المشاركة الأصلية كتبت بواسطة ماء عذب

انا موقفي يضحك ويبكي ويخوف من جد
كان اخر اختبار مادة المحاسبة ويجني خوف غير طبيعي كاني رايحة لموتي واول ماوقف اخوي بسيارة قدام المبنى الي بختير فيه الا وانا صرت اتنفس بصعوبه اخوي حن علي ياحياتي قالي لا تخافين باقي وقت تقدرين تراجعين شوي مع زميلاتك قلت ماودي لانهم يلخبطوني ويزيدوني توتر قال خلاص راجعي معي واذا جا وقت اختبارك انزلي قلت ما اقدر احس نفسي ثقيل قال اكشفي ونزلي راسك من جهتي ما احد بيشوفك وراجعي المهم يوم بديت استرجع انفاسي واراجع شوي الا واحد يطق شباك اخوي قام اخوي يقولي تغطي تغطي وانا من الربشه ابي اتغطى سحبت الطرحه بقوه الا راسي كله طالع وعصب اخوي وطلع على الرجال وانا احوس بعبايتي وشيلتي واجلس تحت المرتبه اسوي فيها والحمدلله تسترنا اخيرا واجلس وانا ميته من الخوف والرعبه والربكه مدري وش السالفة واسمع اخوي يصارخ على الرجال ويقول هذي اختي ولا بخليك تكلمها وعرفت انه من الهيئه قالة طيب ااثباتك واثباتها عشان افككم والحمدلله ان اثباتي معي ولما طابقها قعد يتاسف من اخوي المهم قالي اخوي خلاص انزلي عصب علي وانزل وانسى شنطتي معه ولما وصلت لباب المبنى تذكرت شنطتي فيها كل شي حتى جوالي واخوي من الزعل شحط بالسيارة اول مانزلت واروح الحقه من الربشه ماعاد دريت وش اسوي ويلحقني الحارس وحق الهيئة ويقولون وش فيك وقلتلهم قاموا يلحقون اخوي وينادونه وكانه انتبه وهو بعيد ورجع قال وش فيكم قالوا اخنك ناسية الشنطة معك وجا عندي قال خذي يالبقره بقره بقره هههههههههههه واسفه اذا طولت عليكم بس هذا موقف ما انساه طول عمري