 |
|
||||||
| منتدى كلية التربية بحفر الباطن منتدى كلية التربية بحفر الباطن ; مساحة للتعاون و تبادل الخبرات بين طالبات كلية التربية بحفر الباطن و نقل آخر الأخبار و المستجدات . |
 |
|
|
أدوات الموضوع |
|
#1
2008- 2- 14
|
||||
|
||||
|
هذي حقيقة الكليه العلميه
بسم الله الرحمن الرحيـــــــــم
هل أنا في كليه؟ سؤال طالما طرحته على نفسي بعد أن تحطمت أحلامي خلف جدرانها المتهالكة أنه واقع لازلت حتى هذه اللحظه أنكره أولا...من ناحية التخطيط عدم وجود مواقف للسيارات..يعني البنت تنطر ولي امرها سااااااعتين على مايجيه الدور ويوصل للباب واذا ماحصلها مظطر يدور على الكليه وياخذ له دور ثاني مره ويقعد سنه على ما يجيه الدور ثاني مره.وانا اناشد المسؤلين يروحون ويشوفون وماراح يصدقون عيونهم.حتى المدارس لها مواقف وكليه فبها اكثر من 4000بنت مالها مواقف!! ثانيا...المبنى قديم..متهالك..أعتقد انه كان أول مدرسه بالحفر وكان فيها الروضه الأولى بالحفر وتركوه لأن الزمن أخذ حقه منه(ماعافه الطير وهو فيه خير)وأحنا صرنا الضحيه صحيح بنو مبنى جديد بس مو لكل الأقسام نقلو الاحياء والأقتصاد والرياضيات لهم الله!!!!!!!!!!!!! أنا ماأنكر جهود عميدتنا وكلمة حق تنقال حاولت قد ماتقدر تعدل في الكليه ومرافقها باللي تقدر عليه بس هالتقصير من جهة نظري من المسؤلين عن الكليات. ثالثا...القاعات هنا مربط الفرس..تخيلو الرياضيات عباره عن 6فرق(2أولى 2ثانيه1ثالثه 1رابعه) ومالهم ألا قاعتين فقط يتناوبون عليها واللي ماعليها محاضرات تتنقع بالاسياب هي وكتبها وعبايتها وشنطتها!!!وباقي الأقسام لهم قاعات يدخلون الكليه ويحطون اغراضهم فيها تخيلو الحال اذا كان مطرأوعجاج شوفو شنو مصيرنا؟؟؟ هذا غير الشاشات اللي تلفزيون بيتنا أكبر منها!!!!! كل قاعه فيها أكثر من130بنت وشاشه وحده بس(الثانيه كالعاده خربانه) لا والدكتور فوق ذا كله يشرح بورقه وقلم موبسبوره باقي الأقسام ماعندهم شاشات لأن اللي يدرسونهم استاذات ومع هذا لهم قاعات جديده وشاشات جديده رغم انهم مايحتاجونها والرياضيات كل يوم كاتبين خطاب عشان يصلحون الأضاءه أو الشاشات هذا غير المكيفات اللي لها قرن وبارده صيفا وشتاء!!!!!!!! رابعا...المعامل معامل غير مجهزه أبداااااااااااا...الناقص اكثر من الموجود ومبناها لاتعلييييييييييييييييييييييييق! خامسا...دورات المياة يوم فيه مويه وعشره لا..واللي بيوضي للصلاه ماله داعي يروح ويتعنى لدورات المياه لانه بيرجع زي ماراح انا اقول يدور له أقرب تراب(وياكثرررررررره بكليتنا)ويتيمم سادسا...المقصف لوتشوفه وزاره الصحه اتوقع على طول بيقفلونه بالشمع الأحمر وينزلون فيه نشره!!! أتمنى تتقبلون صراحتي بس كلامي هذا كله من نفس غيوره والله يشهد يعني شوفو الكليه الادبيه وكليه التاريخ وشوفو كليتنا كليتنا تحتاج لأهتمام واصلاح وترميم وهذا كله لمصلحة الأجيال القادمه تقبلو أحترامي................................ نور الحفر التعديل الأخير تم بواسطة نور الحفر ; 2008- 2- 14 الساعة 02:16 PM 
|
|
2008- 2- 14
|
#2 |
|
أكـاديـمـي
|
رد: هذي حقيقة الكليه العلميه
بكل امانه موضوع طيب يستاهل النقاش موضوع ينقل معاناة الكلية العلمية فعلا يا نور الحفر بالنسبه للمواقف انا معاج وانا واحد من الناس عانيت بهالمواقف اللي بكل امانه ما تسر ولا لها اي داعي المفروض يجهزون الكلية بمواقف سيارات يعني على الاقل تحمينا من هالفوضى اللي تصير كل يوم وهالزحمه اللي مالها اي داعي وشاكرين لج كل الشكر على الموضوع الطيب ونتمنى من المسؤلين انهم ياخذون بعين الاعتبار بهالموضوع الحلوو الناقل لمعاناة الكلية العلمية انا ما تطرقت للي بالداخل لاني ما اعرف شي فيه هالشي هذا راح يناقشونج فيه طبعا العضوات المشاركات واللي يدرسون بالكلية العلمية بالنسبه للمواقف ابديت رايي فيها والف شكر مره ثانية على الموضوع المتميز ويديمج ذخر للمنتدى يارب
دمتم بود اخــوكــم لــلابــد : شوفلك حل بغيابك |
|
|
|
2008- 2- 14
|
#3 |
|
أكـاديـمـي
|
رد: هذي حقيقة الكليه العلميه
شوفلك حل بغيابك
شكرا على مرورك...وشكرا على كلامك وتشجيعك وانشالله اكون قدها وقدووووووود صدقني حاسه بمعاناتك لأن ابوي كل يوم يشكي لي لما ياخذني من الكليه  بس الخافي اعظم وانشالله نلقى احد يسمع صوتنا:praying: تقبل احترامي.......................... نور الحفر |
|
|
|
2008- 2- 14
|
#4 |
|
أكـاديـمـي
|
رد: هذي حقيقة الكليه العلميه
اخ جبتيها على الجرح قسم احس المبنى قابل للهلاك باي لحظة تصدقين صرت اخاف امشي على الدرج اخاف يطيح فيني..
وربي اللى قلتيه كله كلام ماعلية غبار صحيح 100%  ربي يسعدك على قولة الحقيقة ولكن <<للاسف لحياة لمن تنادي..:bngo12: وترى مافي نقص عنها الكلية الأدبية سيم سيم ..كلهم للاسف خراباات اما المقصف صدقتي والله المفروض بشمعين احمر..  لكن وين اللى يسمع لك.. |
|
|
|
2008- 2- 15
|
#5 |
|
أكـاديـمـي مـشـارك
|
رد: هذي حقيقة الكليه العلميه
الله يعينكم000حنا بحالتكم ذي اضل منكم بكثيييييييير000
مع ان كثير يسبونها بس انا عندي غييييييييييييير0000نظافه واستقلاليه ونفس000 مع التغاضي عن بعض المساويء واللي باذن الله حينظر لها بتعمق وامانه000 حزنتوني يالعلميه000يااااااااااااااااااااااااهوووووووووووه شوفوووووووووهم تحرررررررركو زود ع صعوبه اقسامهم00ماتوفرون لهم سبل الراحه للرقي بهم للتعليم الافضل تقبلي مروووووووووووري ذكرى |
|
|
|
2008- 2- 15
|
#6 |
|
أكـاديـمـي
|
رد: هذي حقيقة الكليه العلميه
ذكـــــــــــرى نبض شكرا على مروركم وكلامكم الله يعين ويصبرنا هذي بعض المعاناة والباقي مستوووووور شوفلك حل بغيابك.. عندي فكره جهنميه وماعليك امر وانت جاي للكليه صور بجوالك الزحمه ونزلها بالمنتدى انت عارف احنا مانقدر لأن جوال الكميرا ممنوع اتمنى تسويلنا هالخدمه ومشكور مع خالص احترامي للجميع............................ نور الحفر |
|
|
|
2008- 2- 16
|
#7 |
|
أكـاديـمـي فـعّـال
|
رد: هذي حقيقة الكليه العلميه
اهلن اختي فعلا جبتيها
واشكر لكي طرحكي للموضوع لانه فعلا نبي من يسمعنا والعميده يشهد الله مو مقصره ابد حتى المبنى الجديد اللي سوووه يبي يتهالك تذكرين ايام المطر شلون يخر الماي المطر من السقف وامتلاه كل المبنى ماي والا الاداريات اللي يجيبون المرض النفس شين ولا كأنهم شايفينه شي واللي يقهر ان احنا اعلى منهم شهادات واتمنى ان يوجد احد يسمعنا تحياتي لكي |
|
التعديل الأخير تم بواسطة لمة طفل ; 2008- 2- 17 الساعة 03:40 AM |
|
|
|
|
2008- 2- 16
|
#8 |
|
أكـاديـمـي
|
رد: هذي حقيقة الكليه العلميه
بكل لهفه وشوق نرجع للرد على هالموضوع الطيب وان شاء الله قدها وقدود ولانقص من قدر اي طالبة بأي كلية سواء بالعلمية او الادبية والنعم بالكل والله يعينكم بكل امانه على هالمباني لكن ما راح تم على جذي وان شاء الله تكون هناك لفته اخوية انسانية من المسؤلين ومامن معناة من اجل طلب العلم هذا اهم شي انكم تطلبون العلم والله كريم وشاكر مرور العضوات والله يديمكم حق بعض ولا يحرمكم من الكلية ومن العلم ومن النتيجة الطيب بالتوفيق للجميع
دمتم بود اخــوكــم لــلابــد : شوفلك حل بغيابك |
|
|
|
2008- 2- 16
|
#9 |
|
أكـاديـمـي
|
رد: هذي حقيقة الكليه العلميه
فعلن انا شفت المبنى والله يستر ينخاف منه بس يبنات ليش كلكم مترفعون خطاب الجامعه وتطلبون مبنى جديد
|
|
|
|
2008- 2- 16
|
#10 |
|
أكـاديـمـي مـشـارك
|
رد: هذي حقيقة الكليه العلميه
نوووووووووووووووووووووور الحففففففففففففر0000والله انك خطيييييييييييييييييييره:mh19:
بس من جميع الجوانب حركه حلوه وجريئه00وان شاء الله يكون اخونا قدها وقدود000 بس وش رايك تعزميني ع شي بارد00مده انتظارك لسيارتك00ومنها اشوف حالتكم00قولي تم00خخخخ عازمه نفسي000 تحيااااااااااااااااااااااااااااااااااتي ذكرى |
|
|
|
| مواقع النشر (المفضلة) |
| الكلمات الدلالية (Tags) |
| العلميه, الكليه, دقيقة, هذي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عميدة الكليه تقول:أنـــــــــــا ماليش دعوووووه!!!؟؟؟ | طالبه غير | منتدى كلية العلوم و الآداب بالخفجي | 21 | 2007- 11- 25 11:36 PM |
| مطلوب توصيه من الكليه | smalshrary | منتدى كلية ادارة اعمال | 5 | 2007- 6- 9 10:41 PM |
