بسم الله الرحمن الرحيم
السلام عليكم ورحمة الله وبركاته
اصدقائي في الملتقى كم يسعدني ان تشاركوني احد قصص حياتي وهذه القصة اخترتها بالذات لانها فطرت قلوب من رئاني
في البداية
انا ابلغ من العمر 23سنه طبعا موظف في احد القطاعات الحكومية وامتلك دباب من نوع زد اربع كفرات وبمعنى اصح اربع تواير المهم الدباب هذى كنت اتمشى فيه بالعصر عشان جو الرياض حر والعصر بداية الاعتدال بالجو المهم انا كنت استخدم الدباب في تصفية ذهني او بمعنى اصح اشغال ذهني لان اللي بسني راح يكون كثير التفكير حيال المستقبل وضغط العمل واحياناا اشارك الوالد في تجارته وكنت لما اطلع على الدباب انسى كل شي لاني اشغل ذهني بالطرق والانتباه من السيارات لاني استخدمه داخل البلد وطبعا انا احب المبالغة بالاستعراض والحركات البهلوانية بالدباب واحياننا اقوم بحركة بهلوانية على سرعه 120 كيلو متر بالساعه
المهم
في احد الايام خرجت على الدباب للترفيه عن نفسي المهم وانا داخل البلد جى في بالي اني اسوي حركة جديدة وطبعا كانت السيارات خلفي كثيرة لان البعض اعجب في استعراضاتي وقام يلاحقني عشان يصور الاستعراض ومن ضمن اللي يتابعوني سيارات مليئة بالعوائل المهم انا كان كل همي ارفه عن نفسي وازرع البسمة في شفاة الناس اللي يستمتعون بحركاتي الاستعراضية وبعد ما انتهيت جى في بالي حركة جديدة وكنت متجه للبيت وكانت الحركة عبارة اني احط قدمي على الارض واخلي الدباب يسحبني كاني اتزلج وجربتها في المره الاولى ونجحت والمرة الثانية ونجحت والمره الثالثة بالغت شوي كان خلفي سيارات كثيرة والساعه كانت 9 بالليل ويوم طبقت الحركة الثالثة ويختل توازني وطحت على على الارض بس لازالت متمسك بالدباب والسرعه كانت حول 110 كيلو متر بالساعه على حسب كلام اللي تابعني بسيارته المهم سحبني الدباب على القار واتجه بي الى الرصيف ويوم اصطدم بالرصيف طرت فوق كاني سوبر مان وربي اشوف السيارات تحت والدباب طار هو الثاني المهم وانا محلق مثل الدميه في السماء طحت على الارض وزحفت بسرعه على الرمل وكانت الارض مليئة بالبلك المكسر والزجاج وبقايا حديد المهم ما دريت الا الدباب جى بدوره يطير بالسمى ويطيح علي ويسحبني على الارض وانا كنت لابس الواقي حق الراس (الخوذة) المهم سحبني الدباب مسافة على الارض وصوت التراب عند اذني كانه يقوم بطحني بالارض وفجأة دخل عامود حديد بخوذة الراس وتعلقت انا فيه بواسطة راسي وانقطع الجاكيت حقي اللي كان الدباب متعلق فيني ويسحبني بواسطته والدباب كمل زحفه بدوني وبعدها اغمى علي
وبعد فترة بسيطه حسيت باختناق كان واحد يخنقني واسمع صوت يتكرر باذني هات السكين هات السكين بسرعه
؟؟؟؟؟؟؟؟؟؟؟؟؟؟
سوري مظطر امشي
راح اكمل لكم القصة في وقت اخر
مع تحيات محبكم
علاوي الحربي]