|
استراحة آدم مساحة حرة للرجال فقط سواليف,الغاز,صور رحلات برية وكشتات,ألعاب, مسابقات |
|
أدوات الموضوع |
#1
|
|||
|
|||
مندي تيس القصة من البداية الى النهاية............
بسم الله ماشاء الله وعلى بركة الله *************** السلام عليكم ورحمة الله وبركاته وبعد هذي قصة مندي التيس من البداية الى النهاية وبدايتها كانت بمخطط وفكره واجتماع عدد 9 اشخاص ومن ثم تم التدبير والمؤامرة وتنفيذ الخطة على درجات كانت في غاية الدقه وبقيادة ابو باسل طبعا تم انتقاء الضحية وكان تيس متوسط الحجم يبدي لذلوجيه الطيبة واول ماشافه ابو باسل ووقعت عيونه عليه قال هذا ضحيتنا اليوم والتيس المسكين ماكان يدري وش امره مسنود اليه المهم شرينا التيس وتمة المرحله الاولى وهي فصل الراس عن الجسد >>>>مجرم ومن ثم الصلخ واكمال باقي العمليه الي ماتخفى على محبين الاجرام في التيوس وهذي صوره للتيس المسكين بعد تعليقه وماحبيت اصوره قبل الذبح واثناء الذبح على شان حماية حقوق الحيوان ماينشبون لي لاني اشوفهم شغالين اكثر من حماية حقوق الانسان قلت يالله خلني اصورة بعد الصلخ احسن وعلى شان اصحاب القلوب الضعيفه مايتأثرون بعد ونسبب لهم حالة من الحزن الشديد . طبعاً هذي صورة التيس بعد الصلخ المرحلة الثانية تم وضع حطب السمر في البرميل زي مانتم شايفين على شان اكمال عملية الاجرام وهنا شبينا الحطب في البرميل الله يكفينا شر النار بس لو التيس داري ان نهايتة هنا يمكن ينتحر قبلها وبعد ماشبينا رجعنا وبدينا تتبيلة حبيب القلب لازم نكرمه ونغسله مضبوط على شان ندفنه والتتبيله معروفه لدى الجميع كركم مع بهارات مشكله وملح تخلط جميع ومن ثم يدهن بها الضحيه الشاهي ماله دخل لااحد يروح يحط شاهي بس جيته جات عفويه صورة اخرى هنا بدينا نرتب اللحم في الشبك وهذا احسن شبك استخدمه لعمل المندي على شان الطوابق حقته وله بعد محل للقدر وهو موجود في محلات السنيدي للرحلات ويوجد منه نوعان نوع العادي هذا الموجود عندي ونوع اخر فاخر وغالي وهو مصنوع من الاستنستيل الذي لايصدى ولا يحتر وغالبا يشتريه الي يعمل المندي بشكل يومي تقريبا لانه يدوم معه بإذن الله . وبعدها كشنت للرز وحطيت خلطة الكبسة من البهارات والصلصه وغيرها حسب مزاج كل شخص وصبيت الماء عليه زي مانتم شايفين وكان الماء بمقاس الاصبع السباب والي اصبعه طويله يقلل شوي هههههه. وهنا حطيت القدر تحت اللحم لاكمال العملية بالشكل المطلوب صورة جانبية وهذا حطبنا طاب طاب واستجمر ويقول وين التيس جيبوه والله اني مشتاق له وهنا بعد مانزلنا الشبك والضحيه مقطع الى اجزاء داخله ويقول يانار شبي من ضلوعي حطبكي وحطينا القصدير على فتحت البرميل وبعدها غطيناه مضبوط وبدينا نحط الخيش وندفن فوق الخيش . وخليناه ساعه وربع والشخص يقدر الوقت حسب قوة النار . عملية الدفن تمت ومن ثم نضح الماء على المدفن ونطلب من الله انه يتمم له على خير وتضبط علومه لان الله وحده العالم بحاله في هذا المكان . الله يغفر لي ولكم اجمعين ويجعل قبورنا روضه من رياض الجنان وليست حفرة من حفر النار طبعاً في سؤال يدور في الاذهان وين الكبد والكلاوي خليناها على شان نشويها على النار في فترة انتظار المندي يخلص يعني مقبلات ولا لحقت الا على هذا وصورته والباقي طار طار بس هذا قسمي انا واحد من الشباب وباقي على الشبك ينتظرنا قولو ماشاء الله تبارك الله وفتحنا الحفره ويوم انا نشيل القصدير الا وتطلع ريحه مجنونه مدري وش جايبها سبحان الي حلاها وهي طالعه من حفرة من حفر نار الدنيا حسيت انها صابتني دوخه حتى الشباب كل واحد قام يترنح المهم بعد ما وخرنا الغطاء وفكينا القصدير الا وهذا المنظر الي احسن من منظر التيس وهو حي قولو ماشاء الله تبارك الله . صورة قريبه احس عيون الشباب تبي تطلع لاني جلست اناظرهم وانا اهم شي عندي الرز ان شاء الله انه استوى مضبوط ولا نجح زياده لاني مابعد شفته زين تحت اللحم . وسحبنا الشبك وهذي كانت النتيجه اللحم في الدورين والرز مضبوط تحت وحمدة الله سبحانه على نعمته الي انعم بها علينا. وعلى طول سحبت الرز واخذت له صورة وبصراحه اناظر الشباب كلهم فاغرين وعيونهم مفقعه فيه طبعاً وزعنا وهنا واحد من الصحون وفيه واحد من الشباب ماد يده اقول وخرها ابي اصور يقول والله ماعاد اتحمل يابو باسل فكني عليه وصلنا لنهاية قصتنا في اختطاف الضحيه وعمل اللازم معه ارجو اني ماطولت عليكم وكانت قصتي ممتعه للجميع وتقبلوا خالص تقدير ابو باسل واطلب منكم بعد المرور على الموضوع الدعاء لوالدي بالرحمه والمغفره وان يجعل الجنه داره وقراره . |
2012- 1- 13 | #2 |
أكـاديـمـي ألـمـاسـي
|
رد: مندي تيس القصة من البداية الى النهاية............
الله الله يابو بااسل
والله انك أجرمت فينا بالصوووور مشاء الله تبارك الله تسسلم يمينك ع المندي وعلى هالصوور الخوقاااااااااقيه بسس ليه ماتعزمني يابخيل |
2012- 1- 13 | #3 |
أكـاديـمـي مـشـارك
|
رد: مندي تيس القصة من البداية الى النهاية............
مشكور اخوي ابو باسل والله يعطيك العافيه
بس عندي سؤال اللحم فيه ناس تحط المرخ عليه وش الافضل بمرخ او بدون |
2012- 1- 14 | #4 |
أكـاديـمـي مـشـارك
|
رد: مندي تيس القصة من البداية الى النهاية............
الله يعطيك العافية يابو باسل ,,
ماشاء الله تبارك الله ,, صور تشرح الصدر ,, وقصة ممتعة ,, وباين الخبرة بالطبخ ,, الله لايغير عليكم ,, الله يرحم والدك و يغفر له و يعفو عنه و يوسع عليه في قبره ويجعله روضة من رياض الجنة |
2012- 1- 14 | #5 |
رئيس مجلس ادارة الملتقى
|
رد: مندي تيس القصة من البداية الى النهاية............
وعليكم السلام ..
رحم الله والدك واسكنه فسيح جنآته .. أمآ الي مآد يده مآ ألووومه تسلم يمنآك ،، .. |
2012- 1- 14 | #6 |
أكـاديـمـي نــشـط
|
رد: مندي تيس القصة من البداية الى النهاية............
تسلم يمينك
توي متغدي وبعد ما شفت الصور نفسي بغداء ثاني بشرط يكون نفس المواصفات |
2012- 1- 28 | #7 |
أكـاديـمـي فـضـي
|
رد: مندي تيس القصة من البداية الى النهاية............
حياكم الله جميع وشاكر جدا مروكم وردودكم الي تثلج الصدر
|
2012- 1- 29 | #8 |
مراقب عام سابقاً
|
رد: مندي تيس القصة من البداية الى النهاية............
انا اشهد انها قصة مغرييه جدآ
عساكـ على القوة ماودكـ تعزمنا عليها |
2012- 1- 31 | #9 |
أكـاديـمـي مـشـارك
|
رد: مندي تيس القصة من البداية الى النهاية............
ليش الاغرات هاااذي كلها
حرام عليك الله يعطيكم العااافيه يارب وعسااااكم على القوة |
2012- 6- 26 | #10 |
أكـاديـمـي نــشـط
|
رد: مندي تيس القصة من البداية الى النهاية............
بارك الله فيك
|
مواقع النشر (المفضلة) |
الكلمات الدلالية (Tags) |
لوجي, البداية, الى, النهاية, القصة, تيس |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أسئلة مراجعة مادة ( تقنيات التعلم ) إجتهاد صبا دوس ..متجدد | صبا زهران | ارشيف المستوى 2 تربية خاصة | 36 | 2012- 5- 20 11:03 AM |
شكراً للجميع ... شكراً للجميع ... شكراً للجميع | راكان الشعلان | إدارة أعمال 3 | 51 | 2012- 1- 8 08:45 PM |
°•.♥.•° مراجــعه ,, ماده سياسات الرعاية الأجتماعية)°•.♥.•° | ام الحلوين | اجتماع 4 | 294 | 2011- 12- 18 04:22 PM |
أسئلة وجوابة لمادة علم الاجتماع | مــعــدي | المستوى الأول - كلية الأداب | 4 | 2011- 5- 31 08:12 PM |
هنا تلخيصيا جميع ا لمحاضرات تقنيات تعليم وتمارين... | أسيرة الأحساء | ارشيف المستوى 2 تربية خاصة | 34 | 2011- 5- 10 04:28 PM |