المشاركة الأصلية كتبت بواسطة تفاصيل صغيرة

لا ياقلبي لييييييييه الانسحاب ؟
الصعوبات لازم منها بالبداية واللخبطة شي وارد لاتخلينها سبب انك تتشائمين وتتراجعين
مهما كان اللي سمعتيه عن الانتساب لاتاخذين اي معلومة الا من مصدرها
واذا على الكلام بتسمعين كلام كثير والمحبّطين اكثر واكثر
اذا بنسمع لكل شخص يقول اي كلام عز الله ماسوينا شي بحياتنا ولا تقدمنا خطوة
الدراسة الجامعية خطوة مهمة حتى لو كانت انتساب
ادرسي والاربع سنوات تمر بلمح البصر ان شاء الله والعمر قدامك
لاخلصتي الجامعة خذي دبلومات على كيفك وقتها الكورسات والدبلومات بتكون اضافة مهمة تساعدك
اما دبلوم لحاله الايام الجاية ماراح ينفعك مثل ما انتي متخيلة
وحتى لو فادك بالوظيفة راتبك بيكون اقل بكثير مما لو كنتي خريجة جامعة ومعاك دبلوم

عيدي التفكير وراجعي نفسك ولاتخلين قراراتك مبنية على قيل وقال
ارجع واقولك الانتساب مايفرق عن الانتظام بشي وان مافادك بالوظائف الحكومية راح يفيدك بوظائف القطاع الخاص
ومن هنا لاربع سنوات ان شاء الله يغير الله من حال الى حال وبإذن الله التغيير للافضل
خلي املك بالله قوي و اللي عليك سويه وركزي بوقتك اللي انتي فيه ادرسي واستغلي ابسط الفرص
دراستنا هذي فرصة امسكي فيها بيديك واسنانك لاتفرطين فيها نصيحة لوجه الله

واستخيري والله يسهل امورك ويكتب لك اللي فيه الخير