|
منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
|
أدوات الموضوع |
#1
|
||||
|
||||
معاناة طالبة في كلية الاداب بالاحساء
سلام الله عليكم جميعا
بنات عندي مشكله من السنه الماضية في تسجبيل المواد والى الان مانحلت انا سجلت لي مادة في البنر بالغلط وصارت من تخصص جفرافيا وانا سنة تحضيرية وقلت بحذفها وسكرو البنر ورحت الكلية عشان احذفها وعطوني ورقة وعبيتها عشان الحذف وقالو لي تابعي البنر ولكن لم يتم الحذف ولمن انتهى الحذف قلت بسحب المادة ورحت لهم يوم الاربعاء كان اخر يوم للانسحاب من المقرر وقالو لي خلاص ماتقدرين الا لمن تروحين الجامعة لان احنا رفعنا الاوراق للجامعة وحاولت فيهم لكن بدون جدوى وسئلت موظفة من القبول والتسجيل قسم النساء او الرجال الجامعة قالت اي قسم عادي روحي ويسحبونها لك رحت الجامعة قسم النساء بعد جهدا جيهيد ورحت قسم القبول والتسجيل وقالت لي لا مو من عندنا من نفس الكلية تسحبين المادة وفهمتها وقلت لها الكلية محوليني عليكم قالت لا لا مااقدر وقلت لها كلمي الكلية عشان يسحبونها قالت خلاص بكلمهم وانتي روحي للاستاذة مها السويلم واهي متفهمه وبتسحب لك المادة وطلعت من الجامعة وكلي امل وتفؤل ان مها السويلم تسحبها لي ورحت الكلية مرة ثانية ودورت الاستاذة مها وكلمتها قالت لا روحي الجامعة قلت لها توني راجعة من الجامعة قالت قسم الرجال قلت لها انا قبل اشوي سئلت وقالت لي الموظفه عادي قسم النساء قالت لي نادي الموظفه وناديتها ونكرت الموظفة انها قالت لي قسم النساء وطلعتني انا مفتريه واحرجتني قدام البنات الاستاذة مها وقالت لي (تفترين على المراه ) وخلاص طلعت من عندهم بعد ماذلوني عشان اسحب هالمادة وفوضت امري لله سبحانه والحين المادة كل سمستر تنزل معدلي نصحوني شسوي منو يقدر يحذفها لي ربي يجزاكم الجنه |
2012- 1- 18 | #2 |
أكـاديـمـي نــشـط
|
رد: معاناة طالبة في كلية الاداب بالاحساء
بنات الله يوفقكم ماحطيت الموضوع علشان اشوف المشاهدات 12 والردود0
ردوا علي حتى لو بالدعاء فقط يكفيني ويجبر خاطري المكسور |
2012- 1- 18 | #3 |
متميزة في كلية التربية بالأحساء
|
رد: معاناة طالبة في كلية الاداب بالاحساء
لحظهـ لحظهـ خيتوو كيفـ سجلتي المـادهـ وهي تخصص مو تخصصكـ ؟؟
المهمـ حنى المشكلهـ عندنا الحريمـ مـايحلو ولا يربطو كـلـ مـاتروحي يقولو روحي قسمـ الرجـال يرفعو الضغط وربي طيب أنتي جربتي تروحي عند القبولـ وتسجيلـ الي في الكليهـ ؟ ؟ طيب عند قسمـ الرجـالـ مـاحلوها لكـ؟؟ طيب أنتي رحتي عند رئيسة القسمـ حقتكـ وفهمتي الموضوعـ أو كلمتي رئيس القسمـ لتخصصكم؟؟ |
2012- 1- 19 | #4 |
أكـاديـمـي نــشـط
|
رد: معاناة طالبة في كلية الاداب بالاحساء
مشكورة عزيزتي على الرد
بس تهقين رئيسة القسم بتفيدني وتحذفها ولاتطنشني زي ماطنشوني القبول والتسجيل في الجامعة وفي الكليه انشاء الله بروح لها وبشوف مع اني ماأتوقع انها بتفيدني |
2012- 1- 19 | #5 |
مشرفة سابقة
|
رد: معاناة طالبة في كلية الاداب بالاحساء
افضل شيء تخلين احد ولي امرك
يروح قسم الرجال للقبول والتسجيل التعامل معاهم اسهل واسرع ويحلون مشكلتك بضغطة زر وانتي كلمي رئيسة القسم اذا قدرتي |
2012- 1- 19 | #6 |
أكـاديـمـي نــشـط
|
رد: معاناة طالبة في كلية الاداب بالاحساء
وعليكم السلام ورحمة الله وبركاته
أعانك الله أختي الله يفتح عليك شوفي رجال يروح لك لقسم الرجال وبإذن الله تنحل عندي ملاحظه : إن شاء الله تكتب هكذا وليس إنشاء شتان بين المعنى يا أختي |
2012- 1- 19 | #7 |
صديقة منتدى ما قبل الجامعة للطلاب المنتظمين
|
رد: معاناة طالبة في كلية الاداب بالاحساء
وعليكم السلام والرحمة
حبابة انتي تقولين مو من تخصصك .. كيف دخلت لك في البانر ؟؟ من المعروف إذا تخصصك لغة عربية ودخلتي مادة ثانية مو تخصصك مستحيل تدخل ويطلع لك في التسجيل " غير متاح للتخصص " وانتي بأي مستوى ؟؟ توك مستجده والسمستر الجاي مستوى ثاني ولا كيف ؟ لأن إذا دخلتيها من مستوى اول ولا انحذفت راح يطلع لك f وخلاص يعتبر انك حاملة المادة ولا تأثر الا بالسمستر الي انتي مدخلة المادة فيه اما إذا كان طالع لك جنب المادة w يعنني حذفوها لك خلاص ولا تأثر على المعدل بس ماتمسح من البانر بالتوفيق |
2012- 1- 19 | #8 |
أكـاديـمـي نــشـط
|
رد: معاناة طالبة في كلية الاداب بالاحساء
|
2012- 1- 19 | #9 | |
أكـاديـمـي نــشـط
|
رد: معاناة طالبة في كلية الاداب بالاحساء
اقتباس:
ان شاء الله بسوي اللي علي والباقي على ربي |
|
2012- 1- 19 | #10 | |
أكـاديـمـي نــشـط
|
رد: معاناة طالبة في كلية الاداب بالاحساء
اقتباس:
شكرا جزيلا لكِ على الرد |
|
مواقع النشر (المفضلة) |
الكلمات الدلالية (Tags) |
معاناة, الاداب, بالاحساء, طالبة, كلية |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
استفسار عن ماجستير اللغة الانجليزية / كلية الاداب/ جامعة الدمام | Dr. Smart | ملتقى الدراسات العليا و الابتعاث | 7 | 2012- 1- 28 03:24 AM |
جدول كلية الاداب مستوى ثالث تعالوووو | ام ليالي | ملتقى طلاب التعليم عن بعد جامعة الملك فيصل | 4 | 2012- 1- 17 09:05 PM |
كلية الاداب والتعارض في الجدول محتار وش اختار | [nasser] | ملتقى طلاب التعليم عن بعد جامعة الملك فيصل | 10 | 2012- 1- 17 03:31 AM |