|
إدارة أعمال 2 ملتقى طلاب وطالبات المستوى الثاني ادارة اعمال التعليم عن بعد جامعة الملك فيصل |
|
أدوات الموضوع |
#1
|
||||
|
||||
الى اهل القلوب الرحيمه ...!
أعجبتكم اهل القلوب الرحيمه ؟؟؟ ماشالله العاطفه لاعبها لعبتها مع ذا الاختبارات الله يديمها يارب الزبده انا قدر الله علي وتمكنت مني الانفلونزا وبما ان اكثر شيء احب اتابعه في التلفزيون الدعايات شفت واحد يقول انا حاسس بيك والثاني وجهه صاير مثل وجهي من شدة المرض ويقوله : لاء انت مش حاسس بيا انتا ماعندكشي انفلونزا !!!!!! وتحمست مع الدعاية قلت هذولي يتكلمون عني محدش حاسس بيا اكيد فيه حل وفعلا طلع الحل بنادول وانط للصيدليه مثل الغزال الشارد واقول للصيدلي عندك انت مش حاسس بيا قال لاء انا حاسس بيك وقالي تقصد هذا النوع من البنادول لين علبته كنها طقم نادي الانصار اخضر على ابيض على كحلي ماجازلي اللون بس خذيته وافتحه كأني فاتح خزنه فيها خمسميات والعب لكم في حبتين من انتا مش حاسس بيا جلست ساعتين مروق همن خمدت ( نمت ) وشوي واقوم احس بصداع دبل والانفلونزا صارت مو بس لحالها اسناني شبت علي وش دخلها مدري المهم اني استسلمت وصرت طريح الفراش ولا عاد ابي شيء ابي السلامه بس وتحاملت على نفسي ورحت لاختبار الصحه واللياقه طبعا رايح كان في سبعه حاشريني في زواية حشرة قطو ومصفقيني من قوة التعب والمراقب يقولي سلامات شكلك تعبان قلتله انتا مش حاسس بيا عطني ورقة الاجابات بس وماعليك الباقي علي واعطيها خطة ناصر الجوهر 4 الف و 4 باء و 4 جيم و 4 دال ولا فتحت الاسأله يوم جيت بقوم حسيت بالعصافير اللي في افلام كرتون تدور فوق راسي واريح شوي وطلعت بسلام طبعا شطفنا الكشك الجامد تعرفون لازم بليله من صديقنا مادري هي بليله ولاجريش يارب لك الحمد وارجع البيت واريح ثلاث ايام واسحب على اختبار المحاسبة 1 المشكله انه اخر اختبار والماده الوحيده اللي حاملها جعلها العله خلاصة الاكشن اللي قريتوه 1- غايب عن اختبار مادة حاملها 2- مارحت لمستوصف 3- شلون اشرح للجامعه الموضوع 4- قولولي ويش اسوي تكفون يا أهل القلوب الرحيمه لا تنسوني
|
2011- 12- 31 | #2 |
متميز بإدارة أعمال
|
رد: الى اهل القلوب الرحيمه ...!
موضوعك تحفـه
اولآ . طيـب دامك تعبان ليـه ماخذيت لك عذر في الصحة ثآنيآ شوف لك ابن حلال وخله يزبنك في عذر وانتهى الموضوع |
2011- 12- 31 | #3 |
أكـاديـمـي ألـمـاسـي
|
رد: الى اهل القلوب الرحيمه ...!
مالك الا عذر طبي
|
2011- 12- 31 | #4 |
أكـاديـمـي فـعّـال
|
رد: الى اهل القلوب الرحيمه ...!
والله فطست من الضحك الله يشفيك ويعافيك وينجحك ومثل ما قالوا الأخوان دبر لك إجازة مرضية من مستوصف أهلي ورسلها للجامعة أعتقد لهم موقع مخصص للغياب بعذر دمت بخير وصحة وسلامة |
2012- 1- 1 | #5 | |
أكـاديـمـي
|
رد: الى اهل القلوب الرحيمه ...!
اقتباس:
يابن الحلال وين اخذ عذر طبي في الصحة وانا لي اسبوع كني مخده لدرجة ان سريري طفش مني يعني الموضوع بس يبغاله عذر طبي توقعت الموضوع اكبر من كذا يمال الثانكيو وكذا |
|
2012- 1- 2 | #6 |
أكـاديـمـي نــشـط
|
رد: الى اهل القلوب الرحيمه ...!
الله يعينك مالك الا انك تروح للعماده وتشرح لهم الوضع
والله يسهل عليك |
2012- 1- 2 | #7 |
أكـاديـمـي فـضـي
|
رد: الى اهل القلوب الرحيمه ...!
وناسه موضوعك فله لاباس وماتشوف شر عذر سريع سريع من اقرب مستوصف اهلي وختمه من الاداره الصحيه تبع وزارة الصحه وخلصنا وش جايبك هنا يابو الشباب تحتك >>>>>>مستوى اول قلنا نسير |
2012- 1- 2 | #8 |
أكـاديـمـي
|
رد: الى اهل القلوب الرحيمه ...!
|
2012- 1- 2 | #9 | |
أكـاديـمـي
|
رد: الى اهل القلوب الرحيمه ...!
اقتباس:
حبيب قلبي والله ابشر وصينا عالتقرير وانشالله انه بيجي قريب وبنحتفل قريبا في المنتدى دام الدعوه بس تقرير وارسله ومافيها قلق الامر سهل انشالله ويسلملي مرورك واهتمامك تقبل فائق احترامي |
|
2012- 1- 2 | #10 | |
أكـاديـمـي
|
رد: الى اهل القلوب الرحيمه ...!
اقتباس:
شلون اروح للعماده
فيها عماده بعد الشباب يقولون تقرير طبي وترسله بس تكفى لا تحبطني قل زيهم تقرير طبي وينتهي الموضوع والله شايل هم ان كان عندك علم ان الامور فيها عماده وخربطه علمني الخطوات تكفى تكفى تكفى قولولي ويش اسوي |
|
مواقع النشر (المفضلة) |
الكلمات الدلالية (Tags) |
الى, الرحيمه, القلوب, اهم |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|