السلام عليكم ورحمة الله

مرحبا بــ الجميع ..

الحمدلله من قبل و من بعد على كل شيء ..

تسلمين " بنـاس " ع الموضوع و بارك الله فيج و في الاخت " رفـات " على سالفة التكريـم ,

ماشاءالله عليكم .. علومكم طيبة وسفره , قهوة و حلا و فطاير و بعدها تكريم .. شنو خليتوا لنـا ,


جايب لكم البشاره ..

في آخر يوم كلمت الدكتـور فايـز - مسؤول المركز -.

و طلبت منه يطلب من عمادة الجامعة تثبيـت المركز بالكويت ,

و شرحت له إن العدد و الإلتزام من الشباب و البنات ولله الحمد طيب و يبشر بالخير , وما كان فيه مشاكل ,

و قالي إنه راح يكلمهم إن شـاءالله ويشرح لهم كل شيء ,

و إذا وافقوا على إعتماد كل المراقبين والمراقبات اللي كانوا معاه

فـ هو ما عنده مانع يمسك مسؤولية المركز في الكورسات الجايه ,

و إذا العمادة وافقت راح يكلم جامعة الكويت أو المعهد التطبيقي علشان يوفرون لنا قاعات مريحه ومناسبة ,

بـالنسبة لي .. أهم شيء ما ينسون الهندي ابو سكسوكه .. ماشاءالله هب ريح و نشيط كأنه نحله ,

وللعلم .. الدكتور فايز تربطه علاقة زماله مع أكثر من دكتور في جامعة الملك فيصـل لأنهم درسوا مع بعض في بريطانيـا ,

و هالشيء هو اللي خلاهم يكلفونه في مسؤولية المركز ,

و إن شـاءالله تمشي الامور مثل ما نبي و يتم تثبيت المركز في الكورس الجاي و الكورسات اللي بعدها ,

تفاءلـوا .