|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
الاحروف تجعز في شكرك ياحمدان؟؟؟؟؟
السلام عليكم ورحمة الله وبركاته حبيت انقل لكم قصايد اعجبتني جدآ للشاعر الكبير حمدان المري ارجوا ان تنال اعجابكم ,,, مغترب عن ديرتي وعيال عمي .. في بلادن شعبها يدعس علمها ! يابو راشد : وش تقول ! وش تسمي ضييقتن تكفى البشر { لو تفتهمها } ماشحني فـ الغياب وزاد غمي وحط كبدي لعرضة النار وسمها ومايكدر خاطري ، ويفور دمي : غير فرقا [ أمي ] عساني ماعدمها يابوراشد ، لانويت تروح لامي ! هاك مني ذي الرساله واستلمها : لي ثلاث شهور وانا كل همي كيف أحصل لي طريقه { وأغتنمها ! } ضمّها مثلي ، وهي بتعرف ضمّي لين يونس مفرق ضلوعك نسمها .. ميير تكفى .. سمّ واضلوعك تسمّي وكل شيٍ فيك لاااازم يحترمها وأرفق بصدرن حليبه كان { جمي ورد روحـ(ن) حدّها الشرع وفطمها } وإرضها ، وأكسب رضاي وكف ذمّي واعتبرني خادمك يوم تخدمها ! وأن دعت "لبيه" ماهي مثل سمّي ! لبّها ، واسمع وصاتي وافتهمها : مأمّنك بالله يوم تواجه امي ، { حبّها من راسها لأسفل قدمها } [glow1=FF0099] @@@@@@@@@@@@@[/glow1] استأذنك .. بسافـر ايـام .. وآجيـك وان طالـت ايّـام السفـر .. لاتحاتـي حتى ولـو طوّلـت .. مانـي بناسيـك ياللي بدونك .. ويش تسـوا حياتـي؟ تامر على حاجه؟؟ .. بودّعـك واليـك عسى عوّض الايـام .. فـي المقبلاتـي حتى يدي .. ماودّهـا تفـارق يديــــــك ساكت .. وانا اشوف البلا في سكاتـي ماشفتني لارحت منك .. التفـت فيـك بـلاي والله (( روحتـي والتفـاتـي)) لكن قبـل مـاروح .. ودي اوصيـك وانت الوحيـد اللـي يقـدّر وصاتـي لاحدٍ سالك .. وقالك ((وين مغليك؟؟)) قلـه: " لـوازم لاقضـاهـا بيـاتـي " وان طروا النسيـان .. مانـي بناسيـك يـاراس مالـي فـي الحيـاه .. وغناتـي وان طروا السلـوان .. مانـي بساليـك طيفك معي حتـى وانـا فـي صلاتـي قلبي .. وهـو قلبـي اذا مـرّ طاريـك لولا ضلوعـي .. كـان عـزوا مماتـي لو جض صدري .. كان يمديـه ياتيـك ويبـات عنـدك .. ويهنـى بالمبـاتـي انا .. وقلبي .. والغلا .. ساكـنٍ فيـك وانته .. وقلبك .. والغلا .. وسط ذاتـي غلاك .. مثل الحكـم عـــنـد المماليـك اكـبــر طموحــــي .. لا .. كـل امنياتـي شف فـي غيابـي ايّ حاجـه تسليـك لاني بعدك .. اسلى مـع (( ذكرياتـي)) احــــاول اذكـــر .. اي شـــيٍ يـطريــك "واقول هو سوا .. وانـا ذي سواتـي " كني مـوادع .. كــل شـيٍ حــواليـك وكني حسبت حساب ((حزة وفاتـي)) احب ... لاني مقدر انسـاك ... وآبيـك ولا اقـدر اخليـك .. ياللـي تحاتـي معنى احب .. وماقدر انسـى واخليـك ((يعني بدونك ويش تسـوا حياتـي؟)) [glow1=FF0099]@@@@@@@@@@@@@@@@@@@@@@@@@@[/glow1] أقول بنسى وأحسب انـي نسيتـه الحب الأول صعب نسيان راعيـه عانيت في بعده كثـر مـا هويتـه لا احتلت في قربه ولا نيب ناسيـه لو اني أقـدر جيتـه كـان جيتـه اللي بقوله آآآآه ويلي علـى أجيـه بس البلا أنـي كلمـا جيـت بيتـه أخذ ثلاث أيام مدري (شنـا) فيـه ليل ونهـار وليـل واللـي قفيتـه وأنا مابين أسمه ورقمـه وطاريـه الله عطاني مـن غـلاه وعطيتـه وغيره بغى مني ولانيـب معطيـه قالوا هويتـه قلـت أأيـه هويتـه قالوا تركته قلـت مانـي مخليـه له منزل" في وسط روحـي بنيتـه جدرانه ضلوعي وهو ساكن" فيـه دورت له بيـن الضلـوع ولقيتـه خلف الضلوع يبين(ماطى)خطاويه واليوم لا أحتجت اللقا ماأحتريتـه حتى ثره من بين الأضلاع ما حيه ياجعـل يسقـى عادنـي لا بغيتـه يغفى على ضلعين صدري وأصحيه ما فيه شخص في حياتـي بكيتـه الا الذي قد مـات مانيـب راجيـه لكـن هـو حـي ومـع ذا رثيتـه من قلبي اللي أحسـن الله تعازيـه حملـت قلبـي بالهمـوم ورجيتـه كني ما عرف الا غيابـه وأحاتيـه أقـول بنسـى وأثرنـي مانسيتـه الحب الأول صعب نسيان راعيـه [glow1=FF0099] @@@@@@@@@[/glow1] الحين تسألني متى و كيف .. واشلون ؟ الحين تـوك تسـأل اشلـون حبيـت ؟ يعني ماكـن اللـي ب/سنـي يعشقـون والا اعترافك لي خطـا .. وانـت زليـت كنك .. وكـن اللـي معـك مايعرفـون اني على عهـدك معـي .. يـوم قفيـت ماهو غريـب اللـي معـك يستغربـون بس الغريب.. انـك جحـدت وتناسيـت سجيـت مـن دوار مبنـى التلفـزيـون اول ماشفتـك فيـه وش انـت سويـت لديـت لـي بعيونـك الخـرس بالهـون ورفعـت جامـة سوبرمانـك وعديـت فتنتنـي بـك ليـن قفـيـت مفـتـون من شافنـي قـال الولـد رايـحٍ تيـت من خلفتـي ضيعـت ويـن الدركسـون واشغل الماء .. وامسحه ..وافهق السيت لـو موتـري محركـاتـه يحـسـون في ذمتي .. ان قد يخلط الماء مع الزيت وقفـت وصفيتـو مـع اللـي يصفـون وحولـت فـي ذاك المحـل وتقهـويـت واللـي معـك .. ماحولـو يتقـهـوون سبحـان ربـي .. مثـل مانـا تمنيـت ابيعهـا مابيعهـا.. ابلـيـس ملـعـون ماجا على بالـي سـوى قـول ياليـت وجه حسن .. زايد دلع .. زايـد عيـون يعني ساعة شفتك على طـول.. وليـت وشفتك ومن شافك كذا صـار مجنـون اكذب عليك ان قلـت لـك مااستجنيـت سويـت مثـل اللـي الملقـف يسـوون ماتعرف ارقامي .. لكـن كيـف دقيـت جانـي رقـم واقـول وش ذا التليفـون ومدري وش اللـي فـز قلبـي ورديـت وطلعتـي مـن بيـن ثلثيـن ملـيـون غلطت في الثلثيـن بـس المهـم جيـت كلمتني والصـوت مـدري وش يكـون كلمة ( الو ) تسوى لها .. اربع مية بيت وعلمتنـي مـن غيـر ذولاك يــدرون انـي اعرفـك وتعرفـنـي وسجـيـت هـو الـذي يعرفـون مثلـك يسجـون الا قـول انـي يـوم غبـت استخفيـت ولعتنـي والوقـت مـن غيـر مامـون خـذك ولاخــلا ولا عــاد خلـيـت الا القصيد.. وضيقـه البـال.. وظنـون الظن فـي صـدري سـواة الديناميـت والحين تسألني متى .. و كيف .. وشلون الحين تـوك تسـأل اشلـون حبيـت .؟ [glow1=FF0099] @@@@@@@@@ [/glow1] [glow1=FF0099] يكبـر قسى جـرح السنيـن ويعنـي رجل الحزين اللي علـى حـد الإدراك هذا أنـا يـوم أخلـف الوقـت ظنـي الحـزن حزنـي والسوايـا سوايـاك بكيـت وأبكيـت العـيـون وبكـنـي تعال شفنـي كـل مـا حـان ذكـراك كـم واحـدٍ جانـي بعـدك وسألنـي شخبار من حبيـت وأقفـى وخـلاك؟ وأصـد والحـزن الخفـي ممتحـنـي وأن قلت منهو قيـل ماهـوب يخفـاك قيل العوض قلت العوض مـا شحنـي والله لا هــــــذا ولا ذا ولا ذاك يـا مـا بعضهـم مرنـي مـا فتنـي يا جعل ماهم بالعـوض فـي محيـاك الله لا يجبـر عـزا مــن عذلـنـي ما جاه ما جاني ولا جـاه مـا جـاك واللي عذل ويقول (لـو و لـو أنـي) جعل يعشـق لـه واحـدٍ كنـه إيـاك مـا فيـه شـيٍ فـي حياتـي غبنـي الا نهار أقفيـت وأنـا أسمـع إبكـاك الله مــن جــرحٍ قـديـمٍ مكـنـي أمداك نزفـه لكـن ادواه مـا أمـداك علـيّ كـم جـار الزمـان وطعـنـي أسمع صدى صوت المعاليـق تنخـاك وين أنت ياللي كـل مـا غبـت كنـي واقف علـى بـاب الأمـل وأتحـراك ليتـك تعـرف تخـون وأقـول خنـي علـى الأقـل القـى سبـب وأتنسـاك وليت الزمـن فمحبتـك مـا خذلنـي وليت الهجر من طيب خاطرك ورضاك لـو أن قربـك والوصـل بالتمـنـي ما غبت عن عيني كثـر مـا اتمنـاك خايـف يطـول البعـد وتسـج منـي وياخذ مكانك شخص ماهوب يسـواك وش عاد أسوي يومـك أقفيـت عنـي لا أنا أتبع المقفـي ولا أحـب فرقـاك اتمنى تعجبكم واسف ع الاطاله بس من جد كلمة ابداع في حقه هالشاعر شوي |
2010- 11- 5 | #2 |
أكـاديـمـي ألـمـاسـي
|
رد: الاحروف تجعز في شكرك ياحمدان؟؟؟؟؟
حمدان ماتدري وش اللي انت سويته ....
...بغت تقطع حبال الوصل بسبابك... خجوله الابداع انتي .... |
2010- 11- 5 | #3 |
مراقبة عامة سابقاً
|
رد: الاحروف تجعز في شكرك ياحمدان؟؟؟؟؟
:049:
سلمتي عزيزتي.. |
2010- 11- 5 | #4 |
أكـاديـمـي مـشـارك
|
رد: الاحروف تجعز في شكرك ياحمدان؟؟؟؟؟
سعود بن محمد
انووووووووووونه |
2010- 11- 6 | #5 |
أكـاديـمـي ألـمـاسـي
|
رد: الاحروف تجعز في شكرك ياحمدان؟؟؟؟؟
اخترتي ووفقتي
|
2010- 11- 6 | #6 |
أكـاديـمـي مـشـارك
|
ـأنتقاء روعه يَ ـالغلا قصآئد وـأبيات جداً جميلة صح بوحك و دـآم نبضك |
2010- 11- 6 | #7 |
أكـاديـمـي مـشـارك
|
رد: الاحروف تجعز في شكرك ياحمدان؟؟؟؟؟
طيب الصيت
عنودي |
مواقع النشر (المفضلة) |
الكلمات الدلالية (Tags) |
الاحروف, تدعس, ياحمدان؟؟؟؟؟, شكرك |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|