بـكون" بخيــر"
لا تقلق
بكون بخير
وبتذكرك..ياخلي
بعد بالخير
وحتى لو
تشوف الحزن بعيوني
تعدى موطني وكوني
تراني بخير
لا تقلق
تراني بخير
وش اللي صار حتى ماأكون بخير...!
| ولاحاجه |
سوى إني صرت محتاجه
أكون بخير...!!
ويعني لو
أغص بعبرتي وإلا
أموت بحسرتي..ياخل
وش بيصير؟
أبد عااادي
ولااهتميت بجروحي
ولا فيني
قسم بالله
ياخلي
ترى عادي
يجيني وش يجيني
مانطقت الآهـ
لا بالله
ولابي من يواسيني
مدام إني
أنا...من خانت التعبير..!
ووش بيصير
إذا صار الألم زادي
ورحلت بدون ميعادي ؟
بافسرها مثل| حبـك |
ولابلقى لها تفسير
جروح الحب ياخلي
//هم أولادي//
أحد يزعل من أولاده؟
أنا ماظن!
لكني
إذا تغربت فبلادي
أروح لمن!!
ياخلي
أروح لمن..؟
وأمسي مين في ليله:
"مساء الخير"
ولي غنى مواويله
وله تقدير
ولايمكن
يهنيني فاعيادي
سوى حبه
وأنا طبه
وأنا فجرية أعياده
أجل ياخل
من اللي بعدها باظل
أتذكر
وأعد أنتظر وأحسب
بقى كم يوم ياخلي
لذكرى عيد ميلاده؟
وكيف أهرب من أحزاني
وأنامن وين مااهرب
بألقاني..!
ويلقى حزني بلاده
وكيف أعيش فالعالم
وأناماأملك إلاذكريات الحب
وحلم
صحى والكون متدمر!
ووش باقي ..؟
فقط لاغير
أنا يمكن
وأشواقي
وليل الموج في شعري
على عطري
على فكري
وبعض أشعار معتاده
وبس تدري؟
أبد عااادي
ووش بيصير
الى من ضاعت سنيني؟
عمر فاني
بأعزي تربتي فيني
وماجاني؟
أبد...تكفير
وذي عاده
أنا من وين
ياخلي
بأشوف الخير
ولي عشرين عام
كلما جتني بشاير خير
خذاها الطير
خذاها الطير ياخلي
خذاها الطير. . !!
ووش تفرق
إذاشمسي
تدور في ظلام الروح عن مشرق
ولا تشرق
ولا تمسي
ولااااتفرق...!
بكون بخير
لا تقلق..
بكون بخير
كل مايلقى الفرح يمي طريق
لالقى وجهي تكدر وانتحب!!
كن عيني صارت بهمي بريق!
وكن جوفي نار وضلوعي حطب
والعشق ماهوب من حظ العشيق
وش لقينا من وراه الاالتعب
لالقينا صدق محتاج لصديق
والهنا لاذاق وعد ولاشرب
ومايطيح الورد من ثقل الرحيق
وماتشوف الأرض تمسك بالخشب
بسهر الليله بلا ليل ورفيق
دام غصن التوت ماطال العنب
مجرم الأحلام من نومي طليق
هاجس السجان في همي لعب
رحت ابطفي بالبكا نار الحريق
واثرني طفيت عيني باللهب!!
صاحبي ماعاد لي نفس تطيق
وما على المحروم من نفسه.. عتب
إنثر دموعك علي ..ودي أفيق
وأدري إني مت ..طالبتك طلب
ليتها بس جت على كوني يضيق
البلا ضاقت عظامي ياعرب!!!
الحياة اليوم ماتسوى شهيق
كنت أبحيا..بس..ربي ماكتب
وكل ماينسد في وجهي الطريق
تضحك الفرحه علي .. بلاسبب..؟!
تشوف وشلون
ياخلي فراقك غير..!
أجل وشلون
تطلبني:"أكون خير..؟!"
أ ك و ن ب خ ي ر
ويعني بس هذا اللي تبي مني
وتطلبني...
ألا ياخل..؟
وكني بك تجوبني:
"فقط لا غير"
فقط لا غير..!!
أبد ابشر...
تطمن يامعذبني...
تراك بحل...
تراك بحل لوقالوا:
حبيبك فل...!!
وأنا أدرى الناس
في طبعك
ياخلي
ولا تنلام
ذا طبعك
وأنا دلوعتك وأعرف
طباعك زين
وأنا اللي كنت أقرب لك
من أقرب شخص من ربعك
تبي تسكت..أنا أكمل
ولا تخبي
أبتحمل
وأكون بخير
ما قصرت
أفا ياخل !
لا تسكت
ولا تخبي
تطمن
واحلف بربي بكون بخير
ياحبي
إذا انت بخير
:
:
//عساك بخير//


كلمات لآمست قلبي
فوضعتهـا بين إيديكـم
آملة أن تنــال استحسانكم !!