 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2008- 11- 7
|
|||
|
|||
|
قصة غريبة صارت معي تحمل مصادفات ما احد يتوقعها
بسم الله الرحمن الرحيم
زي ما انتو عارفين الاجواء هاليومين بالرياض اكثر من روعه الامطار والبراد والناس اغلبيتهم طالعين للبر المهم انا لي صديق اسمه فيصل صديق الطفولة من يوم اننا بالروضة الى الان واحنى مع بعض الله لا يغير علينا حتى اذكر خبينى الطوق حق ابلى ايمان لانها عاقبتنا وما حطة لنا نجمة ولقينى الطوق حق شعرها على مكتبها واخذناه وغبيناه عنها ودايم نطلع مع بعض وما نتعرض لاحد عايشين جونا على قولتهم مسالمين المهم في صباح يوم الخميس قررو الاهل يطلعون للبر ووداهم اخوي على الجمس وبقى في البيت انا وابوي وابوي يمتلك جيب لاند كروزر 2007 حركتات وانا سيارتي نوع زوم صغيرة مو حقة براري حقة تكشخ بس رن جوالي وكنت اتفرج على التي في وارد الو الو علاوي هلا فصولي شخبارك بخير انت ووجهك وينك والله بالبيت انت ووجهك قال مالت عليك قلت افى وش فيك قال الناس طالعين للبر وانت جالس بالبيت والمشكلة عندك دباب ومخيم ومحذوفات بالبيت على الفاضي قلت يارجال عساني اروح للدوام نعمه اخلص وش تبي قال وش ريك نطلع للبر قلت قدام افى عليك يالذيب جاهز انا قال اركد بس سيارتنا ما تساعد قلت يا فصولي ابوك عنده جيب قال حتى ابوك بعد قلت طيب انت اطلبه من ابوك وانا بطلبه من ابوي واللي يوافق فيهم ناخذ سيارته قال والله ما اظن بيعطونا جيوبهم قلت حنى فلذات اكبادهم ما نهون عليهم قال افلقني بس قلت طيب كلم ابوك وانا بكلم ابوي ورد لي خبر بعد ربع ساعه قال اوكي طيب ضف وجهك قلت شوكرن على المجامله الحلوة قال يا حبي لك تحرجني غصب قلت زين لايكثر سكر وانا اسكر بوجهه ههههههههههاي واروح لابوي شامخ الراس هلا يبه صباح الخير ويطالع فيني بنصف عين هلا قلت افى من اولها تكشيره قال وش عندك قلت ابد الجو حلوو وعلى كيف كيفك قال طيب وش اسوي لك قلت ابي الله يسلمك تعطيني هالجيب حقك بروح للبر عليه ويضحك ضحكات ساخره هاهاهاها تنكت انت ووجهك قلت افى انا فلذة كبدك اهون عليك ماروح للبر قال لا ما تهون بس الجيب احلم فيه رح على سيارتك قلت سيارتي ماتنزل بر صغنونة ودلوعه قال وانا جيبي دلوع بعد قلت ترى الجيب صنعوه للبر يهون عليك الناس يقولون عندهم جيب وما يطلعون للبر عليه قال انا شاري الجيب وطلبيه بمواصفات خاصة لكبار الشخصيات قلت الي يسمعك يقول لكززز وهو نتفة جيب قال هالنتفة رح اشتر مثله وهو يضحك هاهاها يالله انا بنام لي شوي وبروح للبر عليه شوي قلت يعني منت معطينياه قال تبطي وانا اروح من عنده وانا اتحلطم واقول من زينه يع وهو يضحك وادق على فيصل هاه وينك قال انا عند الباب حقكم قلت اقلط حياك هاه بشر فصولي كلمت ابوك قال انت وش صار عليك قلت انا ابوي كرشني وهو يضحك الا انت وش صار عليك قال انا رحت لابوي وقلت عطني الجيب بروح للبر انا وعلاوي نتمشى قالي وبجملة جميلة ضف وجهك بس تبي تطعسون عليه ما بقى الا هي قلت يبن الحلال بس نبي نتمشى مو حق تطعيس احنى قال اقول ضف بس رح على سيارتك والا سيارة علاوي قلت سيارتنا مو حقات بر قال ما فيه قلت اصلا من زين جيبك القاه بالتاجير ب200 ريال مع سواقه وهو يضحك رح استاجر ورني شطارتك هههاي وانا اتحلطم واشغل سيارتي واجيك قلت اوكي وش رايك يا فصولي ننتقم منهم قال شلون قلت انا اقولك جيب ابوي داخل الكراج وبوقف سيارتي قدام باب الكراج عشان ما يطلع وبروح على معك على سيارتك وهو يضحك قال والله انك داهية قلت اصبر ما شفت شي قال وش بعد ؟؟؟؟؟؟ قلت بوك وينه قال ابوي نايم ليش !!!!! والجيب؟ قال الجيب برى البيت قلت حلو ابيك تسرق المفاتيح حقة الجيب لا علاوي اسمح لي الا ذي ناخذ الجيب غصب صعبه قلت لا ياغبي قال اجل شلون قلت ابيك تاخذ المفاتيح وتخليها معنى عشان لما يدوره ما يلقاه وبيقعد طول النهار يدوره واحنى بنقفل جولاتنا ونحطها على موجود قال حلو قدام والله انك داهية والله واحط سيارتي قدام باب الكراج عشان ابوي ما يطلع واقفل جوالي واركب مع فيصل على سيارته ونروح لبيت فيصل وفيصل يدخل داخل بيتهم وبعد كم دقيقة ركب السيارة هاه وش سويت يالذيب ويطلع من جيبه مفاتيح الجيب حق ابوه وحنى نطلع من الحارة وتمشينى من الساعه 10 الصبح الى 12 الظهر ما احد دق علينا لا ابوي ولا ابوه جت الساعه وحدة مادق احد واطالع لفيصل غريبه ما احد دق قال اصبر يا رجال وفجأه يدق جوال ابوي علي واحنى نضحك قلت ابوي شكله معصب ويدق الرنه الاولى ما رديت والثانيةطنشت والثالثة وانا ارد نعم علاوي وينك قلت مع فيصل اتمشى بس الغريب وانا اكلمه اسمع صوت اخواني عنده وانا خابر ان اخواني طالعين للبر قلت انت وينك قال انامع اخوانك في البر قلت شلون طلعت الجيب قصدي شلون رحت وهو يضحك هاهاهاها اثريك متعمد تحط سيارتك على باب الكراج مسوي ذكي انا جاني اخوك من دوامه ورحت معه وانا اقول بيني وبين نفسي هذى اللي ما حسبت حسابه وهو يقول يالله ظف وجهك اسرفت علي ويسكر بوجهي توت توت توت توت توت وانا التفت لفيصل قالي هاه بشر وش صار قلت اخوي طلع من دوامه ومر البيت وما لقى غير ابوي واخذه معه ولحقو باقي الاهل قال افى الخطة الاولى خربت بس باقي دور ابوي هههههههاي وانا اضحك وفجأة يدق جوال ابوه واحنى نضحك قلنى اكيد انه معصب ويرد فيصل على ابوه هلا فصولي وينك انا والله مع علاوي نتمشى ليش صاير شي قال لا ما صاير شي بس انا طلعت مع خالك مشوار بعيد وابيك تدور مفتاح الجيب خابره فوق الطاولة وتدخله داخل الكراج واذا بس وصلني خبر انك طالع عليه لمكان حشيت رجولك فاهم قال ايه يبه فاهم قال ولدي الشاطر عساك لقيت جيب تستاجره هههههاي وهو يضحك ويقفل بوجهه وانا اقول هاه فيصل وش قالك قال ابوي طلع مع خالي مشوار وما حسبت حساب انهم متواعدين اليوم واحنى نطالع لبعض ونسكت فترة وننفجر ضحك على حظنى البايخ ونشغل موسيقى راب ونغني مالت مالت مالت على حظنى البايخ نخطط ونمطط وبالاخير يقلب علينى حظنى البايخ وضحكنى ورجع كل واحد لبيته وكلنى امل وتطلعات الى خطط مستقبلية للنيل من ابوي وابو فيصل ارجو ان تعجبكم هذي القصة وترقبو كل جديد من عالم علاوي مع تحيات علاووي الحربي التعديل الأخير تم بواسطة بـــو أحــمــد ; 2008- 11- 12 الساعة 05:51 PM 
|
|
2008- 11- 7
|
#2 |
|
أكـاديـمـي مـشـارك
|
رد: قصة غريبة صارت معي تحمل مصادفات ما احد يتوقعها
الله لايفرقكم عن بعض
 شوكرن اخوي على القصة الرائعة :g8: |
|
|
|
2008- 11- 7
|
#3 |
|
.....
|
رد: قصة غريبة صارت معي تحمل مصادفات ما احد يتوقعها
  ههههههههههههههههههههههههههههه  يسلموووووووووووووووووووووو والله حضهم يكسر الصخر لا تحاولون مافي مجال ماراح تنتقمون يالله نبي نشوف وش بتسوي أنت وفيصل تدري شلون بقعد أفكر بخطه هع هع يسلموووو عالطرح الحلووووو هالمره شدونه قبل والله كلا مني هالمره قعدت اتمعن واتخيل القصه هع هع أنا قبل دنيتي مش مشكله هع هع نحتري الجديد تحياااتي  |
|
|
|
2008- 11- 7
|
#4 |
|
أكـاديـمـي نــشـط
|
رد: قصة غريبة صارت معي تحمل مصادفات ما احد يتوقعها
هههههههههاي
ولا يهمكم الانتقام الجاي بخطة متقنة بس ساعديني يا توتة فكري معاي فديت قلبك ومشكورة يا شدونة على الرد الحلو انتي (وتوتي) الامورة مع تحيات علاوي الحربي |
|
التعديل الأخير تم بواسطة بـــو أحــمــد ; 2008- 11- 12 الساعة 05:51 PM |
|
|
|
|
2008- 11- 8
|
#5 |
|
مراقبة سابقة
|
رد: قصة غريبة صارت معي تحمل مصادفات ما احد يتوقعها
يؤؤؤؤ والله اني انقهرت منهم
خلاص ولا يهمك نفكر أنا وتوته ونجيب خطة زينه >>>>> الله يرحم أيام الثانوي |
|
|
|
2008- 11- 8
|
#6 |
|
أكـاديـمـي
|
رد: قصة غريبة صارت معي تحمل مصادفات ما احد يتوقعها
يعطيك العافيه اخوي علاوي
والله القصة رووووووووووووووووعه كانكم طاش ماطاش بس اقول لك مو هينيين هالشيبان إذا حطوا الشي في راسهم يسوونه وانتوا صراحه كنو نكته تشااااااااااااااااااو 
|
|
|
|
2008- 11- 8
|
#7 | |
|
أكـاديـمـي نــشـط
|
رد: قصة غريبة صارت معي تحمل مصادفات ما احد يتوقعها
اقتباس:
تشكراتي عن جد هدول الشياب كتير خطيرين ومبين اننا لازم نخطط شي تخطيط 100 في ال100 تحياتي الك من علاوي الحربي |
|
|
التعديل الأخير تم بواسطة بـــو أحــمــد ; 2008- 11- 12 الساعة 05:50 PM |
||
|
|
|
2008- 11- 9
|
#8 | |
|
.....
|
رد: قصة غريبة صارت معي تحمل مصادفات ما احد يتوقعها
اقتباس:
أي لازم نخليهـم يعرفون مو كل مره تسلم الجره <<مدري وش السيرهـ اي والله اللهـ يرحــــــم أيـــام الثانويهـ كانت ايام وناااااااااسهـ
|
|
|
|
|
2008- 11- 10
|
#9 |
|
أكـاديـمـي ذهـبـي
|
رد: قصة غريبة صارت معي تحمل مصادفات ما احد يتوقعها
هلا علاوى
والله انكم تجننون كفايه مسوين اكشن فى حياتكم انا بعد يامانتقم مثلك |
|
|
|
2008- 11- 10
|
#10 | |
|
أكـاديـمـي نــشـط
|
رد: قصة غريبة صارت معي تحمل مصادفات ما احد يتوقعها
اقتباس:
على الاطراء الحلو وراح اطلعك على باقي مغامراتي انا وصديقي فيصل تقبلي خالص تحياتي علاوي الحربي |
|
|
التعديل الأخير تم بواسطة بـــو أحــمــد ; 2008- 11- 12 الساعة 05:51 PM |
||
|
|
|
| مواقع النشر (المفضلة) |
| الكلمات الدلالية (Tags) |
| مصادفات, معي, احد, تحمل, يتوقعها, صارت, غريبة, قصة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
