يا بنات
يا فتيات المستقبل
../

ترا كل مشاعركم طبيعية
و يمكن تتخيلون اشياء ما راح تصير في الواقع
بس تطمنوا
ان الكلية روعة
بتتوترون اول يوم بتداومون فيه
و القلب يدق طبول
و اول اسبوع و انتوا تحوسون على القاعات للمحاضرات
بس بعدين
عاادي وضعكم تمام و قمة الريلآكس
بس انتوا اخذوا نفس عميق
و التزموا بالقوانين عشان محد يوقفكم او يخالفكم


و نقطة غاية في الأهمية
ما ادري البنات اللي معي و اللي قبلي يأيدون ولا انا غلطانة
بس تراني مقتنعة
و هذا انبهكم يا بنات السنة التحضيرية
البنات في الكلية مو مثل المدرسة
كلكم من نفس المنطقة تقريبا
و من عمر واحد
من صف واحد
و في فصل واحد طول السنة
و تقدرين تتكلمين مع الكل و تمزحين و تعلقين و غيره
و اذا احتجتي شي يعطونك و اهم مغمضين

في الكلية غير حبيباتي
البنات من كل حدب و صوب سواء من الحسا ولا من باقي المحافظات المحيطة بها
او حتى المدن الثانية
>>في من الرياض و توابعها

في بنات اكبر منكم بس يآخذون معكم بعض المواد
لأن موادكم عامة و الكل ملزوم فيها

و كل محاضرة في قاعة تختلف عن اللي بعدها
لكن لكل مادة قاعة خلاص طول السمستر
و انتبهوا تطيحون الميانة
يطيحون خشومكم بعض البنات
احترموا الكل عشان الكل يحترمكم
كتبوا محاضراتكم بيدكم
لأن يا ماما ما في بآخذ من فلانة ولا غيرها
غالبا ما يرضون يعطون

>>
شخصيا اعطي اللي بتكتب في ذات الوقت
ما عندي تروحين فيه البيت
لأن مرة بنت الله يهديها اخذت مني اوراق للأنجلش
و الله يسلمها بتصورهم وبتجيبهم بكرة
و جا بكرة
بنات وين فلانة
طبعا محد يدري عن احد
رحت سألت ربيعاتها
قالوا غايبة
!!!!
شلون و المحاضرة احضرها بدون اوراق

و جابتهم لي بعد يومين
شنو استفدت؟؟
ولا شي

و السبب الثاني اللي يخليني ما اعطي للبيت
ان كل محاضراتي في ذات الدفتر
و كل يوم عندي دوام
فكل المواد تجر بعضها ولا غنى عنه

طبعا انتوا احرار
ولا راح تحسون بهالشي الا اذا عطيتوا و توهقتوا
>>تخوفين البنات

مو اخوفكم بس هذا الواقع


و بالتوفيق
و اذا عندكم اي استفسار عادي
استفسروا على راحتكم