 |
|
||||||
| المستوى الأول - كلية الأداب ملتقى طلاب وطالبات المستوى الأول جميع تخصصات كلية الآداب التعليم عن بعد جامعة الملك فيصل. |
 |
|
|
أدوات الموضوع |
|
#1
2011- 4- 3
|
||||
|
||||
|
شرح مبتدئ لجزئية من المحاضرة الـ 3 أنجليزي
السلام عليكم ورحمة الله وبركـاتة في هذا الموضوع راح أشرح جزئية من المحاضرة الثالثة للأنجليزي وأتمنى أن يستفيد منهـا أللي يحسون أنفسهم حـايرين في الأنجليش وموب عارفين من وين يبتدون مثل موب أنـا حايره في النحو والتحرير  راح أشرح باالعامية وبطريقة مبسسسسطة جداً أتمنى أن أُوفق من خلالهـا في إيصال المعلومة بشكـل سهـل ولطيف !! إذا كنتم تلاحظون كـانت تمر علينـا كلمـات وتسبقهـا أمـا An أو A وكنـا دائماً نقول ليش هذي حطينـا لهـا A وهذي An ومتى نستخدمهم ! وشلون نعرف !! ونجلس نطقر  والقاعدة سهلة جـــداً مـاراح تعوق معاكم بإذن الله بس قبل مانعرف أستخداماتهم لازم نتعرف على شروطهم !! الـ A والـ An عندهم شرطين مشتركبين بينهم بس شرطين مـاراح يكلفون عليكم !! الشرط الأول : أنهم قبل مايتقدمون أي كلمة لازم الكلمة هذي تكون مفرد حطوا خطين تحتهـا لازم تكون مفرد يعنـي مثلاً : Pen ، Mouse أمـا إذا كـانت الكلمات جمع مثل : Mouses ,Pens لاتفكرون مجرد تفكير أنكم تضيفون لهم A أو An طيب هذا شرطهم الأول !! حلو باالعكس خففوا علينـا وقطعوا علينـا مشوار إذا شفنـا جمع ننسى سالفة الـ A و An  نجي الأن لشرطهم الثاني وهو : يقولون لانسبق أسماء العلم !! أدري بيجون نـاس مثلي يهبلون في النحو بيقولون أحنـا خلينـا نعرف آيش أسماء العلم عشان نشوف إذا يسبقون ولا لأ أمزح أسماء العلم سهلة والكـل أكيد يعرفهـا وهي " المدن ، الأيام ، الشهور ، الأسماء المذكرة والمؤنثة مثل صالح ، سميرة ...الخ بعد شرطهم الثاني حلو رحم الله من زار وخفف .gif "(269)") يعني إذا شفنـا أي أسم من أسماء الأعلام نفس الشي نقطع على أنفسنـا مشوار ومانفكر لا في A ولا An خـلاااااااص خلصنـا من شروطهم العامة نحفظهم زين مـازين !! طيب نجي للشروطهم الخاصة الـ An قالت شوفوا أنـا بقطع عليكم المشوار وبعطيكم أياهـا من أقصرهـا !! أي كلمـة أجتازت شروطنـا العامة أللي ذكرنـاهـا فوق طـالعوا حرفهـا الأول إذا كـانت من حروف العلة فأنـا مستعدة أجي أتقدمهـا برسم الخدمة !! جينـا قلنـا لهـا طيب آيش هم حروف العلة ؟ قالت 5 والصلاة على النبي وهم "A,e,i,O,u " قلنـا لهـا طيب وإذا الحروف كـانت عدا ذلك !! قالت أي كلمة تبدأ بحروف غير حروفي العلل فمعنـا.... قاطعتهـا الـ A وقالت فمعناته أنهـا من أختصاصي أنـا حروفي كلهـا صحيحة والحروف الصحيحة هي كـل حروف اللغة ماعدا حروف العلة تبع الـ An أنـا مالي باالعلل ولاأحب المشاكـل !! خـلااااااااااااص أنتهينـا من شروطهم ياالله حفظوهم مثل أسمائكم عشـان ناخذ لنـا كم مثال ونطبق عليه طيب نجي للأمثلة Could you please give me _ ___ piece of cake? a. an c. a من فضلك أعطني قطعة من الكيك !! طيب أول شي ننتبه ونتذكر أن الـ A و الـAn يتقدمون الكلمـات يعني نشوف الكلمة أللي بعدهم على طول وهي Piece ياالله نبتدي نشوف إذا تمشي عليها الشروط العامة للثنتين ولا لأ الكلمة مفردة مـاقالي pieces يعني أجتازت الشرط الأول نجي للشرط العام الثاني الكلمة أسم عادي موب من أسماء العلم لاهي أسم مؤنث أو مذكر ولايوم ولاشهر ولامدينة يعني أجتازت الشرط الثاني العام اللحين أمـا تكون A أو تكون An عشان نريح أنفسنـا نطبق دائماً شرط الـ An ونشوف إذا هو من حروف العلة أو لأ عشان نقطع على أنفسنـا مشوار إذا هو من حروفهـا كان بهـا وإذا موب من حروفهـا فهو أكييييييييد للـ A الطيوبه أللي مالها باالعلل ولا المشاكل !! الحرف الأول P وهو موب من حروف العلة تبع الـ An وهم "a e i o u" فمعناته هو حرف صحيح وهو الذي يوافق شرط الـ A يعني الإجابة الصحيحة C نشوف مثال ثاني The capital of Saudi Arabia is ______ Riyadh. a. Nothing b. an c. a عاصمة المملكة العربية السعودية هي الرياض نجي نشوف الكلمة أللي بعد الفراغ Riyadh نطبق عليهـا الشروط العامة الكلمة أسم مفرد صح أجتاز الشرط العام الأول نجي للشرط الثاني الكلمة أسم علم مدينة أختل الشرط الثاني وإذا أختل شرط من الشروط العامة زي ماقالنـا مسبقاً أنسى تكمل لا A ولا An إذاً الإجابة الصحيحة nothing لاشي نجي للمثال الثالث والأخير I take _________ umbrella when it rains. a. a b. an c. two d. several Umbrella المظلة الشمسية ندخل الكلمة الكشف ونسوي الإجراءات اللازمة والروتينية لهـا الكلمة مفردة صح الكلمة ليست أسم من أسماء العلم صح زي ماقالت لكم أبدوا في شرط الـ An لأنه يقطع عليكم مشوار الـ U من حروف العلة إذاً الإجابة الصحيحة هي الـ An طبقوا على بقية الأمثلة بنفس الطريقة ولو تعكر معاكم أي مثال مـايردكم إلا الكيبورد باالتوفيق يـاااارب وسامحوني على القصور وعلى أي خطأ لو حصـل نسألكم الدعاء باالتوفيق يـاااااارب كـان ودي أكمل معاكم البقية بس النحو والتحرير يشتكون |
|
2011- 4- 3
|
#2 |
|
أكـاديـمـي
|
رد: شرح مبتدئ لجزئية من المحاضرة الـ 3 أنجليزي
آآآآآآآآآآآه الله يعين ياااارب
موفقة |
|
| مواقع النشر (المفضلة) |
| الكلمات الدلالية (Tags) |
| مبتدئ, لجزئية, أنجليزي, المحاضرة, الف, شرح |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الهمه الهمه جاء وقت الجد | خالد العلاطي | إدارة أعمال 2 | 2276 | 2011- 6- 4 04:49 PM |
| لعيونكم المحاضرات صوتيه نقزر فيها لين تنحل سالفه البلاك بورد | ام الحلوين | اجتماع 3 | 14 | 2011- 5- 3 05:59 PM |
| الى الآن مابعد نزلت محاضرات ((تقنيات التعليم)) ليش؟؟؟؟؟ هل راح يحذفومها الجامعه في هذا السمستر او ايش؟ | nhoo | ارشيف المستوى 2 تربية خاصة | 15 | 2011- 3- 22 06:19 PM |
| حضــر البلاك بورد مع محتويــــاته والفيــــديو والتحـــميل .. موضوع متجدد ... | اَلْـعُـمْـهُـوُجْ | ارشيف المستوى 2 تربية خاصة | 39 | 2011- 3- 13 09:15 PM |
| خاص للعميد والمراقبين والمشرفين (كفاية تخبطات البلاك بورد | ولد حبيل | إدارة أعمال 1 | 2 | 2011- 3- 6 03:34 PM |
