 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2011- 3- 20
|
||||
|
||||
|
عندما يتحول الحلم الوردي الى .. بني غامق
صباح الخير .. مساء الخير
بصراحه مادري من وين ابداء موضوعي .. يعني ابدأ من اول مادخلت الجامعه وسجلت فيها ولا من يومي هذا بعد ماخلصت مادة العقيده .. وش رايكم يامستوى ثاني نبدأ من لحظة دخولنا للجامعه ..  طيب قبل كل شي الموضوع طويل جبتين .. يعني جيبو لكم شيبس وفشار وبيبسي وبيره  .. واستعدو وانبطحو على بطونكم .. show time هذا الله يسلمكم كنت بيوم من الايام مجتمعه مع صديقاتي وتجيني صديقتي وتقول لي ماسمعتي عن جامعة الملك فيصل <<< تقول بقلبها الله يساامحك ليتك ماعلمتيني يومها قلت لها لا وش فيها ؟؟ قالت فتحو فيها انتساب .. وشروطهم حلوه مره احسن من عبدالعزيز وقامت تقارن بين فيصل وعبدالعزيز ( بما انها درست بعبدالعزيز ) وصارت تقول لي كلام وترسم لي خيالات وانا اسعبل اكثر واكثر الى ماخقيت مع الجامعه وقلت بس مالي الا هي وبسجل معك  . طبعا بما اني دجيت وماخليت ولا معهد ولا جامعه ولا درست فيها فكنت مثل الغريق الي يتعلق باي شي ينقذه من الحياه <<< وش رايكم بس المهم ابتدا المشوار بحلم وردي جميل تصحو منه أي فتاة نائمه .. << امحق قدمت على الجامعه .. وقبلوني .. وصارت الفرحه موووش سيعااني ابدن ابدن ابدن بغيت اتشقق من الفرحه يوم قريت اني مقبوله وبدت الدراسه وتحمست من كل قلبي وقتها يعني لو يقولون لي كوووولي الكتب كان اكلتها من زود الدفره الي جتني والحماس  .. وليتني ماتحمست واجد على فكره يامستوى ثاني يادفعتي المصونه ماتلاحظون شي مهم مره مره .. ابعلمكم الحين عليه اول شي .. اما اننا نحس على هالجامعه او الجامعه نحس علينا او فينا واحد نحس ظلم له هندي او بنقالي ودعى عليه واكلناها كلنا .. بتقولون لي ليش ؟؟ !! بقولكم .. النحس الاول ماتلاحظون اننا لما سجلنا كانت قبلنا دفعه وهي كانت اول دفعه .. لما درسو هم كانت امتحاناتهم من مية ولا عندهم ولا واجبات ولا مشاركات ولا أي بربسه زايده لا والي يقهر اكثر ان الدكاتره احذفو لهم نص المواد وقت الامتحانات <<<<<< صكتهم عين  ولما جينا احنا .. طلعت قرارات جديده وصار الامتحان من 70 وواجبات ومشاركات لا وامتحناتنا الكتاب كله من الجلده للجلده .. <<< وجه حاقد  وبدأ ينقلب الحلم الورد الي صورته صديقتي الى بني طبعا الاغلب اعترض والي قال بنسحب والي والي .. وقلنا معليش بنكمل .. وجاء وقت الامتحان وامتحنا وخلصنا .. طبعا بعد جهد جهيد[  وبعد موت وقهر من دكتورنا الحبيب بلغرسه ..الي صدمنا بالماده وبالاسئله ..لكن مانقول غير الشكوى لله خلصنا امتحنات .. وجانا النحس الثاني ..  مسمى الشهاده .. الي يقول تعليم عن بعد والي يقول انتساب مطور والي يقول انتساب .. عاد انا وقتها ضعت بالطوشه من قلب .. والى يومكم هذا مدري وش الفرق بين كل هالمسميات .. الزبده انها شهاده جامعيه لو يكتبون عليه تعليم بالبيت اهم شي اتخرج واترزز فيها واتصور معها والبس طاقية التخرج في الاخير <<<< احلام ورديه  النحس الثالث ..  الحمد لله اصبحنا مستوى ثاني وبديت احس اني كبيره وفاهمه <<< وش دخل انك تصيرين كبيره مدري المهم اني احس اني سويت شي ..  وبدينا تسجيل مواد .. طبعا رجعت تحمست مره مثل الترم الي فات .. وسجلت 17 ساعه وتحمست واجد حتى للاقتصاد الكلي بعد ماقريت ان دكتور الماده مره كويس واسألته كانت حلوه بالامتحان .. وقلت بس هذا الي بيعوضنا عن بلغرسه ويافرحه ماتمت خذها الغراااب وطار طار طار .. اتفاجأ ان بلغرسه من زود حبنا له يدرسنا الاقتصاد الكلي ..  بغى يوقف قلبي من الفرحه <<< كذابه  لدرجة اني حذفت الماده .. وتحول الحلم الوردي من بني الى بني غامق جدا  لا احد يقول ليش وماليش وخليها واتحدي الدكتور <<< والله بكف مابي اتحدى احد ابي معدل وبعدين لاحقه على التحدي وطبعا مستوى اول الحين امهاتهم داعيات لهم بمكه ميه بالميه <<<< الله اكبر عليك قولي ماشاءالله  من جد يعني وش هالقدره الالهيه الي تشيل بلغرسه من مستوى اول وتحطه عندنا .. ( وجه حاقد على مستوى اول ) اكرهكم .. ماحبكم <<< امزح .. انا قايله فينا احد بالدفعه نحس  وطبعا تتوالى مفاجأت جامعتنا العزيزه والله يستر من الجاي هذا واحنا مستوى ثاني .. اجل لا صرنا مستوى ثامن << الله يستر وطبعا الحماس الزايد قل مع هالقرارت .. <<<<< من قالك تتحمسين لا عاد تتحمسين واجد  ووصلت الى هالساعه الي خلصت فيها محاضرات مادة العقيده <<< لا احد يقول وش هالدفره  ترى بس العقيده .. والله المواد الثانيه مدري وش الطبخه فيها وعلى طاري الدفره .. انت مع أي جانب  دوافير <<< طابعين اووم الكتب من بداية السمسمتر ولا داجين <<< اذا اذا ذاكرو قبل الامتحان بيوم مع من انت والى أي جانب منهم ياليت الكل يجاوب فرد فرد نفر نفر شارع شارع زنقه زنقه <<< احم احم مااكأنك طلعتي برى الموضوع  المهم هذرتي واجد ماراح تخلصون  .. واتوقع اصلا الموضوع ينقشع من المشرفين الائمورين ويقولون لي مناك يلا .. وياخوفي يتحول الحلم الوردي الى اسود بيوم من الايام .. اهم شي فضفت لكم وطلعت الي بخاطري .. ولا كان انفجرت .. وانا توني ماعرفت من النحس فينا ..<<< اخلصي  المهم اتمنى اني اكون خفيفة ظل عليكم .. واسفه على الاطاله  \بالتوفبيق للجميع <<< اخيرن 
|
|
2011- 3- 20
|
#2 |
|
أكـاديـمـي
|
رد: عندما يتحول الحلم الوردي الى .. بني غامق
اختي | محد يستاهل الحب ?
بسم الله والحمد لله < باين انه راعي طويله صح  والله حالتك حاله .. لكن عسى الله يوفقنا وياك وتطلعين من هالجامعه مرفوعة الذقن ونابته براسك نخلة واللي فوق السعف ملخصات وروابط المحاضرات والواجبات < انا لله وانا اليه راجعون هه والله يهدي صديقتك .. مع اني اقول انها سوت خير فيك وماقصرت وان شالله ماتندمين بالاخير واما انا مع اي جانب فـ راح اعجبك ^^ ابشرك الى الان ودوما لن افتح اي مادة مادمت بعيدا عن الفاينل هههه ولله الحمد الله خلقني واغرز فيني عادة الكره لتقليب القراطيس .. لكن الحمد لله تمشي اموري بالاخير والا ماكان اخذت الثانوي .. والله يعدي هالجامعة على خير .. تحياتي لـك .. ! |
|
2011- 3- 20
|
#3 |
|
أكـاديـمـي ألـمـاسـي
|
رد: عندما يتحول الحلم الوردي الى .. بني غامق
’’
هههههههههههههههههه والله الحآله كسيفه برشآ  ..لكن مؤمنه بالصبر ثم الصبر ثم الصبر معع جآمععه فصولي ..وأنا من النوعع إلي أتحمسس بدآيـه السنه وأذاكر بعدين أسسحب على أوم الشغله وأتذكر آخر الترم إنه ععندي إختبآر وتمشي أموري ولله الحمد  .. ووشسمـه تفآئلي بالخير خيتي [ وعسى أنا تكرهوآ شيئاً وهو خير لكم ] ..  ودحدري يَ بلـآدي دحدري  .. |
|
2011- 3- 20
|
#4 |
|
أكـاديـمـي فـعّـال
|
رد: عندما يتحول الحلم الوردي الى .. بني غامق
هههههههههههههه اختي مااحد يستاهل الحب بصراحه انا مثلك تماما من عرفت ان الاخ الفاضل بلغرسه معانا معانا
ع قولت المصرين ((ورانا ورانا)) كنت منقهر وفكرت كثير احذف الماده بس تراجعت بس انا من النوع اللى مايحب الحماس وان شاء الله الله يوفق |
|
2011- 3- 20
|
#5 |
|
أكـاديـمـي فـعّـال
|
رد: عندما يتحول الحلم الوردي الى .. بني غامق
صبــر ايووووووب اللهم اجعله خيير ...
تكفيين ولـــي يرحم والديك انا باديه فــ حمـــــاس وصارلي تقريبآ يومين وبداء ينهار هذا الحمـــاس مالي خلق احضر اي محاضره تدرووون ليـــــــــش >> القــــــــــانووون وما ادراك ما القــــــانووون .. سبب لـــي احباط مو طبيعي يا على الدكتووور مع احتــــرامي له هرج كثييير لدرجه اني اكتب كل حرف يقووله الله المستعـــــان بس ,,ولا فيه فايده مش مفهووم اللي يقووله ,, سبق واني ذكرت في احدى المواضيع مشكلتي مع القانوون لانو خصص له موضوع من قبل احدى الطلبه .. ع قولت اسامه الله يسعده وين ماراح<< من قلب تدعي (( الدنـــــيا سهاه خاااااالـــص )) بس مع علي صعبه موووت
|
|
2011- 3- 20
|
#6 |
|
أكـاديـمـي فـعّـال
|
رد: عندما يتحول الحلم الوردي الى .. بني غامق
سوووري (( الدنيا سهله خااالص )) خطاء مطبعي
لا حظووا فين / سهاه / ههه فاضيه تصحح  الاخطاء هذي اللي توو تشكي ... اه اه اه الله يعين .. نسلي انفسنآا وش نسووي,, لانو ميه ميه ماكو حــــل
|
|
2011- 3- 20
|
#7 |
|
أكـاديـمـي ذهـبـي
|
رد: عندما يتحول الحلم الوردي الى .. بني غامق
ههههههههههههههههههههههههههه عادي ياختك اذا على دفعتك
ترى من يوم عرفت نفسي وداااااااااااااااااايم دفعتي منكووووبه 
|
|
2011- 3- 20
|
#8 |
|
أكـاديـمـي
|
رد: عندما يتحول الحلم الوردي الى .. بني غامق
يابنت الحلال ياليت بلغرسة بقى معنى في السنة هذي ( مستوى أول ) لان والله العظيم الدكتور الي عندنا غصان انه ما يعرف يشرح ولا تفهم منه اي شي ويجيب النوم ويتحدث في المحاضرة كانه يسولف مع زملائه الدكاتره يعني على الاقل الدكتور بلغرسة شرحة جميل ورائع وتفهم منه بسرعة ولكن الدكتور غصان عسى الله يعيننا عليه وان شاء لله يعوضنا في الاسئلة انها تكون سهلة
|
|
2011- 3- 20
|
#9 |
|
أكـاديـمـي ذهـبـي
|
رد: عندما يتحول الحلم الوردي الى .. بني غامق
محد يستاهل الحب .. تعوذي من ابليس واذكري ربك>> تبي تهديها
اسمعي خيهـ .. >> بتبدأ فلسفتها خخخخ كلنا مثلك .. وكانت >>لاحظي اني قلت كانت كانت عندنا احلاااام واحلااااام بس للأسف انصدمنا بالواقع المرير الحين صار عندنا هدف واحد بسس.. انو نعدي الموااد بسلااام والبعض منا يبي يعدي الموااد وبمعدل حلوو .gif "(204)") اغلبنا وانا اولكم ماعندنا تخطيط وتنظيم >> ياعيني ياادارة ههههههههه بسبب الاشغال اللي عندنا واللي مسوين لهم جدول وماشين عليهـ .. لازم يجي شي ويخرب عليهم تنظيمهم.. منا عارفين وش المطلوب منا .. ولاعارفين كيف نتصرف .. ولا عارفين وش الدبرهـ مع هـ العلهـ البلاك بورد ومنتدى الحوار .. وماأنسى المحاضرات المباشرهـ والمسجلهـ طبعآ ماألومك ولا الوم اي منتسب /ـهـ لانو من جد وضعنا وحالتنا يرثى لها >> تصعب ع الكافر واللهـ قالو سوو لكم جدول ومدري وشو ..سوينا بس نفعت مع ناس وناااااااس كثير مانفعت معهم نهائي>> .gif "(269)") انا برايي .. انو مطلوب منا شغلتين نسويهم .. وان شاء اللهـ بتمشي الامور وكلنا بخير اول شغلهـ : نتعوذ من اللي اسمو ابليس ونسمي بالرحمن .. لازم يكون عندنا كالندر كبير نحطهـ ورا باب الغرفهـ ولا ع مراية التسريحهـ ولا ع المكتب ....الخ المهم في مكان وااضح ونشوفهـ وحنا داخلين وطالعين نمسك كل المواد اللي عندنا .. ونخصص لكل مادهـ لون >>اقلام اقصد ونحط على جنب اسم المادهـ .. وكم محاضرهـ فيها مثلا: الاقتصاد : 1 \2\3\4\5\6 نجي الحين للتقسيم .. حاليآ عندنا 6 محاضرات لكل مادهـ .. وعندنا واجبات .. وعندنا منتدى حوار لازم نشارك فيهـ 1- المحاضرات: نقسمهم على اسبوعين >> مو ضروري نخلص كل المحاضرات يعني ع الاقل بيبقى عندنا محاضرهـ ولا محاضرتين لكل مادهـ ممكن نأجلها للإسبوع اللي بعدهـ لو قلنا بنمشي مادهـ مادهـ >> ماراح ينفع لانو بيمشي الوقت وبيكون التركيز على مادهـ وحدهـ وبيزيد الحمل علينا مثلا : الرياضيات > نفتح منها محاضرتين او ثلاث العقيدهـ > نفس الشي نمشي على كل المواد كذا راح يبقى لنا في كل مادهـ جزء من المحاضرات بس بنكون غطينا كل المواد .. نروح للكالندر ونمسك كل لون خصصناهـ للمواد ونشطب على رقم المحاضرهـ اللي خصلناها ونحدد اليوم بعد >> عشان مايطير الاسبوع وحنا ماسوينا شي >>طريقتي اللي ماشيهـ عليها الحين واللهـ استفدت منها كثيير بس اللهـ يهديهـ البلاك بورد  2- الواجبات : الاعضاء مايقصرون علىىىىى طوووول الحل نلقاهـ هنا >> فديتهم  3- منتدى الحوار : >> هذا بلا ابوك ياعقاب  مو ضروري نرد على مشاركهـ ولا ضروري نتفلسف بسؤال .. ممكن تضيفين شرح بسيط ولا استفسار >> عشان تضمنين الدرجهـ خصصي كل يوم مشاركهـ لمادهـ او مشاركتين بسسسس ثاني شغلهـ : المراااجعهـ ثم المراجعهـ ثم المراااجعهـ اللي فاضين وماعندهم داوم او مسؤليات ثانيهـ ياليت تكون مراجعتهم يوميهـ وللي مثلي عندهم التزامات ثانيهـ ممكن نحدد وقت معين نراجع فيها مادهـ وحدهـ بس كل وقت مادهـ مو ضروري كل المواد لازم نراجعهم بنفس الوقت ممكن كل اسبوع نراجع مادهـ المرااااجعهـ هاااذي راح تسهل علينا المذاكرهـ وقت الاختبارات ادري طولت >> زين حسيتي بس هااذي طريقتي اللي حاليآ ماشيهـ عليها وحبيت افيدكم تحيااتي / فـــرنــسا 
|
|
2011- 3- 20
|
#10 |
|
أكـاديـمـي مـشـارك
|
رد: عندما يتحول الحلم الوردي الى .. بني غامق
محد يستاهل الحب انا بروح شوي اجيب لي فطور وارجع فضفضتك ذي يبي لها ذبيحه مهوب فطور فاناا شويات وراجعه قسم اني دموعي بدت تقوطر معاناه لاهونت بقول كلمتين وبطس شوفي وانا اختس انا حرمتن قدر الله علي <<<<< ههههههههههه حسيت اني من ذولاك اللي يشحذون كنت موظفة الترم الاول وكنت اشوف الويل عشان الاجازه وعشان الاختبارات وعديت الترم بحب الروس ورمي العقال وبين الحين والاخر <<< مدري وش جاب ذي بس قدر الله علي واستقلت ذا الترم  <<<< انجازهههههههه المهم يقالك الحين ابوي وهو المسبب الوحيد في اني اكمل دراستي يقالكم انه يطبطب على خاطري <<< من كثر ماشوف مسلسلات هههههههههه كل يوم بدال مايقول اذكار الصباح يقول ياحلمي ذاكري والله جاني المر وينك يابو حلمي تشوف بنتك وش صار فيها المهم انا مابعد طلعت اللي ببطني بروح اجيب فطوري وارجع لتس يابعد ولبى منيب قايله بس تبون فطور
|
|
| مواقع النشر (المفضلة) |
| الكلمات الدلالية (Tags) |
| الى, الحلم, الوردي, توج, يتحول, غامق, عندما |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عندما تشعر ولا يشعرون | روضه الجنان | ملتقى المواضيع العامة | 4 | 2011- 2- 19 03:44 AM |
| اعرف نعم الله عليك قبل ان: تخسرها ((ايميل روعه))تشعر براحة بعدة | فتاة الاحياء | ملتقى المواضيع العامة | 4 | 2011- 2- 15 06:34 AM |
| اي واحد فاضي يدخل | سلمان اللحيدان | قسم المحذوفات و المواضيع المكررة | 14 | 2011- 2- 14 05:54 AM |
| ●● هنـآ نقول لك : نـأسـٍـف الرقم الذي ادخلتـه غير صحيح !! | بشـاير القحطاني | ملتقى المواضيع العامة | 6 | 2011- 1- 4 06:39 PM |
| جميع المحاضرات المسجله والمحتويات ( جاهزه للتحميل ) | ǺĽ ẕeeห | إدارة أعمال 2 | 9 | 2011- 1- 4 06:00 PM |
