 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2011- 6- 13
|
||||
|
||||
|
الله على بيتٍ لنا خابره طين...
يامرحبـا ياقـرة القلـب والعيـن يانـور عينـي يابقايـا ضـواهـا
من الذهب ياهنـد فرحـان تسويـن وزن الجبال اللي رفيعـن حجاهـا عساك عن كـل المخاطـر تعديـن بالله عسى عيـن الحسـود بعماهـا يضيق صـدري يابغيتـي تناميـن تظلـم غرفنـا ويتوقـف هـواهـا مدري متى ياشمعة البيت تصحيـن باالله ياهـل البيـت نامـوا معاهـا الياغفـت حنـا بلانـوم غافـيـن واليا صحت فاحت روايـح شذاهـا واليـوم كانـك يابشايـر تطيعيـن صفي مع الحراس وامشـي وراهـا يارقم واحـد عندنـا رقمـك ثنيـن الرقـم الأول ركزتـبـه غـلاهـا يامابها من زايـد الملـح والزيـن قطعة ذهـب سبحـان ربٍ عطاهـا يسلابهـا قلـبً تقـده سكاكـيـن وتدله بهـا نفـسً كثيـرن غثاهـا ياهند اشوف الغبن لومـا تشوفيـن واشوف لـي نـاسً قليلـن حياهـا ياهند اخبر احداث لـو ماتخبريـن مرت على تفكيـر ابـوك ورواهـا مرت اشهورومرت وايـام واسنيـن عجزت اميز سرعها مـن بطاهـا الله يايامـن مضـت لـو تعوديـن نفسـي تبيهـا واليـال تعصـاهـا قارنتها باالوقـت الأول وهالحيـن وحنت لها روحـن تزايـد عناهـا رسمتها من عـام خمـس وثمانيـن راحت سنين وخاطـري ماسلاهـا الله على بيـتٍ لنـا خابـرة طيـن في حارتٍ مادنـس الغـدر ماهـا الله على ذيـك الغـرف واللياويـن محـلا برودتهـا ومحـلا دفاهـا ياجا المطر نرقى على السطح عجلين نفتـح مرازيـم الغـرف ونتباهـا الله على جيـران ابـوي القديميـن ذيك الوجيه اللـي كثيـرن حلاهـا الله على جيران ابـوي العزيزيـن اللي على الصاحـب قليـلٍ جفاهـا نياتهـم حلـوة وللجـار حلـويـن تعتـز حرمـة جارهـم بقصراهـا الله على صدقـان ابـوي الوفييـن اصحاب شدات الزمـان ورخاهـا الله على صدقـان ابـوي الحبيبيـن لاشافـوا الخملـة حديهـم رفاهـا مهم على زلات الاصحاب شفقيـن لياجتهـم العوجـا تبيـن قـداهـا هكـا الوجيـه الطاهريـن النقييـن لودارهـا درب الـردى مالقـاهـا مافيه أمل ترجع هذيـك الدياويـن وهكا الرجال اللي كرامـن لحاهـا فعالـه المعـروف شيالـه الديـن فكاكـة الملهـوف كانـه نصاهـا شالتهـم الدنيـا وشالـت كثيريـن دولابها يمشـي وتطحـن رحاهـا وجدي على ناسن على القلب غاليـن راحوا وانا عينـي جداهـا بكاهـا عمي وابوي وجمله الربع الأدنيـن اقبروهم جعـل السحـاب يغشاهـا يعلهـم فـي جنـه الخلـد باقـيـن والنـار مايضفـي عليهـم سناهـا ماعقبهـم رحمـه ولاعقبهـم ليـن قلوبنـا زحمـه وضيقـن فضاهـا يومنهـا قريـة ترانـا سعيـديـن صفحات والتاريخ مبطـي طواهـا الناس مع شـح المـوارد بسيطيـن وقلوبهـم جمـع الذهـب ماشقاهـا ماسووا الشينـه ولاداسـوا الشيـن ولاتقبلـه عاداتهـم مـن نقـاهـا قعدت من نومي وشفـت العناويـن رسالـةٍ حتـى المغمـض قراهـا ياليتنـي نايـم لوالنـاس صاحيـن وليت الحلوم ابطت وطـول مداهـا واليـوم ياوقتـي تبيبـي الياويـن ادخلتنـي غبـات بحـرً تطـاهـا رجعتنـي لوجيـة نـاسً غريبيـن ناسٍ تزوك انفوسهـا مـن عياهـا فيهم قليل مـن الرجـال المسميـن اللي تزبـن بالـوزى مـن نخاهـا وفيهم كثير من الرجـال المساكيـن لوهـي رجـال مسنعتهـا انساهـا رجالهم لولـه مـن الـوزن طنيـن ريشة هـوى يلعبهـا مـن لقاهـا ياشفتهم تقـول وش هـا البعاريـن لاشك عند الحمـل تسمـع رغاهـا قلته وفي قلبـي سـوات البراكيـن تقـذف حممهـا ويتوقـد لضاهـا عجزت انا لدواك ياجـرح الأدنيـن والاجـروح الغيـر سهـلٍ دواهـا يالله ياقابـل صــلاة المصلـيـن ياخالـق المخـلـوق ياملتجـاهـا يالواحد اللي لـك عبيـدك ذليليـن ياباسط ارضك وانت رافع سماهـا انك تثبتنـا علـى العقـل والديـن تجلـي سـواد قلوبنـا وتهـداهـا تم الكـلام وقفلـة القـاف خمسيـن وصلوا على المختار فـي منتهاهـا التعديل الأخير تم بواسطة ولد ابو متعب ; 2011- 6- 13 الساعة 12:59 PM 
|
|
2011- 6- 13
|
#2 |
|
مشرفة سابقة
|
رد: الله على بيتٍ لنا خابره طين...
تم الكـلام وقفلـة القـاف خمسيـن وصلوا على المختار فـي منتهاهـا
عليه افضل الصلاة والسلام صح لسااانك ولا هنت 
|
|
|
|
2011- 6- 13
|
#3 |
|
أكـاديـمـي
|
رد: الله على بيتٍ لنا خابره طين...
صح لسانك
وفالك البيرق 
|
|
|
|
2011- 6- 13
|
#4 |
|
أكـاديـمـي فـعّـال
|
رد: الله على بيتٍ لنا خابره طين...
صح لســآنك
|
|
|
|
2011- 6- 13
|
#5 | |
|
أكـاديـمـي فـعّـال
|
رد: الله على بيتٍ لنا خابره طين...
اقتباس:
صح لسان قايلها و ناقلها |
|
|
|
|
2011- 6- 13
|
#6 | |
|
أكـاديـمـي مـشـارك
|
رد: الله على بيتٍ لنا خابره طين...
اقتباس:
|
|
|
|
|
2011- 6- 13
|
#7 |
|
أكـاديـمـي ألـمـاسـي
|
رد: الله على بيتٍ لنا خابره طين...
صح لسااانك
قصيده مره رائعه جزاك الله خير .gif "(204)")
|
|
|
|
2011- 6- 13
|
#8 |
|
صديقة ملتقى التربية الخاصة
|
رد: الله على بيتٍ لنا خابره طين...
اللهم صلي وسلم عليه
لاهنت |
|
|
|
2011- 6- 15
|
#9 |
|
أكـاديـمـي ألـمـاسـي
|
رد: الله على بيتٍ لنا خابره طين...
حياكم الله والساعه المباركه...
|
|
|
|
2011- 6- 15
|
#10 |
|
متميزه التعليم عن بعد - التربية الخاصه
|
رد: الله على بيتٍ لنا خابره طين...
الابيات جدا جدا رائعة من لي قاااااااااااايلهااااااااااااااااااااااوجدي على ناسن على القلب غاليـن راحوا وانا عينـي جداهـا بكاهـا
عمي وابوي وجمله الربع الأدنيـن اقبروهم جعـل السحـاب يغشاهـا يعلهـم فـي جنـه الخلـد باقـيـن والنـار مايضفـي عليهـم سناهـا ماعقبهـم رحمـه ولاعقبهـم ليـن قلوبنـا زحمـه وضيقـن فضاهـا يومنهـا قريـة ترانـا سعيـديـن صفحات والتاريخ مبطـي طواهـا الناس مع شـح المـوارد بسيطيـن وقلوبهـم جمـع الذهـب ماشقاهـا تسلم يمينك يابو متعب على هالقصيده الرائعة |
|
|
|
| مواقع النشر (المفضلة) |
| الكلمات الدلالية (Tags) |
| لوا, الله, تحبس, خابره, علي, طحن |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ...........وما گان الله معذبهم وهم يستغفرون ........... | Messi الجامعه | ملتقى المواضيع العامة | 25 | 2012- 3- 23 05:59 AM |
| بخصوص وضع صور الكوريين | أجمل إحساس | ارشيف المستوى 2 تربية خاصة | 29 | 2011- 6- 23 10:49 PM |
| جزاكم الله خيراً // أريد حل مناقشات هالمادتين | سعودي طموح | المستوى الأول - كلية الأداب | 9 | 2011- 6- 13 08:14 AM |
| توضيح للجميع عن إستقالة الدكتور غسان ؟؟؟؟؟؟ | الايفون | المستوى الثاني - كلية الأداب | 131 | 2011- 6- 12 01:10 AM |
| {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا} | Sبنت القرنيS | ملتقى المواضيع العامة | 4 | 2011- 6- 12 12:31 AM |
