ساحبه ملفي المفروض يكون أنلغى سجلي ما علينا.. بعد مناقشات قالي عقب مايخلصون تسجيل الطلاب تجين تراجعين الجامعه اذا فيه شواغر او لا..


انا في منطقه بعيده جدًا.. ماعندي أحد يراجع لي!
قبل كنت أخذ النقل الجماعي مع امي وبهالشموس .. بس امي كبرت وعندها ضغط وسكر والله ماني مسعسعه فيها.. قالت لي وحده فيه طلاب يقدرون في الملتقى يساعدونك

من يساعدني الله يساعده

[s3od500]

انا نفس المشكلة

وراسلت الفريدان وعطيته رقم الهوية ،، وقال لي مالك ملف !!

واللحين يقول كذا ؟؟

وش السالفه ياجماعة

[المعالي غالية]

اي لازم تراجعينهم وتخلينهم يلغون سجلك كذا اتوقع فيه واحد اسمه عبدالله الحربي هنا في الملتقی جربو يمكن يقدر يساعدكم ويراجع لكم الجامعه بس ما ادري وش يكون مطلوب منكم بطاقه ولا

[المعالي غالية]

او دقو علی موظف التسجيل وحولوا انه هو اللي يسجلكم بأي طريقه وان شاء الله تتيسر خططو بأي حجه ما ابي اخترع لكم شي بس اخترعوا شي صدقي
اذكر صديقتي من كم سنه كلمتهم وسجلوها قالت مو راضي يسجلني او ما اعرف اسجل شي كذا

[المعالي غالية]

http://www.ckfu.org/vb/t694066.html

[م.ب]

طيب عطونا رقمه موظف التسجيل ...

وعبدالله الحربي عطونا يوزره نداهمه ����

[المعالي غالية]

http://www.ckfu.org/vb/u147276.html

هذا رابط عبدالله الحربي بس ترا هو يستلم الوثيقه بفلوس وكذا وتوكيل وشخص موثوق بس اذا بيساعدكم في ذا الشغله ويراجع لكم الجامعه الله اعلم
مع العلم تواصل البنات برسائل خاصه ما فيه افتحي موضوع وسوي نداء له متواجد في المنتدی ع اساس فترة تسجيل المواد يمكن يشوف الموضوع ويفزع لكم
اما ارقام الجامعه ما اعرف الا هذولا والحمدلله ما مره أحتجتهم يعلمونكم الصبر قبل الدراسه ترا مو بس التسجيل يبي له صبر كل شي من بداية تسجيل مواد الی اختبار الی ........استلام وثيقه
بالتوفيق