[ مذاكرة جماعية ] : كيف افهم

[ابوغند..]

ماقدرت افهم شي وش الراي افكر اسحب على الاختبار ذكرت لين داخ راسي ولا ادري وش اسوي تكفون وش الحل

[.Gori]

اخوي وش هذا التشائم تفائل خير تجدوه

اما انك تسحب ترى هذا مو حل هذا هروب تهرب منه وهي اساسا الماده وراك راك
اذا خلاص ما تقدر تستوعب روح اختبر وخلها حقرا بقرا لعل يصادفك الحظ وتنجح لو على الحافه

اهم شي تتخلص منه

[بنت سع ـد]

ركز ع القوانين اذا اختبارك رياضيات ..

كل موضوع له قانون

اكتب القانون وعوض بالارقام و بعدها الحاسبه بتحسب

ويطلع رقم نهائي اختاره و انتهى

هذا هو الحل الوحيد و يارب ما يمنعون الحاسبات مثل ما منعونا بالمحاسبه 1


سو الي عليك و توكل على ربكـ

[ابوغند..]

الله يسرها شكراً ياختي على رفع المعنويه نتوكل على الله ونختبر مثل ماقلتي تجي ماتجي عليه الله يكون في العون

[ابوغند..]

بنت سعد حولت بالحاسبه ماضبطت معي ماقدرت افهم الاله الحاسبه

[حُـلم..~]

اطبع أسئلة العام

واطبع الملخص الى فيه التمارين

الى ذكرها الدكتور

في المحاضرات المباشرة والمحاضرة ال14 الى

وابحث لك مدرس يشرحها لك بساعتين

[Fly_High]

لاتروح الاختبار وانت مو فاهم والاختيار العشوائي ماينفع بيطيح المعدل حرام من اول ترم الافضل لاتروح او حاول باي طريقه تفهم

[ابوغند..]

بتوكل على العزيز الحكيم واشكركم على تفاعلكم الله يوفقكم

[ضيووووو]

اجلس بمكان هادي وافتح محاضره محاضه وركز حبتين ع القوانين وشوف الدكتور كيف يحلها وسجل كل شي يقوله وهو يحل المعادله
ليش حط هالرقم او ليش حطينا هالاشاره وهالرقم من وين جاء وكذا يعني
وبعدها وقف الفيديو وحل التمرين اللي بعده لحالك وطبق الطريقه اللي كتبتها وشوف حلك صح مع الدكتور او لا
وحل تمرين ثالث لحالك عشان تثبت المعلومه
شوي شوي بتشوف انك حفظت القانون وفهمت كيف تحل
وان شاء الله بتدخل الاختبار وتحل كويس وتجيب درجه كويسه

[معتز الهاشمي]

بعض من معكوسات المصفوفات تجي في كسور ، احد عنده طريقه لحل الكسور او بالاله الحاسبه ( fx82) ،، اتمنى الافاده