ثمن كلامك ياعسى الله يهديك.. ,

***

بعض البشر لامن حشمته طمع فيك . .
وبعض البشر . . لامن جفيته يودك ..


وبعض البشر يتعب على شان يرضيك.
واغلى من اخوانه . . بقلبه يعدك . . .

وياصاحبي هالحين بانت خوافيك . .
علقتني مابين . . مزحك وجدك . . .


وش جاك مني ياعشيري وأنا اخيك . .
قبل امس أنا صاحبك .. واليوم ندّك..

لاضاق صدري من عنا الوقت أنا اجيك ..
واشوف دمعات الغلا . . فوق خدك . .


والحين تظلمني وأنا منك وفيك . .
بكل احترام اقول .. ياخوي حدك..

ثمن كلامك ياعسى الله يهديك..
لاصار ماي الوجه . . يعجز يردك ..


ثوب الردى ياصاحبي مايقديك . .
الثوب ماهوب لك . . ولا القد قدك . .

وأنا خلاص اليوم والله مابيك . .
النفس طابت . . سو ماهو بودك . . .


الطعنه اللي من ورى الظهر تنهيك . .
وشلون لاجاتك . . من اللي يودك . . .


مما راق لي