ملح المحبّة يا حبيبي زعلنـــا
و أحلى الحبايب اللّى دايم ..يغـــارون

الله على الفرحه بعد ما ..رجعنـــا
ما شفتوا وشلون الوله كان ..مجنــون

لا تنطفى أرجوك جمرة ..ولعنــا
ولا الحنين اللّى سرى وهيّض.. شجــون

وش عاد فيها لو نبيّن.. دلعنـــا
لا قلت لك آسف تجاوبنى.. تمـــون

وإذا على العذال أبد ما .. سمعنـــا
من حرّة الغيرة تراهم ..يلومـــون

حاجه كبيرة في المحبة ..اجمعتنـــا
أكبر من اللّي يدّعون و ..يقولـــون

قريبين لبعض مهما ..بعدنـــا
جايز تصالحنا ولو نظرة .. عيـــون

ومهما تأخرنا ولهنا .. سبقنـــا
محنا من اللّى فى الخواطر يشيلـــون