[ اسئلة اختبارات ] : بخصوص الشكوى ضد د / محمد جوده

[بو ضيدان]

صبحكم الله بالخير ,,

موضوع بنشتكي بنرفع شكوى من حقكم ولكن مو اي شي ينرفع عليه شكوى ,,

اذا فيه سؤال خطاء تقدر ترفع عن طريق ايقونه مخصصه للاعتراض عن جميع مايتعلق بالاختبار ,,

انتو داخلين في الاختبار وتتمنون ان الاسئله تكون على نمط اسئلة السنوات السابقه وتتمنون لو تعدون منها وتنجحون والان لما طلعت الاسئله حلوه وفيها فقط سؤال قومتو الدنيا ,,

تصرفاتكم هذي تتسبب في حقد الدكتور على زملائكم اللي جايين بعدكم او قد يكن هذا الدكتور او غيره يدرَس مواد لكم في مستوىين وينتقم منكم بطرق مشروعه ,,

البعض صار مثل اللي ينطبق عليهم الايه (( فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ ))

نصيحه اذا فيه شي يتعلق بسؤال في الاختبار قدمو عن طريق الايقونه وليس شكوى ,,

بالتوفيق الجميع

[عزه البلادي]

بصراحه اختبار جميل جدا والله يسعد الدكتور
واللي بيشتكي ع سؤال واحد هذا انسان مدري كيف يفكر
وشايفه ان السؤال صح مافيه غلط راجعت الملزمه
مع اني حليتو خطأ

[لغة النصر]

جميع اسئلته مكرره

ليه شكوى !!!!

المشكله في الدكتور نفسه خلى الطلاب ياخذون من موقف

الترم الماضي

بالنسبه لشكوى وجهة نظري لا تستاهل شكوى

وحسب افادة الزملاء بأنه راح يحسب الدرجه حقت السؤال



يعني كثر الله خيره سهل علينا الاختبار

[﹎ нαįαя ♪]

،


صبحك الله بالنور والسرور

اتفق مع كلامك 100٪‏
الدكتور ما قصر معنا ابداً ، ومحد يقدر ينكر هالشيء
اذا فيه خطأ نروح ونقدم بالايقونة المخصصة ، ونأخذ حقنا هي وضعت لمثل هذة الالتباسات
الاغلب هنا كان يبي درجة النجاح فقط ، واللي حصل طلعنا بـ +a ولله الحممد


لا نكبر الموضوع وهو صغير ، اتمنى ما عاد تنفتح مواضيع تخص تاريخ الخليج
خلونا نركز بالتدريب الميداني ..


موفقين جميعاً

[شيخه بنت الفهد]

الحمدالله عدى الاختبار
وممكن الي بيشتكي عنده اخطاء كثير وحب هذا السؤال يكون شافع له ماندري عن مبرراته
لكن نحاول دائماً بان قرارتنا ماتكون ضرر علينا او على الي حوالينا
ومن ناحيتي بالعكس احمد الله واشكره كان هم كبير لي هالماده وخصوصاً لما شفت اسماء الكشوفات كانو بنات كثير حاملين الماده الترم الي فات

فدخلت الاختبار وانا بقمة التوتر والحمدالله الحمدالله الله يجزاه خير راعانا هالترم وحط نفس اسئلة الاعوام السابقه

وموفقين جميعاً

[أم شذى#]

سؤال واحد فقط عليه ملاحظه الحمد لله أن الاختبار سهل أجل اذا كان صعب أحمدو ربكم

[ابوريان11]

سبحان الله. من أفضل الاختبارات

[نكهة القهوة*]

من رأيي يبلغ الدكتور بشكل ودّي ويلغي هالسؤال او يعوضنا عنه

بلا شكاوي بلا قلق ..

ومن جد الدكتور ماقصر والاختبار كان اكثر من رااااائع

[(فـ@ـد)]

ياحبكم للدفاع عن الدكاترة ...مدري وش الهدف ؟

لو واحد يحب يشتكي للامم المتحدة ...بكيفه ...وش عليكم منه

نسيتوا كيف وقفتوا مع الناجي في حقوق الانسان وضحك عليكم قال بيعوضكم وسحب

الناس يقولون شكوى ترى يقصدون ايقونة الاعتراض لا تدرعمون الله يعافيكم

ولا تخافون على الدكتور ...اموره في السمبتيك هههههه

من حق الطالب ان يعترض لمجرد الشك ومن واجب زملاءه دعمه << هذا في المجتمع الطبيعي اما في مجتمعنا فمن حقه عليهم ان لا يعترضوا عليه ...حتى نعلي من قيمة الانسان واعطاءه الفرصة ليتعود على المطالبة بحقوقه

[البشائر]

السؤال كان صحيح مافيه اي خطا..البعض الله يهديه يتسرع في الحكم..الدكتور طلب تاريخ الاقرار والاعتماد للجمارك ولم يطلب تاريخ التنفيذ اللي حفظناه من الاسئله المكررة...وخياراته كانت واضحه لا لبس فيها..نحن حافظين تاريخ التفيذ انه 2003...طبيعي جدا بيكون تاريخ الاعتماد واقرار الخطه سابق له.ومستحيل بيكون 2005او 2007 اللي حاطهم الدكتور وكمان التاريخ اللي قبل الالفين بعيد جدا واستبعاده اقوى احتمال لذا تبقى لنا 2001وهو التاريخ الصحيح والمؤكد السؤال كان محتاج تفكير فقط....اسأل الله لي ولكم التوفيق والسداد.