السلام عليكم ورحمة الله ,,,

حبيت افيدكم بنبذه عن بعض مواد المستوى الثاني الي نزلتها أنا
وتجربتي مع كل مادة ورأيي الشخصي :

أولا بشكل عام المستوى مب اصعب من الأول ولكن يحتاج مجهود اكثر بقليل بحكم انه تعتمد بعض المقررات في المستوى الثاني على فهمك لمقررات المستوى الأول:

المحاسبة 2 :
نفس مستوى محاسبة 1 أو اسهل بقليل ولكن معتمدة على بعضها يعني لازم تتابع المحاضرات بتركيز, الاختبار النهائي كان بنفس طريقة اختبر نفسك ولكن متوسط الصعوبة وأتوقع اكثر الناس تنجح فيه.

العقيدة:
لها ملزمة تحفظها وفيه مجموعة اسئلة سابقة متداولة بالمنتدى الاختبار النهائي جا 100% منها, اتوقع كل العالم تنجح فيها بمعدل, وهي معلومات سهلة مارة علينا قبل خاصة الشرعي.

الانجليزي:
مادة سهلة مرة مرة واختبارها كان سهل و20 درجة من الاختبار كانت بجيبك قبل لا تدخل الي هي قطعة وعليها اسئلة, حصل اشكالية في الاختبار ان الدكتور حذف احد القطع بعدين جابها وكانت سهلة مرة واغلب العالم حلوها, لكن مجموعة سببت مشاكل وسبت الدكتور وقرر انه يستقيل بس ماصار شي رسمي لين الحين,,, وكان السبب ان القطعة المحذوفة جت في الاختبار ان الجامعة عدلت الاسئلة وحطت القطعة دون علم الدكتور,,, باختصار المادة اساسيات اساسيات اللغة والي مايجيب فيه معدل غلطان.

تقنية معلومات 1:
المادة سهلة وبسيطة ومعلومات عامة عن الحاسب وعن الوورد والاكسل, المشكلة دكتور المادة معقد شوي الاسئلة لكن بشكل عام النجاح فيها مضمون بإذن الله لكن معدل يبيلك تشد حيلك ومهب صعبة ابد.

اقتصاد كلي:
بالنسبة لي هو اسهل من الاقتصاد الجزئي ولكن مب سهل بشكل عام يبيله تركيز ومتابعة والزين ان الدكتور بلغرسه تحسن مستوااااه كثييييير بالشرح والاسئلة جاب اسئلة ممتازة جدا جدا فوق 25 درجة كانت بالجيب الي هي اسئلة الواجب واسئلة من محاضرة التمارين الاخيرة وباقي الاختبار كان شي سهل وشي متوسط وأتوقع كل الي متابعين لو بشي بسيط ينجحون.

الرياضيات 2:
هي أصعب مواد المستوى خاصة لو كنت شرعي, طلاب العلمي بتصير اسهل عندهم من العقيدة, الصعوبة مب في المنهج, المنهج حلو ومب طويل وأوله سهل والجزء الصعب فيه الي هو التفاضل والتكامل بيكون آخر ثلاث محاضرات, والآلة مسموحة وبتخفف شي كثييير, لكن الشي الي مب زين شرح الدكتور, هو مجتهد جزاه الله خير لكن ماراح تستوعب منه بعض المحاضرات,,, الشي الزين الاختبار النهائي حيث انه جاب كل الاسئلة الاختبار من محاضرة المراجعة الاخيرة واسئلة الواجب
وجاب كم سؤال غيرهم بس سهل وتعويض مباشر,, لكن برضه تحتاج تفهم المادة وهي للي بيذاكر مب صعبة ابد حتى لو كنت شرعي,,,

اذا كنت مرة مرة ماتفهم رياضيات انصحك بمدرس,,,


هذا كان جدولي وداعوكم للتفاؤل لان الامور سهالات بإذن الله,,,,