 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2010- 11- 11
|
||||
|
||||
عتــــــــــريــــــــــــــس
السلام عليكم ... رزيت القصه هذي مشاركه وادري انها طويله بس ان شاء الله تعجبكم ....
v v كان ياما كان منذ مبطي الزمان في قريه ساحليه يعني قريب من البحر شويات، يعيش في اطرافها فلاح اسمه ( عتريس) مع زوجته وكان عتريس طموح لكن حظه ردي يعني يعيش تحت خط الفقر وكان طموحه ماله حدود وعنده امل رغم انه مايملك شي حتى البلاطه باعها ولهذا السبب كان كثير التفكير والتخطيط ، وفي ضحاوي يوم وهو منسدح وبعد التشاور مع ابليس ، جاته فكره ، الا افكار، وقرر ينفذها ويجرب حظه معاها ، ما طول عليكم قرر بعد ماشاور زوجته ، انه ينصب على تجار القريه الي هو عايش فيها ، وكان عنده حمار وهذا الي ورثه من اهله يعني راس ماله الحمار ، احتال على قريب له عشان ياخذ منه فكة دنانير وقام عتريس بوضع الفكه في فم الحمار وهو رايح للسوق وبالعنيه، مر من عند مجلس تجار واغنياء القريه وهو مار قام الحمار يرمي من فمه فكة الدنانير وشاهده التجار وتطامروا عليه يسئلون وش السالفه ؟؟!! رد عليهم عتريس ان الحمار يطلع له دنانير كثير وكل يوم، بس الحمار قل انتاجه بعد ما كبر في السن ، نط واحد من التجار الا يشتريه، رفض عتريس وقال الحمار مصدر رزقي ولو بعته راح يكلفك الكثير ، وافق التاجر واعطى عتريس المقابل والي كان 1000 دينار عدا ونقدا .... طبعا كلنا نعرف مثل مايعرف عتريس، ان التاجر راح يكتشف ان الحمار مايطلع لا فلوس ولا دنانير ... اخذ عتريس الدراهم وفي طريقه للبيت مر على صاحب مزرعه واشترى كلبين توم يتشابهون بـ 20 دينار وخذ واحد وياه للبيت والثاني خلاه في المزرعه ... وقال لزوجته بكره راح يجي التاجر الي نصبت عليه مع الحمار ، واذا جاء خذي الكلب وتكلمي في اذنه وقولي له روح ناد عتريس وفكيه ، وخلي الباقي علي. المهم من بكره ويجي التاجر المنصوب عليه مع الحمار لبيت عتريس ، يبي يرجع الحمار لانه اكتشف مثل ماقلنا ان عتريس نصب عليه ... وفتحت زوجة عتريس الباب الا بالتاجر وهو معصب وحالته لله وقال للزوجه وين عتريس قالت عتريس راح لقرايبه في القريه الي جنبنا، بس اذا تبيه اخليه الساع يجي ، قال التاجر كيف ؟؟! ... قامت الزوجه وكلمت الكلب المربوط وقالت له رح ناد عتريس بسرعه.. وفكته وماصدق الكلب يبي الفكه حط رجله بدون رجعه ... وبعد شويات جاء عتريس للبيت ومعاه كلب شايله يشبه الكلب الي انحاش ، وقال لزوجته امري وش تبين ، قالت له التاجر يبيك والتفت على التاجر : آمر يالحبيب وش تبي قال التاجر انا جيت اشتري الكلب الي معك ، قال عتريس بس هذا الكلب يخدمني ويعرف كلامنا واذا تبيه تراه غالي شويات قال التاجر الي تبي حاضر قال عتريس هذا الكلب 2000 دينار قام التاجر بدون تردد وخذ الكلب واعطا عتريس 2000 دينار ... هع بالله هذا التاجر كيف صار تاجر ؟؟!!! راح التاجر في حال سبيله ومعه كلبه العجيب !!! المهم الزوجة تقول لعتريس ترا التاجر بيكتشف انك نصبت عليها قال لها عتريس لا تخافين بكره ابي سكين وابي تعصرين لنا طماط شويات وتحطينه في كيس تلبسينه تحت ملابسك واذا طلبت منك أي امر لا توافقيني و خالفيني. قام التاجر يبي يجرب الكلب وفكه وقال له رح ناد فلان الكلب انحاش منه من غير رجعه ، وبعد ماااكتشف التاجر عصب وقرر يروح لعتريس مع اثنين من اخويه ووصلوا البيت ودخلتهم زوجة عتريس وبعد نص ساعه طب عليهم عتريس وسئل زوجته من هذولا الزوار قالت يبونك ومنتظرينك قال لها ضيفتيهم قالت لا هذولا زوارك وضيفهم انت ، عصب عتريس واخذ السكين وطعن زوجته وطلع دمها وانسدحت منصرعه ، صرخ التاجر في وجه عتريس مجنون انت تقتل زوجتك، قال عتريس هي كذا كل ماعصبت فيني اقتلها ، انصدم التاجر قال ليه قد قتلتها من قبل؟؟!! قام عتريس واخرج صفاره من جيبه وصفر وقامت زوجته ومافيها شي، قال التاجر انا ابي اشتري الصفاره قال عتريس اما عاااد ابيعها مستحيل هذي غاليه عندي ، اصر والح التاجر الا يشتريها قال عتريس علشانك ابيعها بس قيمتها 3000 دينار وافق التاجر وخذ الصفاره ودفع قيمتها . راح التاجر للبيت فرحان بالصفاره وفي يوم من الايام رفضت زوجته – كعادة الحريم – تلبي له طلب وعصب عليها واخذ السكين وقتلها وبعد شويات قام التاجر يصفر ويصفر .... وسرى ليله وهو يصفر الين انتفخت خدوده ومافيه فايده واكتشف انه قتل زوجته ..... هع راح فيها . قرر التاجر مع اخوياه التخلص من عتريس بعد ماااكتشف انه نصب عليه ، وعزموا يرمونه في البحر ولا من شاف ولا من درى. ومسكوا عتريس في ليلة غدرا وحطوه في خيشه وجروه معاهم للبحر وفي الطريق قرروا ينامون والصباح يرمونه في البحر ، وفي الصباح وقبل لا يقومون من النوم ، سمع عتريس وهو في الخيشه صوت غنم واكيد مع الغنم راعي ، قام يصوت عتريس مااابي اتزوج بنت السلطان ويردد مااابي اتزوج بنت السلطان ، الين اسمعه الراعي ، والراعي هذا عنده طموح كبير مره بس مشكلته انه منتف ولا عنده الا 100 راس غنم وغيرها ماااابوه قرب الراعي من عتريس وسئله من ورا الخيشه وش فيك قال ياااخي حراس السلطان عندهم امر الي يلقونه يجرونه معهم علشان يزوجونه بنت السلطان ، وانا مابي ومتنازل لاي احد غيري يروح ، طمع الراعي المنتف وقاله طيب وش رايك ادخل في الخيشه بدالك، قال عتريس خلاص انا موافق واحمد ربك تنازلت لك عن بنت السلطان ... الراعي المنتف فك عتريس وجلس مكانه في الخيشه ، وعتريس اخذ الغنم وحط رجله للقريه ، وبعد ماقام التاجر ويا اخوياه خذوا الخيشه وبططططط في البحر ... ورجعوا للقريه وبعد يومين والتاجر مع اخوياه يتمشون في ربوع القريه الا هذا عتريس ومعه 100 راس غنم ، ماصدقوا عيونهم .. كيف ياعتريس ؟!!! وش الي صااار ؟؟!! رد عليهم عتريس وقال ليتكم رميتوني في البحر من زمان كان الحين انا صرت تاجر غنم ، قالوا له طيب كيف نصير تجار غنم قال ابد ولا يهمكم انسدحوا في خياش وبرميكم في البحر وشويات تردون وكل واحد معه 100 راس غنم ، وافقوا الجماعه وانبطحوا في الخياش وماصدق عتريس خبر وخذهم للبحر ورماهم بلا رجعه ... ورجع عتريس ومعه 100 راس غنم والدنانير الي اخذها من التاجر من قبل وصار من اعيان القريه ، والحين يدير سوق البورصه الخليجيه ... .gif "(164)")
|
|
2010- 11- 11
|
#2 |
|
:: مشرفة ::
ملتقى الفنون الأدبية سابقاً 
|
رد: عتــــــــــريــــــــــــــس
ههههههههههههههههههههههههه
عتريس يا نصاآآآآآآآب :049: ترا عتريس لا ذكي ولا شيء بس هذولي دلوخ اللي يصدقونه :mh01::mh01: يعطيك العافية .gif "(156)")
|
|
|
|
2010- 11- 11
|
#3 | |
|
أكـاديـمـي ألـمـاسـي
|
رد: عتــــــــــريــــــــــــــس
اقتباس:
مو ذكاء ولا غباء " الطمع " الله يكافينا شره اذا دخل قلب الانسان يولد وهم ويخليه يمشي ورا اي سراب بس الصراحه عتريس خطيرررررررررررررررر مشكوره اختي ع المرررووووور تحياتي |
|
|
|
|
2011- 2- 21
|
#4 |
|
أكـاديـمـي نــشـط
|
رد: عتــــــــــريــــــــــــــس
يسلمو
|
|
|
|
2011- 2- 21
|
#5 |
|
أكـاديـمـي ألـمـاسـي
|
رد: عتــــــــــريــــــــــــــس
يـ ع ـطيكـ الـ ع ـوافي ع ـالموضوع
لاهـ ن ـتي 
|
|
|
|
| مواقع النشر (المفضلة) |
| الكلمات الدلالية (Tags) |
| عتــــــــــريــــــــــــــس |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
