|
منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
|
أدوات الموضوع |
#1
|
||||
|
||||
رساله الى كل طالبه مستجــــــده
سلام عليكم على فكرة الموضوع منقول بس اعجبني وحبيت اضعه هنا علشان تستفيدون منه
السلام عليكم ورحمة الله وبركاته مساالخير كيفك ؟؟ان شاء الله بخير .. أكيد بتسألين,,وش تبي هاذي لاجتنا موضوع طويل ورساله خاصه فينا وش السالفه .. السالفه ومافيها ياطويلة العمر ,, اني بيوم من الأيام كنت مستجده زيي زيك بس الفرق بينا هو انك انتي لقيتي من ينصحك ويفتح عينك بس أنا للأسف لا .. والله العظيم ,, ماابي الا افيدك بخبرتي وتجربتي عشان ماتطيحين بنفس أغلاطي بيوم من الأيام وتقولين ياليت الأيام ترجع واصحح كل شي .. صدقيني انا ماابي اتفلسف عليك ولااسوي نفسي كبيره وفاهمه واعطيك نصايح وارشادات ,,بلعكس .. الله العالم بنيتي .. اسأل الله يعطيني على قد نيتي .. في البدايه ,, حابه اقول شي مرره مهم بالنسبه لي ,, رسالتي هاذي موجهه للبنت اللي كافحت في ثالث ودرست واجتهدت وجابت نسبه وحابه تكمل وتدرس .. مو اللي جايه وكل همها اللعب والوناسه وتبي الجامعه عشان توسع صدرها وتنبسط مو عشان تدرس .. هاذي انا اقولها ,,,, بليييييييييييييز حطي رجوع للخلف ولاتقرين كلامي ,لأنه مو لك .. ريحي نفسك ولاتضيعين وقتك الثمين عليه... مع ألف سلامه .... نرجع لموضوعنا ,,, أول شي لازم تفكرين فيه يااختي هو طريقتك واسلوبك ... لازم تتغير .. بتقولين كيف ؟؟؟ الجامعه تختلف عن المدرسه .. أول شي صداقاتك ,, في الجامعه مو نفس المدرسه كل وحده تسولفين معها يعني صديقتك ,,لا ابدا .. أكثر شي يميزها انها تجمع جميع انواع البشر .. لاتستغربين اذا شفتي بنات من مذاهب مختلفه ,من بيئات مختلفه,من أفكار ومعتقدات ماعمرك حتى سمعتي فيها .. اللي ابيه منك تحاولين قدر الإمكان تكون صديقتك المقربه من نفس طبقتك ,مذهبك ,أفكارك ,اسلوبك ..وكل شي وأهم شي ,, اسرارك لاتدري فيها أي بنت ,مهما كانت علاقتك فيها قويه.. واتصور اهم سر لازم تخبيه على البنات درجاتك .. حتى لو تجيبين سي (يعني جيد)لاتقولين لأحد.. وهذا الشي اقوله لك من تجربه وحده من صديقاتي.. صدقيني العين حق .. وكمان أكثر شي تختلف فيه الجامعه عن المدرسه ,,مناهجها .. يعني المنهج الواحد في الجامعه يساوي ثلاث اضعاف منهج المدرسه.. وكلن على حسب قسمه .. الحفظ ,, احرصي انك تحفظين أول بأول لايتراكم عليك .. مو زي ماسويت آه بالقهر .. تدرين وش كنت اسوي ؟؟؟ كنت ماافتح المنهج الا قبل الإختبار بساعات قليله .. من زود الغباء اللي فيني والتعود على مناهج المدارس القليله .. الفهم,, اذا عندك مادة فهم زي الكمي مثلا (يسمونها رياضيات بالعامي) احرصي انك تفهمين بنفس المحاضره وتكتبين اهم شي الكتابه اكتبي محاضراتك بنفسك ولاتعتمدي على فلانه وعلانه ترا بعض البنات ترفض تخليك تصورين دفترها .. وبالبيت انتبهي ,, لاتقعدين على النت والتلفزيون وتخيبين خيبتي .. حاولي تحلين تمارين اضافيه بأقصى سرعه ,,وبتحسين بمعنى كلامي هذا وقت الإختبار .. رجاءا لاحد يفهم من كلامي انه يعقد نفسه 24 ساعه ,,لا ,التوازن حلو .. قسمي وقتك زي ماتحبين .. وقت للطلعه ,وقت للنت ,وقت للمذاكره,وقت للتلفزيون وهلم جراا .. كتابة المحاضرات ,, بهاذي من زود تناحتي ماكنت اكتب واعتمد على البنات .. بس اللي كنت اشوفه يسونه البنات مرره عجبني ,,, في طريقتين .. وحده لمواد الفهم والثانيه لمواد الحفظ.. 1/ التخطيط والنوتات : راس مالها كتاب الماده ونوتات وقلم تخطيط .. النوته :الأوراق الصغيره الملونه اللي تتلزق من ورا.. قلم التخطيط:القلم العريض اللي ينخطط فيه على الكلام ويصير واضح.. والطريقه سلمك الله ,تخططين مع الإستاذه والأشياء اللي تقولها ومو موجوده على الكتاب تكتبينها بالنوته وتلزقينها وبس .. وافضل شي استخدامها في الحفظ .. 2/الورق ,, ورق مسطر عاادي ,وملفات على عدد موادك+ملف اضافي,اقلام ملونه عاديه .. تخلين لكل ماده من موادك ملف خاص فيها .. وتخلينه بالبيت عشان لايثقل عليك الشنطه.. والملف الزايد تاخذينه معك للجامعه وتحطين فيه 10ـــ 15 ورقه.. وتكتبين المحاضرات وتحتفظين فيها بالملف هذا وإذا وصلتي البيت توزعين كل محاضره على ملف الماده الخاص فيها .. وبس..... أكيد بتقولين .. وليه مااجيب دفتر كبير واريح عمري من سالفه الورق ؟؟؟؟؟ يااختي بالجامعه بتصير شنطتك على كتفك أغلب الوقت موزي المدرسه ترمينها بأي مكان.. ومايسوى عليك تشيلين دفتر وش ثقله طول النهار.. والله العظيم ان شنطتي مسويه اثرعلى كتفي من ثقلها ,,ورقبتي صارت تعورني منها.. اربع كتب كنها مجلدات ودفتر كبير ,,الله لايلومها المسكينه.. وكمان نصيحتي لك خذيلك شنطه خفيفه وكبيره بنفس الوقت عشان ماتضطرين تشيلين شي بيدك.. لبسك,, ياكثر المواضيع اللي تسأل عن اللبس والكشخه.. اذا تبين نصيحة وحده مجربه.. خذيلك تنورتين وحده سودا عاديه والثانيه جنز.. وشكلي بالبلايز على كيفك.. واحرصي يكون لبسك مريح ومناسب للصباح مو زي بعض المناظر اللي نشوفها عالصبح ,,والله ثم والله اناا نضحك ونتريق على اللي تبالغ بالتسنع والكشخه ,,خلي مظهرك عااادي وغير متكلف وكمان مريح احرصي ان لبسك لازم يكون مريح .. مره من المراير يقالي بكشخ .. ولبست بلوزه ضيقه ,,وجزمه عاليه .. بغيت اموت ..من جد.. ولااستفدت شي الا التعب .. وقلت لنفسي لو غبت احسنلي .. تخيلي معي .. لابسه ضيق وجزمه عاليه وامشي بطريق طويل عيا ليخلص.. ومضطره اجامل واضحك ........ يووووووووووووووووووووووه مبي اتذكر هاذاك اليوم .. الشي الثاني ,, ياكثر مانسمع .. النجاح حظ,الأستاذه ماتصحح,فلانه مافتحت المنهج واخذت أي بلس(ممتاز).. كل الكلام هذا نصب بنصب .. واللي تقوله ماتبي الا تحطمك .. وماعندها ماعند جدتي .. اسمعي باليمين وطلعي باليسار.. سلالالالام طبعا الموضوع منقول مرتين يعني وحده نقلته من الكاتبه الاصليه وانا نقلته منكم |
2008- 10- 7 | #2 |
أكـاديـمـي فـضـي
|
رد: رساله الى كل طالبه مستجــــــده
كل هذا يووووووه
الله يعطيها العافيه لكل من نقله ومن ثم انتي نقلتيه<مشوار مشكوره وجزاك الله خير |
2008- 10- 7 | #3 |
:: صديقة ::
كلية الاداب بالدمام |
رد: رساله الى كل طالبه مستجــــــده
مشكوووووووووره يالغاليه على النقل
من جد استفدت |
2008- 10- 7 | #4 |
أكـاديـمـي فـعّـال
|
رد: رساله الى كل طالبه مستجــــــده
تسلمين ع النقل الرائع
إستفدت كثير .. والله يوفقك .. |
2008- 10- 7 | #5 |
أكـاديـمـي ألـمـاسـي
|
رد: رساله الى كل طالبه مستجــــــده
مشكوره اختي على النصايح وان شاء الله في ميزان حسناتك
|
2008- 10- 7 | #6 |
أكـاديـمـي
|
رد: رساله الى كل طالبه مستجــــــده
احسنتي بالفعل موضوع مفيد
|
2008- 10- 7 | #7 |
أكـاديـمـي
|
رد: رساله الى كل طالبه مستجــــــده
مشكوووووووووووووووووووووووورة اختي عالنصايح افدتيني كثير بس حبيت اسال شنو آخذ غير الدفاتر والنوته ولاقلام والملفات\وبالنسبه للدوام نداوم اول يوم طيب وباقي الاسبوع عادي نغيب يعني مش محسوب؟ لاني سمعت ان اول اسبوع ما فيه دراسه يليت تفديني لاني مستجدة وما اعرف شي بصراحه وابي وحده تساعدني وتعلمني عن كل شي واكون شاااااااااااااااااااااكره
|
2008- 10- 7 | #8 |
أكـاديـمـي فـعّـال
|
رد: رساله الى كل طالبه مستجــــــده
مشكـــــــوره غلاتي ع النصايح..
والله افتدتينآ كثيرر.. :g8: الله يو فقك .. // :praying: // |
2008- 10- 8 | #9 |
أكـاديـمـي فـعّـال
|
رد: رساله الى كل طالبه مستجــــــده
[SIZE="4"]
يسلموووووو مليووووووون عالنصاااااايح الحلووووووة ^_^ [/SIZE] |
2008- 10- 8 | #10 |
أكـاديـمـي فـضـي
|
رد: رساله الى كل طالبه مستجــــــده
ولو ماسويت غيـــــــــــــــر واجبي
عارفه انكم ضايعين مثلـــــــي فقلت افيدهم مثل ما استفدت حبيبتي جوجو شنو تاخذين مادري بس الغيــــــاب يحسبونه بالمحاضرات وكل مـــاده لها 3 ايــــام غياب بعدين يمنعونك من الدخول المحاضره اتمنى تكونين فهمتي >> واتمنى الاخوات الكبار يــأكدون على كلامي لاني مو متأكده |
مواقع النشر (المفضلة) |
الكلمات الدلالية (Tags) |
مستجــــــده, الى, رساله, طالبه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رساله من جامعة الملك سعود | رسايم | ملتقى المواضيع العامة | 7 | 2008- 10- 2 06:50 AM |
ŇŎŏŐf طالبه يديده في منتداكم ŇŎŏŐf | ملكة الذوق | منتدى التواصل و الترحيب | 6 | 2007- 11- 6 01:16 AM |
طالبه مستجده.....تحتاج المساعده بأسرع وقت | الدلع م | ملتقى المواضيع العامة | 3 | 2007- 9- 2 03:47 PM |
طالبه بحاجه للمساعده,,,,,, | أعذب أحساس | ملتقى المواضيع العامة | 3 | 2007- 7- 15 11:50 PM |
رساله من مدرس رياضيات الى مدرسة رياضيات | الدلوعة | ملتقى الطلاب والطالبات الترفيهي | 14 | 2007- 3- 2 03:08 AM |