 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2012- 1- 17
|
||||
|
||||
|
جامعتنا العظيمه " جامعة الدمام ..
السلام عليكم ..
انا حابه ادخل بالموضوع على طول .. كلنا نعرف جامعة الدمام وكلام الناس عليها ، انها جامعه للفاشلين او جامعه مايدخلونها الهاي كلاس او انها مو مستوى بعض البنات ! وودي اسأل هذه النظريه لهذه الجامعه ؟؟ يعني الحين لانها مافيها اقسام واجد صارت كذا ؟؟ ولا شنو السبب ؟؟ اذا على الرسوب وظلم بعض الدكاتره انا اتحدى جامعه بالعالم مافيها هذي الشي ’ يعني شي طبيعي بكل كليه تدخلينها او كل جامعه تلاقين دكتور او دكتورة ترسب عدد من البنات عادي شي بديهي صراحه .. فـــ ي جميلات  خلونا ننظر لجامعتنا نظرة ايجابيه جميله .. نخليها جامعه مثاليه ومحد يتكلم عنها .. وترى الطريقه مرة سهله .. مثلا انتي بجمعة بنات وقاعده تسولفين قالوا لك : ها فلانه وين دخلتي اي جامعه ؟؟ بدال لاتقولين : للاسف جامعة الدمام وتسوين مناحه .. قولي حمدالله جامعة الدمام اذا قالوا لك وووووع مالقيتي الا هذي بدال لاتقولين شسوي حظي ردي .. قولي وشفيها ! حمدالله انا عاجبتني .. حتى لو ماكانت عاجبتج اقنعي نفسج انها عاجبتج والله بتحبينهاا .. انا صراحه اشعر بالاسف اذا جلست جنب وحده وتكلمت بكلام مو حلو عن الجامعه .. حمدالله ماقصروا بشي الخطه الدراسيه وغيروها وصارت خطه مرا جميلا .. يعني تستمتعين بالدراسه ولله الحمد .. اجتهدي شوي وشدي من حيلج وباذن الله الله مايخيب تعبج وبتنجحين حتى لو كنتي عند دكتور/دكتورة يرسبون واجد .. والله ي جميلات كل شي بالدنيا احنا نقدر نخليه حلو او موحلو بأنفسنا .. اجل جامعة ................ ابوي قالي عنها يوم كان يدرس ان في قسم الكيمياء كان في دكتور مستحيل ينجح الطلاب ولازم يرسب بكل دفعه ثلاث ارباع الطلاب .. وللمعلوميه ابوي دارس بجامعه من اشهر جامعات المملكه وبدون ذكر اسماء .. وجامعه .............. معروف ان الدكتور ................ موجود فيها لاتقربون منهاا .. وجامعه .................... ( خاصه ) محد يمشي فيها بالانقليزي .. واكصر الجامعات يقولج اذا غلطتي مرة او دافعتي عن نفسج حطج الدكتور/ة براسه ورحتي وطي .. يعني الرسوب والدكاتره والمعاناه مع بعضهم شي طبيعي .. والجانب الاخر الي مضيق صدور البنات ( البيبول سوفت ) صحيح يقهر ومن زمان ننتظر نتائجنا وللحين بالقطاره وعلق الموقع وماصار يفتح ، بس مويعني نسب الدكاتره والمسؤلين , اتوقع هم بعد يبون يخلصون ويفتكون بس بسبب ظروف ما امداهم .. وكل تأخيره فيها خيره .. وترى مو بس جامعتنا تتأخر بالنتائج على فكره يعني .. صحيح في جامعات من 4 يوم نزلت النتاءج وجامعات من 2 يوم اجازة ترصد الدرجات بس كل جامعه وامكانيات طاقمها .. الزبده ي حلوات .. كل الفكره اننا نرتقي شوي ونحسن صورة جامعتنا .. وبدال لا اقول جامعة الدمام العظيما باستهزاء اقولها بفخر .. ولاتنسون النماذج والاساتذه الكبار الي خرجتهم هذه الجامعه .. لها الفضل بعد الله في تخريج اناس يُفتخر بهم .. حطوا يدكم بيدي ولنترقي للافضل ..  .gif "(204)")
|
|
2012- 1- 17
|
#2 |
|
صديقة الساحة العامة
|
رد: جامعتنا العظيمه " جامعة الدمام ..
الله يعطيك العــااافيه كــلامك جميــل جدا ..
مع الأسف الشديد بكـل مكـآن راح تلقين هالنوعيه من الناس .. اللي بس تتذمر .. درست 3 سنوات بجامعة الدمام  تعبت فيها صراحه .. طلعت ودخلت جامعة فيصل .. زي ماقلتي كل جامعه وقدراتها شفت جامعة فيصل غييير تماما لكن مازالت الناس تتذمر وتسبببب .. اقول بخـآطري ماشافوا شي ,, يعني سواء سوو او ماسوو وااااحد .. الله يصلح احوال المسلمين 
|
|
|
|
| مواقع النشر (المفضلة) |
| الكلمات الدلالية (Tags) |
| الدمام, جامعة, جامعتنا العظيمه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ملازم المستوى الأول - كلية الآداب | حيـاة | المستوى الأول - كلية الأداب | 15 | 2012- 6- 18 08:35 PM |
| استفسار عن ماجستير اللغة الانجليزية / كلية الاداب/ جامعة الدمام | Dr. Smart | ملتقى الدراسات العليا و الابتعاث | 7 | 2012- 1- 28 03:24 AM |
| صحيفة الوسام تنقل المعاناه من الرسوم | ابواديب | ملتقى طلاب التعليم عن بعد جامعة الملك فيصل | 19 | 2012- 1- 25 07:28 AM |
| اختلاف بين جامعتنا والجامعات الاخرى؟؟؟ | ارجوك اعفيني | ملتقى طلاب التعليم عن بعد جامعة الملك فيصل | 6 | 2012- 1- 17 12:12 AM |
| لمن تم قبول عذر غيابه رساله من د/مصلح | مجرد عضو | ارشيف المستوى 2 تربية خاصة | 2 | 2011- 3- 22 06:34 PM |
