 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2011- 12- 24
|
||||
|
||||
قصيدة تتكلم عن معاناة البدون الكويت للشاعر فلاح عشوي العنزي
قصيدة تتكلم عن معاناة البدون
إذا لك خاطر تعيــش الضياع ،، ولوعــة الحرمان ........... اذا لك خاطر تعيــــش بصفه .. ماتشبـــه الانسان ؟ اذا لك خاطر ، إن طفلك يجي ،، مايشبه الأطفال. .......... من اوّل مــاولد والناس تصــــرخ ،، نادوا الدفّان ! اذا لك خاطــر ، تحس بقهر وهموم ،، ماتنطــاق ........... تنام وخاطرك مكسور ،، تصحى خاطرك منهان ؟ اذا لك خاطر ،، تشوف الألم ،، بعيون اهل بيتك ........... امّك خوفـــها يغلــي ،، وابوك بحســرته حيران ؟ اذا لك خاطر ،، تشوف الوجود بعينك ،، مسكّر ! ........... تبي تدرس ،تبي تعمل ، ولا تلقى سوا الحرمان ! اذا لك خاطر . أنْ تنبـــذ من الدنيا ،، بلا رحمه ! ........... تنادي ياوطن وينك ؟ . عجرت ألقاك بالأوطـــان !! ابيك تعيش بس ليله ( بدون ) ، وكافي بس ليله ........... تشوف انواع للقســوه ، واشكال ،، وبعـــد الوان وتستغرب لِيامن شفت ، شخص ينادي بالإسلام ........... لبس ثوب السلف . لاحظ ! ،، ترا ماهو من الأخوان ! سلف يعني / ابو ذر / وعلي / عثمان / والصدّيق ........... سلف يعني ،، تكون الحب ، والإحسان ،والايمان سلف يعني العطا ، والصدق ومد العون للمحتاج ........... تطبّق كل ماقالـــــه ،، نبي اللـــه ،، والقــــرآن مهو تصــرخ امام الله والكعبه ،، بصوت ابليس ! .......... ترا هذا البدون ،، مزوّر ،، ودعواه ،، للبطلان قول آمين ياهذا ،، ابيك تقولها ،، آميــــن .......... عساك إن كنت ظالمنا ،، تصيبك لعنة الرحمن إذا انت الملتزم هذي إهي فزعَــتْــك للمحروم .......... أجل وش نرتجي من ( جاك ) أو عبّادة الأوثان !! ياخطّاب المنابر .. ياشيوخ الفقه ،، والتوحيد ......... يامن تصدحون الدين .. دين الواحد ،، الديّان يالخرّاز ، يالنشمي ، يالمذكــور ،، يالهدّه ......... يالأنصاري ، يالشطّي ،، يدويسان . يالقطّان من الإسلام هالعالم ،، تنام وكلّها ضيقه ؟ ......... تصحى تشرب الدمعه .. وتجلس تاكل الاحزان ؟ من الإسلام ،، لا عيشه ،ولا شغله ولا زوجه ......... يروح العمر ماناخذ ،، سوا النكران والطغيان ؟ من الاسلام هذا الظلم ، وصوت الإمّعه ينبح ......... لا تعطونهم غير الأسى ، والذل ، والحقران ؟ من الاسلام ياعالم ،، نموت ارواحنا ، حيّه ؟ ......... يخنقنا قهر ،، علاّن ،، ويطعنّا حسد ،، علاّن ؟ ( تعدّسنا ) ( بفضالة ) من ( يسنّنّا ) و ( ينجرنا ) ......... شياطين ان حكت تحكي ، بِما يملي لها الشيطان اكيد ان كلّنا يعرف ،، قصّــة إمرأه ماتت ......... لأنها عذّبت ( قطوه ) ،، حشرها الله ،، بالنيران واحنا من العذاب اليوم ذقنا الصاع والصّاعين ......... خلاص ارواحنا ذابت ، واصبحنا فقط ،، ابــدان من الاسلام ؟ خبروني اذا هذا من الاسلام ؟ ......... واذا غلطان ؟ قولولي ،، تراك بصرختك غلطان ؟ ولا أنسى الوفا واهل الوفا والجود والرأفه ........ بنتٍ من مواري الشيخ ( جابر ) كلّها نيشان سلام الله ورضانا ،، وامتنان قلوبنا لـَ أوراد ........ شيخه لا حرمنا الغير ،، جاتك كنّها وديــان جزاك الله كل الخير ،، يا ام الخير والطيبه ......... عسانا كلّـــنا فدوة عيونك ،، شيبٍ وشيبان واخت الحق وبنت الحق وام الحق فوزيه .......... وانــا لاقلت ( فوزيه ) تفز قلوبنا ،، عرفــان شيختنا ،، وعمّــتنا ، وفزعتنا ، وصرختنا ......... كن الجـــود مَــلفعها ،، والطيــبه لها فستان ماقصّــرتي ياشيخه ،عسا الله ياجرك عنّــا ......... عسا مثواك .. للجنه ،، مع الصادق ابن عدنان ولا انسى ساجد / وفارس /والنجار / ومبارك ......... ونبيل / وكل من حاول،، يكون لحقّنا عنــوان يا الله ،، إليك اليــــوم نشكو ضعف قوّتنا ......... مثل ماشفنا بطشتهم نبي بطشتْك يامنّان بدون ولا لنــا غيرك ،، ياخذ حقّنا منهم ......... نفونا ، صرنا ماندري احنا إنس ، ولاّ جــان ؟؟ وابختم صرختـي للّي سئلني كيف اوضاعي ......... تعب صوتي ولا باقي بهذا الصوت أيْ لْسان عرفت الحين وش يعني بدون ؟ / وكان ماكفّاك ......... تعال إجلس هنا ،، واصرخ لهذا العالم النعسان صيح بصوت ياعالم هذا ( انسان ) ياعالم ........ يجاوبك الصدى كذّاب من قال ( البدون ) انسان لشاعر فلاح عشوي الحبلاني العنزي |
|
2011- 12- 24
|
#2 |
|
أكـاديـمـي مـشـارك
|
رد: قصيدة تتكلم عن معاناة البدون الكويت للشاعر فلاح عشوي العنزي
قصيدة تحاكي شريحه من المجتمع أسأل الله ان يفرجها عليهم
صح لسانك ولسان شاعرها بالتوفيق |
|
2011- 12- 25
|
#3 |
|
أكـاديـمـي فـضـي
|
رد: قصيدة تتكلم عن معاناة البدون الكويت للشاعر فلاح عشوي العنزي
أليمه صح لسآنك والله يفرج عليهم كثير من القضايا وهذي منهآمؤجله حلولهاآ او لايوجد من يفكر يوجد لهانهايه! كان الله بعونهم يعطيك العآفيه \ سمآويه |
|
2011- 12- 26
|
#4 |
|
مشرفة ملتقى الفنون الادبية سابقاً
![الصورة الرمزية [ قايدة الريم ]](customavatars/avatar69117_94.gif){kind=avatar}
|
رد: قصيدة تتكلم عن معاناة البدون الكويت للشاعر فلاح عشوي العنزي
الله يفرج عنهم , صح لسآنه آخي شآعر
ولكن عندي سؤآل : وأتمنى ترد عليه لآني آلآحظك مَ ترجع ترد على موآضيعك آلسؤآل : هل أنت فلآح العنزي ؟! 
|
|
2014- 3- 13
|
#5 |
|
أكـاديـمـي نــشـط
|
رد: قصيدة تتكلم عن معاناة البدون الكويت للشاعر فلاح عشوي العنزي
مأجمل هذا الرد العذب ومن غيركم يطريني بمديحه كلي شرف مروركم وتعطيركم تصفحتي بشذى عبيركم أعجز عن شكركم ودمتو بأفضل حال |
|
2014- 3- 13
|
#6 |
|
مشرف عام سابقاً
|
رد: قصيدة تتكلم عن معاناة البدون الكويت للشاعر فلاح عشوي العنزي
،،،
من قوانين القسم : يمنع رفع المواضيع القديمة ،،، أعتذر منك اخي [ شاعر خيال ] يغلق ،،، و ننتظر طرحكـ الجميل و الجديد ... 
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ شعر ] : قصيده أجمل ذكرياتي | مضاوي الشعر | ملتقى الفنون الأدبية | 0 | 2011- 11- 23 11:44 AM |
| [ شعر ] : طريــق المــــوادع ما يــرجعنـا لشاعر فلاح عشوي العنزي | مضاوي الشعر | ملتقى الفنون الأدبية | 4 | 2011- 11- 19 12:58 PM |
| الدفعة الثالثة[ عبر جدارة ] : الخدمة المدنية تدعو 2571من المتقدمات للوظائف التعليمية للنساء للمطابقة | الحلم القريب | ملتقى الدراسات العليا و الابتعاث | 40 | 2011- 9- 2 07:21 AM |
