 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2011- 1- 13
|
||||
|
||||
|
غربة الروح
السلام عليكم ورحمه الله وبركاته
رضيت بالحزن عمر وبالمواجع خليـل ** وقدرت اعيش بحيـاةٍ باهـتٍ لونهـا عودّت نفسي مدامي جيت عابر سبيـل ** كل ما دهتني مصيبـه قلـت ياهونهـا عاصرت من دورة الأيام شـيٍ مهيـل ** ومريت بـدروب غيـري مايمرونهـا من كثر ماشلت ماباقي بجوفي مشيـل ** روحي تدور معيـن ولا لقـت عونهـا كم شجرةٍ جيت أدور لي تحتهـا مقيـل ** وحتت ورقها وعرّت فوقي غصونهـا واليا رميت الهموم بسهم صبراً جميـل ** اما يجـي خلفهـا والا يجـي دونهـا اسمع بصدري صياح وهمهمات وعويل ** وأردهـا خايـفٍ لا النـاس يوحونهـا من غربة الروح ضيعت الهدى والدليل ** وخطاي تاهت ولابـه مـن يقدونهـا نهاري أعتم وليلي بالتعاسـه طويـل ** الكون مشرق وروحي مظلـمٍ كونهـا هذي علومي بعد فقد الظـلال الظليـل ** مالي من الدور خاويهـا ومسكونهـا زهدت في عيشتي بعد ام طرفٍ كحيـل ** ياليتي ادري بتالي الوقـت وشلونهـا عهدي بها يوم تروي قلبي السلسبيـل ** من قيظ الأيام توردني علـى عيونهـا وتفيض في قلبي الظميان شوق وتسيل ** وأروى ولا أروى وأعود أظما لماعونها وان سولفت كني أسمع للحمايم هديـل ** وأقوم أغنـي لهـا والاحـي لحونهـا كان اختصار الأنوثه في جسدها النحيل ** يلغي جميع النسـا بعيـون مفتونهـا كنا سوى والزمن بالوصل مده جزيـل ** ذقنـا حـلاة الحيـاه اللـي يقولونهـا ومن ذاق قلبه حنان منقضات الجديـل ** والله لتشتالـه الدنيـا علـى متونهـا وانا بعد ما أهتنيت أقفت وحل الرحيـل ** وياويل حالـي ليـا قامـو يطرونهـا بابقى عليلٍ يحركـه النسيـم العليـل ** لاهب في قاع روحـه جنـت جنونهـا ومادام راحت مابي من حلمي الا القليل ** أن عشت في قلبها وان مت فعيونهـا اس كريم مشوي 
|
|
2011- 1- 13
|
#2 |
|
أكـاديـمـي مـشـارك
|
رد: غربة الروح
مبدع صح لساااااااااااانك يا الغالي عل القصيده
تقبل مروووووووووري |
|
|
|
2011- 1- 14
|
#3 | |
|
أكـاديـمـي ذهـبـي
|
رد: غربة الروح
اقتباس:
اسعدني مرورك |
|
|
|
|
2011- 1- 18
|
#4 |
|
أكـاديـمـي ألـمـاسـي
|
رد: غربة الروح
مبدع كعادتك راق لي متصفحك
يعطيك العاااااافية 
|
|
|
|
2011- 1- 19
|
#5 | |
|
أكـاديـمـي ذهـبـي
|
رد: غربة الروح
اقتباس:
اسعدني مرورك |
|
|
|
|
| مواقع النشر (المفضلة) |
| الكلمات الدلالية (Tags) |
| الروح, غربة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اسعد الله صباحكم ممكن اعرف وين مثبتين واجباتكم*-* | الوحيدهـ* | المستوى الأول - كلية الأداب | 4 | 2010- 12- 28 07:03 AM |
