 |
|
||||||
| منتدى كليه الغد للعلوم الصحية منتديات كلية الغد للعلوم الصحيه المنح الدراسية في كليه الغد وجميع ما يخص كلية الغد. |
 |
|
|
أدوات الموضوع |
|
#1
2011- 11- 13
|
||||
|
||||
قصة ملطشتي مع كلية الغد والاكاديمية + استفسار
السلام عليكم ورحمة الله وبركاته
اسعد الله اوقاتكم بكل خير ماعرفتوني  اخواني يمكن اغلبكم يعرفني ويعرف قصتي سابقا مع الكلية وحبيت اقولكم قصتي الثانية مع الاكاديمية الي تتبع لنفس ادارة كلية الغد انا بعد ما اغلقوا كلية الغد بحفر الباطن صار ما قدامي الا الدبلوم وبالفعل رحت الى معهد صحي معروف عندنا في حفر الباطن بامانته وسجلت دبلوم طب طوارئ بما ان طب الطوارئ رغبتي وهوايتي بعدها بفترة نزل قرار من الهيئة الغى فيه دبلوم طب الطوارئ وما بقى قدامي الا دبلوم التخدير وقلت وش نسوي امر الله شق القربة وقلت خلنا ندرس هالدبلوم بعدها بيومين ارسلولي رسالة انه تم الغاء قسم التخدير لعدم اكتمال العدد المطلوب لان الي سجلوا اكثر من 80 طالب والي قبلوهم الهيئة هم 19 طالب بس بسبب القدرات والتحصيلي وانا كنت من المقبولين طبعا قلنا مالنا الا الاكاديمية المادية للسرقات المالية ورحنا يمهم قالولنا نقبلكم ليش لا اهلا وسهلا يلا اعطونا رسوم اول شي 5 الاف ريال علشان نقبلكم وترا مافي معهد بحفر الباطن يدرس دبلوم غيرنا طبعا حنا مالنا اي خيار غيرهم وانا اروح يم مكتب تقسيط واخذ من عنده مبلغ 5 الاف ريال وحسبها علي 7500 ريال على اني اسدده كل شهر 800 لين اخلص وسددتهم الاقساط وداومت عندهم لمدة اسبوعين لغة انجليزية وطلبوا علي ملزمة جبتها من المكتبة واربع كتب قيمتها لا تقل عن 400 ريال واعطوني لبس فصلته بالخياط ب 100 ريال وفي يوم الاربعاء بالتحديد دقوا علي بعد صلاة المغرب وانا طالع من المسجد قالولي انت الاخ الفاضل الصقار قلت ايه من معي قالولي حنا الاكاديمية ترانا الغينا الدراسة وماعاد فيه قسم تخديرقلتله لا شعوريا العن ابوك قالي عفوا قلتله ما اكلمك اكلم الي جنبي بس ليش قالي انتم كلكم 22 طالب ماتكفون وحنا الغينا خلاص تعال خذ الرسوم رحت وانا كني جسد بلا روح بعد دوام اسبوعين كاملة بالاكاديمية واخذت دين وانحسب علي فايدة وكلها بدون اي نتيجة لما دخلت عليهم لقيت الطلاب كلهم يتهاوشون مع الادارة ووصلت الى اليدين بس الله ستر عليهم خذيت منهم الرسوم مع خصم 200 ريال قيمة البدلة الي اعطوني اياها ورجعت ال5 الاف للمكتب وقالي المكتب يبقى عليك 2500 ريال تسددها اقساط وانا ما استفدت شي منها المهم رحنا الى معهد الوسام بحفر الباطن وشرحنا لمديره وضعنا كامل وقلناله اننا صرنا ملطشة ومالنا بعد الله الا انت وكان صراحة انسان متفهم وحنا واقفين بمكتبة رفع السماعة واتصل على هيئة التخصصات الصحية وقالهم وضعنا وقالهم انا ابي ادرسهم عندنا مع ان التسجيل انتهى وارتفعت الاوراق للهيئة ولكن وافقوا علينا بحكم صداقة المدير مع الموظف الي هناك طبعا المعهد ماعنده الا مساعد صحي لمدة سنة وهذا الي ادرسه الحين انا يا اخوان طرحت الموضوع لسببين الاول علشان تعرفون ان ادارة الاكاديمية تلعب بالطلاب ولا درت عن الهيئة ولا حتى حسبت لها حساب وانا ابيكم تحطون هالشي نصب عيونكم وانكم تكونون حذرين لان اي قضية تخوضونها مع الادارة هذي انتم خسرانين فيها وفوق هذا متعدين على الانظمة ومستهترين وخارجين عن القانون وتستحقون السجن وابو غريب وغوانتانامو ويمكن توصل لسحب الجنسية السعودية الثاني وهو لي شخصيا انا ابي اعرف الي يبي يكمل من مساعد الى بكالوريوس وشلون طريقتها ومعادلتها ودراستها بعد ما اخلص البرنامج حق المساعد صحي اتمنى ما اكون طولت عليكم واتمنى اكون افدتكم ويعطيكم الف عافية اخواني واخواتي التعديل الأخير تم بواسطة انسان أنا ; 2012- 7- 5 الساعة 11:37 PM سبب آخر: إضافة التصنيف |
|
2011- 11- 14
|
#2 |
|
أكـاديـمـي
|
رد: قصة ملطشتي مع كلية الغد والاكاديمية + استفسار
الله يكون في عونك اخوي
بصراحة شعور قاسي وهم المستقبل ثقيل وللأسف جالسين نتعامل مع ناس ماديين همهم الأول والتالي لفلوس ولا يهتمون إذا تسببو في ضياع مستقبل الطلاب عن نفسي يا خوك مثلي مثلك في مصيبة تشوفها في عنوان " استفسار عن المنح ..!! " ما اظن في هالدنيا احد مرتاح غير الشخص القنوع إلي يرضى بما قسمه له ربه ويقول الحمد لله على كل حال موفقين إن شاء الله |
|
2011- 11- 14
|
#3 |
|
أكـاديـمـي فـعّـال
|
رد: قصة ملطشتي مع كلية الغد والاكاديمية + استفسار
جزاك الله خير اخوي ووفقك الله لما يحب ويرضى
مشكور على مرورك |
|
2011- 11- 14
|
#4 |
|
أكـاديـمـي ذهـبـي
|
رد: قصة ملطشتي مع كلية الغد والاكاديمية + استفسار
اخوي للاسف شهادة المساعد الصحي ماتقدر تكمل بالكليه فيها يعتبر برنامج او دوره بما انك عملي لو سجلت بكلية واختصرت وجع الراس حتى لو مافي كلية قريبه منك لو رحت كلية بالرياض او اي مكان تتحمل كم سنه بس شهادتك تكون قويه بالتوفييييق
|
|
2011- 11- 14
|
#5 |
|
أكـاديـمـي فـعّـال
|
رد: قصة ملطشتي مع كلية الغد والاكاديمية + استفسار
مالك لوا اختي لمحة شجن
في تكميل لها وانا اعرف واحد شخصيا دخل المساعد وتخرج وراح لكلية الغد ولكنه رسب باختبارهم والي اذكره بعد كان يداوم ثلاث ايام بالاسبوع ولكن المشكلة اني ضيعت كل ارقامه ولي اكثر من شهر احاول اوصل لواحد يعرفه ماقدرت وبالنسبة ليش ما كملت خارج المحافظة لانني العائل الوحيد لامي وابوي ولا لهم بعد الله الا انا مشكورة اختي على مرورك وحياك ربي |
|
2011- 11- 15
|
#6 |
|
أكـاديـمـي ذهـبـي
|
رد: قصة ملطشتي مع كلية الغد والاكاديمية + استفسار
انا قولت لك اللي اعرفو لانو اعرف بنات دارسات مساعد صحي يقولو ماقدروو يكملو بالتوفيق
|
|
2011- 11- 16
|
#7 |
|
أكـاديـمـي فـعّـال
|
رد: قصة ملطشتي مع كلية الغد والاكاديمية + استفسار
لمحة شجن
الله يعطيك العافية على مرورك وتجاوبك وان شاء الله يجي من يفيدنا حنا الاثنين 
|
|
2011- 11- 17
|
#8 |
|
أكـاديـمـي فـعّـال
|
رد: قصة ملطشتي مع كلية الغد والاكاديمية + استفسار
غريبة يا اخوان الموضوع له اكثر من يوم ولا احد افادني
 والله غريبة اتمنى من اخواني افادتي وان شاء الله لهم الاجر والدعاء باذن الله |
|
2011- 11- 17
|
#9 |
|
متميزة في كلية الغد الدولية للعلوم الصحية
|
رد: قصة ملطشتي مع كلية الغد والاكاديمية + استفسار
ماعندي خبره
 او علم الله يعينك |
|
2011- 11- 18
|
#10 |
|
أكـاديـمـي فـعّـال
|
رد: قصة ملطشتي مع كلية الغد والاكاديمية + استفسار
مشكور لصقة جونسون على الرد
الله يعطيك العافية يارب |
|
| مواقع النشر (المفضلة) |
| الكلمات الدلالية (Tags) |
| ملطشتي, الغد, استفسار, والاكاديمية, قصة, كلية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ عامة ] : شروط التقديم إلى كليات الغد الدولية للعلوم الصحيه + الأمور الماليه + كل ما تحتاج لمعرفته عن الكلية | كلية الغد | منتدى كليه الغد للعلوم الصحية | 8 | 2012- 7- 31 03:42 AM |
| لكل اللي في كلية الغد قسم طب طواري | في انتظار المنح | ملتقى الخريجين | 3 | 2011- 7- 31 05:55 AM |
| [ جامعة الدمام ] : نسب الدفعه الثانيه | آخر شياكه | منتدى ماقبل الجامعه والاستفسارات الأكاديمية العامة للطلاب المنتظمين | 3 | 2011- 7- 28 10:11 PM |
| اي واحد فاضي يدخل | سلمان اللحيدان | قسم المحذوفات و المواضيع المكررة | 14 | 2011- 2- 14 05:54 AM |
