السلام عليكم ورحمه الله وبركاته

قصيده ولا اروع اتركم مع الابيات

--------



يسعد مسا ثقل البنات العفيفات

................اللي لعيون أخوانهن كانن الشوف

اللي بأبوهن شامخات وعزيزات

...............ودامن مادام أخوانهن سد وصفوف

ما فكّرن بلباس غالي ونيرات

...................ولا خصّرن قدّام الأجناب نفنوف
.
ما فرّعن وتبرّجن كل الأوقات

....................إلاّ لـمن يأمن عليهن من الخوف

بنات بيت أجواد ما هن رديّات

...............وبالستر دايم بيت الأجواد معروف

ترفات عز وللمعازيم قرمات

............لا طبّت الوحدة محل حافته حوووف

تسمع بها سمع الفقر بالريالات

.............وتحلم بها حلم الغني براحة الجوف

متعلمات وبالمواقف عسيرات

..................متثقفات وعلمهن دوم موصوف

يا حظ من فاز بحدا هالأميرات

...............ومستقبله من يمّها صار مكشوف

يشوف معها الخير ومسامر الذات

..............يصرف ومعها ما يفكّر بمصروف

ينام بين عيونها وكلها سكات

.........ويصحى على دعواتها وربه يروف

يسعد مسا طهر البنات العفيفات

.............نسمع وكل ٍ بالستر ودّه يشوف.

للشاعر الكويتي الشاب عوض نفاع