المشاركة الأصلية كتبت بواسطة الفاتنه~

ساره كلامك صحيح نفس كلامي

فعلا الانتساب كان يطلق على الطلاب اللي ما يحضرون محاضرات
ولا لهم درجات خلال الترم على المشاركه او الواجب
لكن مجرد انهم على نهاية الترم يختبرون اختبار نهائي وعليه الدرجه كلها ..


اما احنا لا نفرق كثير لأن نحضر محاضرات وعليها درجات ونحل واجبات وعليها درجات
ونشارك في منتدى الحوار وعلى مشاركتنا درجات ونحضر الاختبار النهائي وعليه باقي الدرجه
يعني مثل الانتظام الفرق ان احنا نحضر ونحل ونشارك بأي وقت وفي اي مكان ..

بالتالي حرام يطلق علينا اسم انتساب وتصير شهادتنا بهالاسم اللي اعتبره اقل من المسمى اللي نستاهله


وفي المقابل مسمى التعلم عن بعد معناه ينطبق على دراستنا فعلا وارقى من مسمى انتساب ..



وانا اقول بالنسبه لاول دفعه على ما تتخرج يبغى لها على الاقل 5 سمسترات يعني اكثر من سنتين اذا مو ثلاث
وإلى ذاك اليوم اكيد الكل راح يعرف ايش يعني التعلم عن بعد والشركات والمؤسسات والجهات الحكوميه
اكيد راح يعرفون واتوقع ذاك الوقت بيكون معروف اصلا وش معنى تعلم عن بعد لكن لو فرضنا انهم ما يعرفون
وش معنى تعلم عن بعد ومن اي جامعه اقل بحث يسوونه راح تجيهم الاجابه على طول

لكن لما نكون انتساب يصير حالنا حال الانتساب التقليدي ..